महानिरीक्षकमा पन्छाइएका पोखरेल नवराज सिलवालको नजिरसहित सर्वोच्च पुगे

समाचार

गृहपृष्ठ
समाचार

महानिरीक्षकमा पन्छाइएका पोखरेल नवराज सिलवालको नजिरसहित सर्वोच्च पुगे हस्तक्षेपको नाङ्गो नाच भयो : प्रहरी अतिरिक्त महानिरीक्षक विश्वराज पोखरेल

... सोमबार, वैशाख १९, २०७९

महानिरीक्षकमा वरिष्ठतम अतिरिक्त महानिरीक्षक आफूलाई बिना कारण अन्याय गरी धीरजप्रताप सिंहलाई प्रहरी महानिरीक्षक नियुक्त गरिएको भन्दै अतिरिक्त महानिरीक्षक विश्वराज पोखरेल रिट लिएर सर्वोच्च अदालतको ढोका ढक्ढक्याउन पुगेका छन् ।

उनको रिट अहिले सर्वोच्च प्रशासनले अध्ययन गरिरहेको छ । धीरजप्रताप सिंहलाई अतिरिक्त महानिरीक्षकमा बढुवा गर्ने निर्णय विरुद्ध नायब महानिरीक्षकहरुले हालेको रिट सर्वोच्चमै विचाराधीन छ । अतिरिक्त महानिरीक्षकको बढुवा नै विवादित रहेको अवस्थामा अर्को विवादास्पद निर्णय भएको पोखरेलले जिकीर गरेका छन् ।

प्रहरी संगठनमाथि हस्तक्षेपको नाङ्गो नाच गरेर आफ्नो ठाउँमा कनिष्ठ व्यक्तिलाई महानिरीक्षक बनाइएको भन्दै उनले उक्त नियुक्ति बदर हुनु पर्ने माग गरेका छन् ।

यसअघि नवराज सिलवालले दायर गरेको रिटमा वरिष्ठता मिचेर बढुवा गर्न नमिल्ने भनी सर्वोच्च अदालतबाट भएको निर्णयलाई पोखरेलले नजिकरका रुपमा उल्लेख गरेका छन् ।

प्रकाशित मिति: सोमबार, वैशाख १९, २०७९