तातोपानी भन्सारबाट लक्ष्यभन्दा बढी राजस्व सङ्कलन, निर्यात भने शून्य

अर्थ-वाणिज्य

गृहपृष्ठ
अर्थ-वाणिज्य

तातोपानी भन्सारबाट लक्ष्यभन्दा बढी राजस्व सङ्कलन, निर्यात भने शून्य

... मंगलबार, चैत ८, २०७८

चीनसँगको प्रमुख व्यापारिक भन्सार नाका तातोपानीबाट यस आर्थिक वर्षको माघ मसान्तसम्म लक्ष्यभन्दा बढी राजस्व सङ्कलन भएको छ । माघ मसान्तसम्म रु २ अर्ब ४ करोड राजस्व सङ्भएको तातोपानी भन्सार कार्यालयका भन्सार अधिकृत नारद गौतमले जानकारी दिए । रु ८२ करोड ६४ लाख लक्ष्य रहेकोमा सङ्कलित रकम लक्ष्यको २४७.१७ प्रतिशत हो ।

आर्थिक वर्ष २०७८/७९ असार मसान्तसम्म १ अर्ब ६४ करोड लक्ष्य लिएकोमा ७ महिनामा नै रु २ अर्ब ४ करोड राजस्व उठेको हो । राजस्व उठे पनि आयात भने अझै सहज नभएको प्रमुख गौतमले बताए । सोमबार दुईवटा मात्रै कन्टेनर भित्रिएको र कहिले त आयात शून्य नै हुने गरेको उनले बताए । नाका राम्रोसँग सञ्चालन गर्न उच्चस्तरीय पहल गर्नुपर्नेमा उधारणा उनको छ ।

वि.सं. २०७२ को भूकम्प, बाढीपहिरो तथा कोरोना महामारीपछि नाका सजहरूपमा सञ्चालन हुनसकेको छैन । सीमित रूपमा आयात भइरहेको छ भने निर्यात त शून्य नै रहेको गौतमले बताए । भूकम्पअघि यस नाकाबाट दैनिक रु डेढ करोडसम्म राजस्व असुली हुँदै आएको थियो ।

प्रकाशित मिति: मंगलबार, चैत ८, २०७८

प्रतिक्रिया दिनुहोस्