विश्व स्वास्थ्य सङ्गठनको क्षेत्रीय कार्यकारी समितिको वार्षिक बैठक नेपालमा बस्ने

समाचार

गृहपृष्ठ
समाचार

विश्व स्वास्थ्य सङ्गठनको क्षेत्रीय कार्यकारी समितिको वार्षिक बैठक नेपालमा बस्ने

शनिबार, भदौ १९, २०७८

विश्व स्वास्थ्य सङ्गठन (डब्लुएचओ)को क्षेत्रीय कार्यकारी समितिको वार्षिक बैठक नेपालमा बस्ने भएको छ । बैठक यही भदौ २१ देखि २५ गतेसम्म काठमाडौँमा आयोजना हुने छ। बैठकमा विश्व स्वास्थ्य सङ्गठनका महानिर्देशक डा. टेड्रोस आदनम गेब्रिएसस, क्षेत्रीय निर्देशक डा. पुनम खेत्रपाल सिंह, क्षेत्रका सदस्य मुलुकका स्वास्थ्यमन्त्री तथा स्वास्थ्य अधिकारीहरू र संयुक्त राष्ट्रसङ्घका निकायलगायत संस्थाका प्रतिनिधिको उपस्थिति रहनेछ ।

बैठकमा सार्वजनिक स्वास्थ्य आपत्कालको पूर्वतयारी तथा प्रतिकार्यको सुदृढीकरण, नसर्ने रोगहरूको रोकथाम तथा नियन्त्रणको प्रगतिलाई थप गतिदिने र भाइरल हेपाटाइटिस, एचआइभी र यौन रोगहरूको उन्मूलनलगायत विषयमा छलफल हुनेछ ।

यसैगरी बैठकमा स्वास्थ्यमा सबैको पहुँच विस्तार कार्यमा भएको प्रगति, विद्यालय स्वास्थ्यको पुनरुत्थान र खोपद्वारा रोकथाम गर्न सकिने रोग नियन्त्रणका लागि खोप कार्ययोजनाको क्षेत्रीय ढाँचाका बारेमा पनि छलफल हुनेछ । बैठकले यसभन्दा अगाडि आयोजना गरिएका बैठकमा अनुमोदन गरिएका व्यवस्थामा भएका प्रगतिको लेखाजोखा गर्नेछ ।

दक्षिण-पूर्वी एशिया क्षेत्रमा नेपाल, भारत, माल्दिभ्स, श्रीलङ्का, थाइल्याण्ड, भुटान, दक्षिण कोरिया र टिमोर-लेट्सेलगायतका देश रहेका छन् । (रासस)

प्रकाशित मिति: शनिबार, भदौ १९, २०७८

प्रतिक्रिया दिनुहोस्