इन्जिनीयरको लाइसेन्स परीक्षाबिनै, नक्कली इन्जिनीयरले लाइसेन्स पाएको खुलासा

अपराध

गृहपृष्ठ
अपराध

इन्जिनीयरको लाइसेन्स परीक्षाबिनै, नक्कली इन्जिनीयरले लाइसेन्स पाएको खुलासा आठ 'इन्जिनीयर' को दर्ता खारेज, खारेज भएकाहरुको नाम थर, ठेगाना

समाचारदाता सोमबार, फागुन ३०, २०७८

नेपाल इन्जिनीयरिङ परिषदले आठ जना 'इन्जिनीयर'को लाइसेन्स खोसेको छ । सिभिल इन्जिनीयर ६ जना र इलेक्ट्रोनिक्स एण्ड कम्युनिकेशन इन्जिनीयर भनी परिषदमा दर्ता भएका ८ जनाले कीर्ते प्रमाणपत्र पेश गरी दर्ता गराएको देखिएकोले दर्ता खारेज गरेको परिषदे सूचना प्रकाशित गरी जनाएको हो ।

ब्याचलर अफ इन्जिनीयरिङ भनेर पेश गरिएका प्रमाणपत्र कीर्ते फेला परेका हुन् । धोखा दिई नाम दर्ता गराएको परिषदको सूचनामा उल्लेख छ । कीर्ते प्रमाणपत्र पेश गरी धोखा दिएको भनिएकाहरुमा शेखर पंजियार, मनिषकुमार यादव, सन्तोष लामा, सुरज सिंखडा, सन्देश घिमिरे, अविनाश गौचन, श्रीराम आचार्य र विशाल श्रेष्ठ रहेको परिषदे सूचनामा बताएको छ ।

उनीहरुको नाम दर्ता किताबबाट हटाइएको परिषदको भनाइ छ ।

चिकित्सक र वकिलको लाइसेन्सको लागि स्नातक प्रमाणपत्र पेश गरी काउन्सिल परीक्षा पनि उत्तीर्ण गर्नु पर्ने चलन छ । इन्जिनीयरले भने परीक्षा दिनु पर्ने व्यवस्था छैन । परीक्षाको व्यवस्था नहुँदा प्रमाणपत्र मात्रै पेश गरेर इन्जिनीयरिङ काउन्सिलले प्रमाणपत्र प्रदान गर्ने गरेको छ ।

परीक्षा नहुँदा नक्कली प्रमाणपत्र पेश गरेर इन्जिनीयरको पेशागत प्रमाणपत्र (लाइसेन्स) प्राप्त गर्न सहज बनेको छ । पुल र सडक निर्माण सम्पन्न नहुँदै भत्किनुमा नक्कली इन्जिनीयरको भूमिका रहेको अनुमान पनि गर्ने गरिएको छ ।

उजुरी परेर छानबिन नहुँदासम्म इन्जिनीयरको क्षमता परीक्षण हुन नसकेकोले नक्कली इन्जिनीयरको संख्या धेरै नै रहेको हुन सक्ने चर्चा इन्जिनीयरहरुबीचमै हुने गरेको छ ।

प्रकाशित मिति: सोमबार, फागुन ३०, २०७८