साहित्यकार ओमवीरसिंह बस्न्यातको अन्त्येष्टि अमेरिकामै सम्पन्न

कला-साहित्य

गृहपृष्ठ
कला-साहित्य

साहित्यकार ओमवीरसिंह बस्न्यातको अन्त्येष्टि अमेरिकामै सम्पन्न

... सोमबार, चैत २८, २०७८

साहित्यकार ओमवीरसिंह बस्न्यातको ८० वर्षको उमेरमा निधन भएको छ । लामो समयदेखि हृदय रोगले पीडित उनको गत शुक्रबार संयुक्त राज्य अमेरिकाको कोलोराडोमा निधन भएको हो ।

उनको कोलोराडोमै सनातन हिन्दू परम्परा अनुसार अन्त्येष्टि गरिएको परिवारजनबाट जानकारी प्राप्त भएको छ ।

उनका राष्ट्र निर्माता पृथ्वीनारायण शाह, आदिकवि भानुभक्त, युवक कवि मोतिराम, राष्ट्रकवि माधव घिमिरे, सगरमाथा आरोही प्रथम नेपाली महिला पासाङ ल्हामु, रारा ताललगायतका विषयमा महाकाव्य, खण्डकाव्यका साथै अन्य उपन्यास, कथा, कविता, गीत आदि गरी करिब डेढदर्जन कृति प्रकाशित छन् ।

साहित्यिक पुरस्कार ‘बाबा–ओमवीरसिंह साहित्यिक पुरस्कारका संस्थापक कवि बस्न्यात आफू स्वयम् पनि विभिन्न साहित्यिक पुरस्कार र सम्मानबाट सम्मानित थिए ।

लामो समय निजामती स्वास्थ्य सेवामा कार्यरत वरिष्ठ जनस्वास्थ्य अधिकृत बस्न्यातले २०१९–२०२० सालदेखि केही वर्षसम्म हुम्लामा रही स्वास्थ्य सेवा गरेका थिए। काठमाडौँ कालिमाटी निवासी स्व बस्न्यातका पत्नी, तीन छोरा र तीन छोरी छन् ।

प्रकाशित मिति: सोमबार, चैत २८, २०७८

प्रतिक्रिया दिनुहोस्