श्रीवेंकटेशमन्दिरे यतिराजमतसम्बर्धिनी सभा सम्पन्ना

संस्कृत

गृहपृष्ठ
संस्कृत

श्रीवेंकटेशमन्दिरे यतिराजमतसम्बर्धिनी सभा सम्पन्ना

लक्ष्मण आचार्य बिहीबार, जेठ १९, २०७९

जेष्ठमासस्य एकोनविंशे दिनांके वृहस्पतिवासरे काष्ठमण्डपस्थगौशालायां विद्यमानस्य श्रीवेंकटेशमन्दिरस्य प्रांगणे यतिराजमतसंबर्धिनी सभा (षष्ठी श्रृंखला) सम्पन्ना अस्ति ।

दिवा द्विवादनात् चतुर्वादनपर्यन्तमेषा सभा प्रचलिता आसीत् । एषा सभा चविशुद्धसस्कृतभाषामाध्यमेनैव प्रचलति । प्रतिपर्यायं त्रयश्चत्वारो वा वक्तारः सभायां कल्पिताः सन्ति । शास्त्रीयविषयेष्वेव विदुषां व्याख्यानं भवति । विषयोपस्थापनं,तत्र क्रियमाणाः प्रश्नाश्च संस्कृतभाषामाध्यमेनैव भवतीति सभाया वैशिष्ट्यम् ।

वृहस्पतिवासरे सम्पन्नायामुक्तसभायां च द्वाभ्यां व्याख्यातृभ्यां उपप्रा.श्रीरामप्रसादपौडेल–सुदर्शनगौतमाभ्यां च शाास्त्रगतमेकैकं विषयमादाय वाक्यार्थः प्रस्तुत आसीत् ।

उपप्रा.श्रीरामप्रसादपौडेलमहाभागेन न्यायदर्शनान्तर्गतस्य सिद्धान्तलक्षणग्रन्थोक्तव्याप्तिलक्षणमादाय शास्त्रीयं व्याख्यानं समुपस्थापितमासीत् चेत् आचार्यपदवीकेन वैयाकरणेन श्रीसुदर्शनगौतमहाभागेन च अर्थवदधातुरप्रत्ययप्रातिपदिकमिति सूत्रघटकपदानां शास्त्रीयो विचारः समुपस्थापित आसीत् । अन्ते च तत्रत्यैरेव श्रीस्वामिवर्यैः विद्वन्मूर्धन्यैः डा.पुरूषोत्तमाचार्यस्वामिवर्यैः रसगंगाधरग्रन्थदृशा काव्यलक्षणमादाय स्वीयं व्याख्यानं च प्रदत्तमासीत् ।

एषा च सभा गतवर्षस्य माघमासप्रभृति प्रतिमासं तत्रत्यमठाधीशानां श्रीमहन्तस्वामिनां पावन्या प्रेरणया पद्मावतीसहितस्य श्रीवेंकटेशभगवतोऽनुकम्पया च श्रीभगवद्रामानुचार्यस्य जन्मनक्षत्रमधिकृत्य प्रवर्तमाना वर्तते । प्रतिसभं च नैकविदुषां, छात्रवर्गाणां च पावनं सान्निध्यं तत्र जायमानमस्ति ।

सभायाः संचालनं, स्वागतभाषणं (प्रकल्पोद्देश्यनिरूपणसहितं) च श्रीपुरूषोत्तमाचार्यस्वामिवर्यैः विहितमासीत् ।

प्रकाशित मिति: बिहीबार, जेठ १९, २०७९

प्रतिक्रिया दिनुहोस्