सबै मोबाइल र टीभी आयातमा रोक लगाइएको होइन (हेर्नुहोस्- नेपाल राजपत्र)

प्रशासन

गृहपृष्ठ
प्रशासन

सबै मोबाइल र टीभी आयातमा रोक लगाइएको होइन (हेर्नुहोस्- नेपाल राजपत्र) बैंकिङ प्रक्रिया सम्पन्न भैसकेकाहरुका लागि भने आयात बन्देज नहुने, बन्देज साढे दुई महिनाका लागि

... बुधबार, वैशाख १४, २०७९

नेपाल सरकारले १० वटा वस्तुलाई विलासिताका वस्तुमा सूचीकरण गर्दै राजपत्रमा सूचना प्रकाशित गरेको छ । तिनको आयातमा पूर्ण बन्देज लगाउन सरकारले विलासिताका वस्तुको सूची निकालेको हो । तर करीब साढे दुई महिनाका लागि मात्रै ती विलासी वस्तुको आयातमा रोक लगाइएको हो । अर्थात्, २०७९ असार मसान्तसम्मका लागि पैठारी बन्देज लगाइएको हो ।

विलासी भनी बन्देज लगाइएका खाना : कुरकुरे, कुरमुरे, लेज र यस्तै उत्पादन ।

सबै प्रकारका तयारी मदिरा, चुरोट तथा सुर्तीजन्य वस्तु । तर कच्चा पदार्थ ल्याउन भने बन्देज लगाइएको छैन ।

गहना: हिरा ल्याउन पाइने छैन । सुन आयातमा प्रतिबन्ध लगाइएको छैन ।

मोबाइल सेट: ६ सय अमेरिकी डलरभन्दा बढी मोलका मोबाइल सेट । नेपाली मुद्रामा हिसाब गर्दा ७४ हजार रुपैयाँसम्मका मोबाइल सेट ल्याउन पाइने र त्योभन्दा बढीका सेटलाई सरकारले बिलासी वस्तुमा राखेको छ ।

टेलिभिजन: ३२ इञ्चभन्दा माथिका टेलिभिजन सेट ल्याउन बन्देज छ ।

सवारी साधन: जीप,कार, भ्यान ल्याउन बन्देज छ । एम्बुलेन्स र शववाहन आयातमा रोक छैन ।

मोटरसाइकल: २५० सीसी माथिका मोटरसाइकललाई बिलासी मानिएको छ । अन्य मोटरसाइकल ल्याउन रोक लगाइएको छैन ।

तास र खेलौना भने सबैलाई बन्देज लगाइएको छ ।

यसअघि पैठारीका लागि बैंकिङ प्रक्रिया सम्पन्न भैसकेकाहरुका लागि भने बन्देज नहुने पनि राजपत्रको सूचनामा उल्लेख छ ।

प्रकाशित मिति: बुधबार, वैशाख १४, २०७९