प्रधानमन्त्री कप महिला भलिबलः भारतको हरियाणा स्पोर्टस् क्लबलाई उपाधि

खेल

गृहपृष्ठ
खेल

प्रधानमन्त्री कप महिला भलिबलः भारतको हरियाणा स्पोर्टस् क्लबलाई उपाधि

नेपालीत्व सोमबार, चैत १४, २०७८

भारतको हरियाणा स्पोर्टस् क्लबले आठौं संस्करणको सगरमाथा सिमेन्ट प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगिताको उपाधि जितेको छ ।

नेपालगन्जस्थित कभर्डहलमा सोमबार भएको उपाधि भिडन्तमा हरियाणाले विभागीय नेपाल पुलिस क्लबलाई ३–० को सोझो सेटमा पराजित गर्दै उपाधि जितेको हो ।प्रतिस्पर्धात्मक फाइनलमा हरियाणाले पुलिसलाई २६–२४, २५–२१, २५–२३ ले हराएको थियो ।

लिग चरणमा पनि हरियाणाले पुलिसलाई ३–२ को सेटमा पराजित गरेको थियो । उपाधिसँगै हरियाणाले ५ लाख रुपैयाँ प्राप्त गरेको छ । दोस्रो भएको पुलिसले २ लाख ५० हजार रुपैयाँ प्राप्त गरेको छ ।

यस अघि सोमबार नै होङ्गान्जी न्यु डायमन्ड स्पोर्ट्स क्लबमाथि २६–२४, २५–८, २६–२४ को सोझो सेटमा जित निकाल्दै विभागीय टिम त्रिभुवन आर्मी क्लबले प्रतियोगितामा तेस्रो स्थान हासिल गरेको छ ।तेस्रो भएको आर्मीले १ लाख रुपैया प्राप्त गरेको छ । चौथो भएको डायमन्डले ५० हजार रुपैया प्राप्त गरेको छ ।

प्रधानमन्त्री कपको पहिलो संस्करणमा नेपाल पुलिस क्लब, दोस्रोमा एपीएफ, तेस्रो र चौथोमा रेलवे टिम इन्डिया, पाँचौंमा एपीएफ, छैटौंमा पुलिस र सातौंमा एपीएफ विजयी बनेका थिए । यस संस्करणमा एपीएफले भाग लिएको छैन ।

१० चैतबाट शुरु भएको प्रतियोगितामा नेपालका ४ र भारतका दुई सहित ६ टोलीको सहभागिता रहेको थियो ।

प्रकाशित मिति: सोमबार, चैत १४, २०७८

प्रतिक्रिया दिनुहोस्