आजको राशिफल, वि.सं. २०७८ साल चैत्र ८ गते मंगलबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल चैत्र ८ गते मंगलबार

ज्यो. गंगासागर उपाध्याय मंगलबार, चैत ८, २०७८

वि.सं. २०७८ साल चैत्र ८ गते मंगलबार, तदनुसार ई.सं. २०२२ मार्च २२ तारिख, राक्षसनाम संवत्सर, श्रीसूर्यउत्तरायण, वसन्तऋतु, चान्द्रमान अनुसार चैत्रकृष्णपक्षको चतुर्थी तिथि पूर्वान्ह ८:१४ बजेसम्म, त्यसपछि पञ्चमी रहनेछ ।
नक्षत्र : विशाखा वेलुका १०:०४ बजेसम्म, त्यसपछि अनुराधा रहनेछ ।
विष्कुंभादी योग : हर्षण दिवा ३:०२ बजेसम्म, त्यसपछि वज्र रहनेछ ।
आनन्दादी योग : श्रीवत्स ।
करण : कौलव वेलुका ७:१२ बजेसम्म, त्यसपछि गर रहनेछ ।
श्रीसूर्य : मीन राशिमा, चन्द्रमा : तुला राशिमा ४:२४ बजेसम्म रहनेछ ।
सूर्याेदय : ६:०८ बजे, सूर्यास्त : बेलुका ६:१५ बजे हुनेछ ।

(आज : मंगलचतुर्थी, जलदिवस)

मेष : आकस्मिक लाभको योग रहेको छ । नयाँ वस्तुको ज्ञान पाइनेछ । आर्थिक पक्षमा सुधार भएर जानेछ भने विवादित कार्यको अन्त्य हुनेछ । सहयोगीहरुको उचित रुपमा साथ पाइनेछ । अध्ययनमा रुचि बढ्नेछ ।

वृष : व्यवस्थापन पक्ष सबल रहनेछ । काम कार्यको शिलसिलामा यात्रा हुनेछ । कृयाशिलता र लगनशिलताको बृद्धिविकास हुनेछ । प्रतिष्ठित कार्य गर्न सक्दा प्रशंसा मिल्नेछ । नयाँ संझौताले पछिसम्म लाभ मिल्नेछ ।

मिथुन : धर्मकर्ममा रुची बढ्नेछ । परिश्रमको उचित मूल्यांकन पाइनेछ । आर्थिक पक्ष सबल रहनेछ । अरुको समस्यामा सहयोगीको भूमिका निर्वाह गर्न पाउँदा आनन्द लाग्नेछ । घरायसी समस्या हल भएर जानेछ ।

कर्कट : स्वास्थ्य कमजोर रहनेछ । विना तयारी कार्य गर्दा घाटा लाग्न सक्छ, सजक रहनु होला । विश्वास गरेका व्यक्तिले धोका दिनेछन् अरुको भर नपर्नुहोला । आफ्नै निर्णयले आँफैलाई समस्यामा पार्नेछ । खर्चभार थपिनेछ ।

सिंह : आत्मकारक ग्रहको दृष्टि परेको छ । अपरिचित व्यक्तिको सहयोगले महत्वपूर्ण कार्य बन्नेछ । मनोरञ्जनात्मक कार्यमा सहभागी हुने अवसर मिल्नेछ । राजनैतिक क्षेत्रबाट समेत सम्मान मिल्ने समय रहेको छ ।

कन्या : सामान्य समस्यामा नआत्तिनु होला, मान्यजनको सरसल्लाहमा अघि बढ्ला सफल भइनेछ । रोकिएका वित्तीय कारोवारले गति लिनेछन् । सोच्न सक्ने क्षमताको विकास हुनेछ । नयाँ अवसर मिल्नेछ ।

तुला : सानो प्रयासले नै ठूलाठूला कार्य सहज तवरले बन्ने छन् । काम गरेर आत्मसन्तुष्टि मिल्नेछ । सन्तानसँगको रामाइलो यात्रा होला । बौद्धिक कलाको बृद्धि विकास हुनेछ । शैक्षिक क्षेत्रमा रुचि बढ्नेछ ।

बृश्चिक : शारीरिक कमजोरीले गर्दा काम कार्य गर्न असहज हुनेछ । व्यवसायमा न्यून उपलब्धिमा नै चित्त बुझाउनु पर्नेछ । अध्ययनमा मन जाने छैन । अग्रजको सल्लाहमा कार्य गर्नुहोला । अनावश्यक झमेलामा परिनेछ ।

धनु : कलात्मक कार्यमा मन रमाउनेछ । एकल प्रयासले नै विशेष कार्यमा सफलता मिल्नेछ । मांगलिक कार्यमा सरिक हुने अवसर मिल्नेछ । साझेदारी कार्यबाट लाभ मिल्नेछ । काम प्रतिको लगनशिता बढेर जानेछ ।

मकर : वाक् कलाको प्रशंसा पाइनेछ । अचल सम्पत्तिमा गरेको लगानिले दिगो रुपमा फाइदा लिन पाइनेछ । हर्ष बढ्नेछ । सानो कुरामा अलमलमा परिन सक्छ, पूर्व तयारीका साथ कार्य गर्दा सफल भइनेछ ।

कुम्भ : विपक्षीहरु पनि सहमतिमा आउन बाध्य हुनेछन्, इच्छाशक्ति बढ्नेछ । नयाँनयाँ प्रस्तावहरु आउने छन् । आर्थिक पक्ष बलियो नै रहने देखिन्छ । पूराना समस्यालाई हल गर्दै नयाँ संझौता गर्ने खाले समय रहेको छ ।

मीन : गोपनीयता बाहिरीँदा समस्यामा परिन सक्छ, संयम रहनु होला । नयाँ आर्थिक कारोवार उचित देखिन्न । दैनिकीमा नै व्यस्थ रहनु होला । आम्दानीको तुलनामा खर्चभार बढ्दा तलमेल मिलाउन गाह्रो पर्नेछ ।

प्रकाशित मिति: मंगलबार, चैत ८, २०७८