आजको राशिफल, वि.सं. २०७८ साल चैत्र १२ गते शनिबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल चैत्र १२ गते शनिबार

ज्यो.गंगासागर उपाध्याय शनिबार, चैत १२, २०७८

वि.सं. २०७८ साल चैत्र १२ गते शनिबार, तदनुसार ई.सं. २०२२ मार्च २६ तारिख, राक्षसनाम संवत्सर, श्रीसूर्यउत्तरायण, वसन्तऋतु, चान्द्रमान अनुसार चैत्रकृष्णपक्षको नवमी तिथि वेलुका ८:४२ बजेसम्म, त्यसपछि दशमी रहनेछ ।
नक्षत्र : पूर्वषाढा दिवा ३:३८ बजेसम्म, त्यसपछि उत्तरषाढा रहनेछ ।
विष्कुंभादी योग : परिघ वेलुका ११:४९ बजेसम्म, त्यसपछि शिव रहनेछ ।
आनन्दादी योग : मातड्ड ।
करण : तैतिल पूर्वान्ह ९:५२ बजेसम्म, त्यसपछि वणिक् रहनेछ ।
श्रीसूर्य : मीन राशिमा, चन्द्रमा : धनु राशिमा वेलुका ९:१५ बजेसम्म रहनेछ ।
सूर्याेदय : ६:०४ बजे, सूर्यास्त : बेलुका ६:१७ बजे हुनेछ ।

मेष : धर्मकर्ममा रुचि बढ्नेछ । कार्यक्षेत्रमा नयाँ जिम्मेवारी बढ्नेछ । स्वास्थ्यमा सुधार हुनेछ । सहयोगीहरुको उचित साथ मिल्दा थालेका अधिकांश कार्यले स्थान पाउने छन् । नयाँ ठाउँको अवलोकन गर्न पाइनेछ ।

वृष : स्वास्थ्य समस्याले सताउनेछ । लहैलहैमा लाग्दा आर्थिक नोक्सानी व्यहोर्नु पर्नेछ । बोलिकै कारण मान्यजनसँग वैरभाव रहनेछ । प्रतिक्षित नतिजामा गिरावट आउँदा दु:ख लाग्नेछ । संयम रहनु होला ।

मिथुन : आकस्मिक धन लाभको संकेत देखिन्छ । मायाप्रेमको बन्धन कसिलो बन्नेछ । नयाँ पदप्रतिष्ठा मिल्नेछ । सकारात्मक सोच विचार रहनेछ । मेलमिलपको वातावरणले गर्दा कार्य गर्न सहज हुनेछ । दिन शुभ रहनेछ ।

कर्कट : अल्छि गर्ने बानीले पछि परिन सक्छ अल्लि जागरुक रहनु होला । आर्थिक दृष्टिले भने दिन शुभ रहेको छ । काम गर्ने जोश जाँगर बढ्नेछ । व्यापार–व्यवसायमा नयाँ संझौता हुनेछ । दिन मिश्रीत फलदायी रहनेछ ।

सिंह : सन्तानको साथ सही रुपमा मिल्नेछ । बौद्धिक क्षमताको विकास हुनेछ । अध्ययन अध्यापन एवं प्रतिष्पर्धात्मक काम कार्यमा विजयी भइनेछ । नोकरीमा सामान्य झमेला आइलाग्नेछ । स्वास्थ्य कमजोर बन्नेछ ।

कन्या : नकारात्मक काम कार्यमा मन जानेछ, सतर्क रहनु होला । श्रमको उचित मूल्यांकन नमिल्दा कार्य गर्न मन लाग्ने छैन । स्वास्थ्य कमजोर बन्नेछ । विश्वास गरेका व्यक्तिले साथ छाड्ने छन् । सोचेर निर्णय लिनुहोला ।

तुला : साझेदारी कार्यको आरम्भ हुनेछ । शुभ समाचार सुन्न पाइनेछ । आर्थिक पक्ष बलियो रहने छ । शारीरिक स्फूर्तिको अनुभूति हुनेछ । एकल प्रयासले नै धेरै कामकार्यहरु बन्नेछन् । नयाँ मित्र बनाइनेछ ।

बृश्चिक : विपक्षीलाई समेटेर मेलमिलाप गर्नु उचित हुनेछ । सामान्य अन्योलको वातावरण बनेता पनि कुटुम्बको सहयोगले कार्य गर्दा सफल भइनेछ । अचल सम्पत्ति जोडिनेछ । वक्तव्य कलाको बृद्धि विकास हुनेछ ।

धनु : असंभव कार्यलाई पनि सहज तवरले गर्न सक्दा प्रशंसकहरु बढ्ने छन् । बन्धुबान्धवसँगको आकस्मिक रमाइलो जमघट हुनेछ । पुराना समस्यालाई हल गर्न सकिनेछ । विशिष्ट व्यक्तिसँग मित्रता गाँसिनेछ ।

मकर : मानसिक चिन्ता, पीरले सताउनेछ । हतारको निर्णयले पछुताउनु पर्नेछ । मन खिन्न रहनेछ । व्यर्थको कार्यमा भुल्नाले समयको बरवादी मात्र हुनेछ । अरुको निर्णयमा हिँड्दा दु:ख, कष्ट व्यहोर्नु पर्ला ।

कुम्भ : दिन शुभ रहनेछ । गरेका कार्यबाट सन्तोषजनक लाभ मिल्दा काम गर्ने हौसला थपिनेछ । नयाँ प्रविधिको प्रयोगले व्यवसायमा आयदर बढाउन सकिनेछ । सामान्य मिहिनेतले नै लक्ष्यमा पुग्न सकिनेछ । हर्ष बढ्नेछ ।

मीन : सृजनात्मक कार्यमा मन जानेछ । जिम्मेवारी बढ्नेछ । कर्म प्राप्तिको योग बनेको छ । सामाजिक पदप्रतिष्ठा थपिनेछ । अग्रज व्यक्तिको साथ मिल्दा महत्वपूर्ण कार्य बन्नेछ । परिश्रम अनुसारको प्रतिफल पाइनेछ ।

प्रकाशित मिति: शनिबार, चैत १२, २०७८