विश्व जनसंख्यामा भारतले चीनलाई उछिन्नै लाग्यो

विश्वजगत्

गृहपृष्ठ
विश्वजगत्

विश्व जनसंख्यामा भारतले चीनलाई उछिन्नै लाग्यो

... मंगलबार, असार २८, २०७९

world-population-day1625971284988.jpg

भारत चीनलाई उछिनेर अर्को वर्ष विश्वको सबैभन्दा बढी जनसंख्या भएको देश बन्ने तयारीमा रहेको राष्ट्रसंघले जनाएको छ । चीनको जनसंख्या सन् २०२२ मा १ अर्ब ४२ करोड २० लाख छ । भारतको अहिले १ अर्ब ४१ करोड २० लाख रहेकोले अर्को वर्ष भारतले चीनलाई उछिन्ने देखिएको राष्ट्र संघीय निकायहरुले बताउका छन् । तथ्यांकअनुसार यही नोभेम्बरसम्म विश्वको जनसंख्या ८ अर्ब हुनेछ ।

तर, सोचेअनुसार जनसंख्या बृद्धिदर भएको देखिँदैन । जनसंख्या बृद्धिदर अहिले सन् १९५० पछि सबैभन्दा सुस्त दरमा रहेको राष्ट्रसंघले जनाएको छ । सन् २०८० सम्ममा १० दशमलब ४ अर्ब हुने राष्ट्रसंघले प्रक्षेपण गरेको छ ।

विश्वको जनसंख्या असमान रूपमा विस्तार भइरहेको छ । आगामी ३० वर्षमा हामीले देख्ने आधाभन्दा बढी जनसंख्या डेमोक्रेटिक रिपब्लिक अफ कंगो, इजिप्ट, इथियोपिया, भारत, नाइजेरिया, पाकिस्तान, फिलिपिन्स र तान्जानियामा मात्र हुनेछ ।

विश्वका सबैभन्दा विकसित अर्थतन्त्र भएका देशहरूमध्ये केहीले यसअघि नै जनसंख्यामा गिरावट देखिरहेका छन् । ती देशहरुमा जन्मदर घटिरहेको छ ।

प्रतिवेदनअनुसार सन् २०५० सम्ममा ६१ देशमा जनसंख्या कम्तीमा १ प्रतिशतले घट्नेछ । आगामी वर्षदेखि चीनको जनसंख्या घट्ने अनुमान गरिएको छ । सरकारले सन् २०१६ देखि नै एक सन्तान नीति त्यागे पनि जनसंख्यामा उल्लेख्य बृद्धि हुन सकेको छैन ।

प्रकाशित मिति: मंगलबार, असार २८, २०७९

प्रतिक्रिया दिनुहोस्