बालबालिकालाई चैत २५ देखि टाइफाइड विरुद्धको खोप

मुख्य समाचार

गृहपृष्ठ
मुख्य समाचार

बालबालिकालाई चैत २५ देखि टाइफाइड विरुद्धको खोप

.. सोमबार, चैत १४, २०७८

स्वास्थ्य तथा जनसङ्ख्या मन्त्रालयले बालबालिकालाई टाइफाइड विरुद्धको खोप अभियान सञ्चालन गर्ने भएको छ । यही चैत २५ गतेदेखि देशभरि नै १५ महिनादेखि १५ वर्षसम्मका बालबालिकालाई टाइफाइड विरुद्धको खोप लगाइने भएको हो ।

उक्त अभियानमा बालबालिकालाई एक मात्रा टाइफाइड विरुद्धको खोप दिइने छ । मन्त्रालयका सहप्रवक्ता डा. समीरकुमार अधिकारीका अनुसार यो अभियान आगामी वैशाख १८ गतेसम्म सञ्चालन हुने छ । मन्त्रालयले आ-आफ्ना बालबालिकालाई नजिकैको खोप केन्द्रमा लगी सो खोप लगाउनका लागि अभिभावकहरूलाई आग्रह गरेको छ ।

नेपालमा पहिलोपटक बालबालिकाहरूलाई टाइफाइडविरुद्धको खोप दिन लागिएको हो । अबदेखि नियमित खोप कार्यक्रममा टाइफाइड खोप पनि समावेश गर्ने जनाकारी सहप्रवक्ता अधिकारीले दिए ।

यसैबीच गण्डकी प्रदेशका ११ वटा जिल्लाका सबै विद्यालयहरूमा यो खोप दिने व्यवस्था मिलाइएको गण्डकी प्रदेश स्वास्थ्य निर्देशनालय पोखराले जनाएको छ । यस खोप अभियानबाट गण्डकी प्रदेशका करिब पाँच लाख ६० हजार बालबालिकाले खोप लगाउने आकलन गरिएको छ ।

प्रकाशित मिति: सोमबार, चैत १४, २०७८

प्रतिक्रिया दिनुहोस्