मेषलाई रोजगारीमा सफलता , वृषलाई धनलाभ

धर्म-संस्कृति

गृहपृष्ठ
धर्म-संस्कृति

मेषलाई रोजगारीमा सफलता , वृषलाई धनलाभ

.. शुक्रबार, वैशाख ९, २०७९

मेष रोजगारीको क्षेत्रमा नयाँ सफलता प्राप्त हुनेछ । कुनै तीर्थस्थलीको यात्रा गरेर काम गर्दा सफलता मिल्नेछ । नजिकको शिवालयको यात्रा गर्दा मनमा खुसियाली छाउनेछ ।

वृष

व्यापारबाट प्राप्त हुने धनलाभले अत्यन्त खुसियाली मिल्नेछ । सकारात्मक सोचले मात्र तपाईले आफ्नो दैनिक काम गर्दा मनमा खुसी छाउनसक्छ ।

मिथुन

परिवार र आफन्तजनहरुले तपाईमाथि अनेक आरोप लगाउन सक्नेछन् । तपाईभित्र मनमा पनि निराशा उत्पन्न हुनेछ । त्यसैले सकारात्मक सोच मात्र राखेर काम गर्नुभयो भने तपाईको मन हर्षित हुनेछ ।

कर्कट

दिन शुभ छ । आर्थिक र सामाजिक समस्या समाधान हुनेछ । कसैसँग विवाद र झगडा नगर्नुहोला, कसैसँग विवाद भयो भने तपाई र तपाइँसग विवाद गर्ने दुवै व्यक्तिको हानी हुनसक्छ । सामाजिक सेवाको क्षेत्रमा काम गर्नुहोला।

सिंह

परिवार र मित्रमण्डलीबाट साथ सहयोग प्राप्त हुनेछ । राहुकाल छलेर मात्र यात्रा गर्नुहोला । परिवारबाट अनावश्यक आरोप समेत लाग्न सक्नेछ । आज कम बोल्नु, मौन रहनु नैं बुद्धिमानी हुनेछ । कसैलाई हानी हुने काम नगर्नुहोला ।

कन्या

मित्र र आफन्तसँग सम्बन्ध विग्रन सक्छ । स्वास्थ्यमा प्रतिकुल असर पर्ने देखिन्छ । अध्ययन अध्यापनबाट सफलता हात लाग्नेछ । शिबालय यात्रा गरेर कुमारी कन्या र बृद्ध माताहरुलाई खानेकुरा उपहार दिनुहोला । शिवालय र देवालयको यात्राले मनमा शान्ति प्राप्त हुनेछ ।

तुला

कार्यमूलक यात्रा हुनेछ । आज शुरु गरेको काम सफल हुनेछ । कुनै कामको शुरुवात गरेको छ भने त्यो कामको सम्पादन पूरा गर्नका लागि मेहनतपूर्वक लाग्नुहोला । आर्थिक कारोबार गर्दा अलि ध्यान दिनुहोला । शुक्रबार गरिएको कारोबार छिटो प्राप्त नहुनसक्छ । आज कसैसँग ऋण लिने काम नगर्दा राम्रो हुनेछ ।

वृश्चिक

आज कार्यायोजना अनुसार काम गरेमा सफलता मिल्नेछ । शिवालयमा गएर जल अर्पण गरे सोचे अनुसार काम बन्नेछ । अध्यात्मिक सेवामा केही समय दिएमा कार्यमा सफलता मिल्नेछ । कसैसँग पनि विवाद हुने काम र कुरा नगर्नुहोला । आज सूर्योदय दर्शन गर्नुहोला ।

धनु

आजको दिन राम्रो छ । तपाईको सोचअनुसारको काम हुनेछ । सन्तानबाट सुख र स्त्रीजातिको साथ सहयोगले तपाईले राम्रो काम गर्नुहुनेछ । यात्रामा सफलता मिल्नेछ । यात्रा गर्दा प्रयोजनमूलक यात्रा मात्र गर्नुहोला । सामुहिक यात्राले तपाईहरुको लागि मनोरञ्जन दिनेछ । चन्द्रमाको साथ रहेको छ । आजको दिन सूर्योदयको दर्शन गर्नु उत्तम हुनेछ ।

मकर

मान सम्मान मिल्ने योग छ । आफन्तजनको सहयोगले मनमा खुसी प्राप्त हुनेछ । देवी मन्दिरको दर्शन गर्नाले मनमा प्रसन्नता छाउनेछ । अर्थलाभका कामबाट मानमा हर्ष छाउनेछ । व्यापार ब्यबसायबाट सफलता प्राप्त हुनेछ । छोटो दुरीको यात्रा गर्दा फलदायी हुनेछ ।

कुम्भ

आज सोचअनुसारको काम हुनेछ । शत्रुमाथि विजय प्राप्त हुनेछ । सामाजिक सेवा गर्दा मानसम्मान मिल्नेछ । घर नजिकको शिवालय दर्शन गरेमा थप शक्ति मिल्नेछ । कसैससँग अनावश्यक विवाद नगर्नुहोला । आजको दिन गरेका कामहरु सफल हुनेछन् ।

मीन

सूर्योदयको दर्शन गरेर मात्र आजको दिनको शुरुवात गर्नुहोला । सकारात्मक सोच र अध्ययन अध्यापनमा मन लगाउनु होला । अध्यापन, लेखनमा रुचि बढ्नेछ । व्यापार ब्यबसायमा हुनुहुन्छ भने केही हानी हुनसक्नेछ । सामाजिक सेवाको काममा समय दिनु भए राम्रो हुनेछ । यात्राको लागि शुभ छ ।

आज बिहान १०ः२५ देखि १२ः०३ सम्म राहुकाल छ । यो समयमा शुभ कार्य नगर्न हुन अनुरोध छ । त्यसैगरी ११ः३७ देखि १२ः२८ सम्मको समयमा अभिजित मुहूर्त रहेको छ । हरेक दिन अभिजित मुहूर्तमा गर्दा शुभ हुनेछ । शुक्रबार मनोरन्जनात्मक र खेलकुदका कार्यमा समय खर्च गर्न सकिन्छ । साथै शुक्रबार सौन्दर्यता र बिलासिताको सामान खरिद गर्न सकिन्छ।

प्रकाशित मिति: शुक्रबार, वैशाख ९, २०७९

प्रतिक्रिया दिनुहोस्