आजको राशिफल, वि.सं. २०७८ साल फाल्गुन १७ गते मंगलबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन १७ गते मंगलबार

ज्यो.गंगासागर उपाध्याय मंगलबार, फागुन १७, २०७८

वि.सं. २०७८ साल फाल्गुन १७ गते मंगलबार, तदनुसार ई.सं. २०२२ मार्च १ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार फाल्गुनकृष्णपक्षको चतुर्दशी तिथि रात्रि १२:४२ बजेसम्म, त्यसपछि औंशी रहनेछ ।
नक्षत्र : धनिष्ठा रात्रि ३:४७ बजेसम्म, त्यसपछि शतभिषा रहनेछ ।
विष्कुंभादी योग : परिघ पूर्वान्ह ११:०४ बजेसम्म, त्यसपछि शिव रहनेछ ।
आनन्दादी योग : उत्पात ।
करण : भद्रा दिवा १:३० बजेसम्म, त्यसपछि चतुष्पाद रहनेछ ।
श्रीसूर्य : कुम्भ राशिमा, चन्द्रमा : मकर राशिमा वेलुका ४:१३ बजेसम्म रहनेछ ।
सूर्याेदय : ६:३१ बजे, सूर्यास्त : बेलुका ६:०३ बजे हुनेछ ।
(आज : महाशिवरात्रिव्रत, माझी समुदायको लदीपूजा)
(भोलि : दर्शश्राद्ध, हलो तथा निशि बार्ने)

मेष : विशिष्ट व्यक्तिसँग सहकार्य गर्न पाउँदा हर्षित भइनेछ । काम गरेर देखाउने समय रहेको छ । रोकिएका अपूरा कार्यलाई पहल गर्दा पूर्ण गर्न सकिनेछ । ऐतिहासिक कार्यको आरम्भ हुनेछ । मित्र मिलन हुनेछ ।

वृष : सकारात्मक सोचको विकास हुनेछ । छरछिमेकमा नयाँ चहलपहल छाउनेछ । भाग्यले साथ दिँदा थालेका अधिकांश कार्यले पूर्णता पाउने छन् । मांगलिक कार्यको निम्तो पाइनेछ । आर्थिक पक्ष बलियो रहला ।

मिथुन : सहयोगीहरुले साथ छाड्न सक्छन्, सजक रहनु होला । सोचे अनुरुप कार्य बन्ने छैन । कडा परिश्रम पछि मात्र लक्ष्यमा पुग्न सकिनेछ । नयाँ लगानिले तनाब मात्र थपिनेछ । दैनिकीमा नै व्यस्थ रहनुहोला ।

कर्कट : पतिपत्नी विचको सम्बन्ध सुमधुर रहनेछ । मान्यजनको सहयोग उचित रुपमा मिल्नेछ । प्रेमीप्रेमीका बिचको सम्बन्ध प्रगाढ रहनेछ । मनोरञ्जनात्मक समारोहमा सहभागी भइनेछ । आकर्षण शक्ति बढेर जानेछ ।

सिंह : पूराना उठ्न बाँकी रकमलाई पहल गर्दा उठाउन सकिनेछ । व्यवसायमा नयाँ लगानि गर्दा पछिसम्म लाभ लिन पाइनेछ । शत्रू पक्ष कमजोर रहँदा कार्य गर्ने वातावरण बन्नेछ । आर्थिक पक्ष सबल रहनेछ ।

कन्या : सन्तानको सहयोगले महत्वपूर्ण कार्य बन्नेछ । मानसिक क्षमतामा बृद्धि विकास हुनेछ । रमाइलो यात्राको संभावना प्रवल देखिन्छ । पढाइलेखाइमा मन जानेछ । स्वादिष्ट भोजनको आनन्द लिन पाइनेछ ।

तुला : गोपनीयता बाहिरीँदा समस्या सृजना हुन सक्छ, सजक रहनु होला । स्वास्थ्य अवस्था कमजोर नै रहनेछ । श्रमको सही मूल्यांकन नमिल्दा कार्य गर्न मन लाग्ने छैन । नजिकका व्यक्तिसँग नै विवाद बढ्नेछ ।

बृश्चिक : कृषि एवं पशुपालमा लाग्नेहरुका लागि लाभकारी समय रहेको छ । आफ्नै प्रयासले कार्य बन्दा हौसला बढ्नेछ । अध्ययनमा रुचि बढ्नेछ । हर्षको खबर सुन्न पाइनेछ । साथीसंगीसँगको रमाइलो पल वित्नेछ ।

धनु : दिगो फाइदा हुने खाले कार्यको आरम्भ हुनेछ । विपक्षीहरु पनि मेलमिलापमा आउन बाध्य हुने छन् । खुसी बढ्नेछ । साना कार्यमा भुल्ने समय छैन । पूर्व तयारीका साथ कार्यमा लाग्दा विशेष सफलता मिल्नेछ ।

मकर : मानसम्मान मिल्नेछ भने सामाजिक कार्यबाट जस समेत पाइनेछ । बोलिको कदर हुनेछ । थालेका कार्यबाट छोटो समयमा नै लाभ लिन सकिनेछ । लामो समय पछि मित्र मिलन हुनेछ । आकस्मिक लाभ मिल्नेछ ।

कुम्भ : सोचे अनुरुप कार्य नबन्दा दिक्क लाग्नेछ । शारीरिक आलस्यताले गर्दा कार्य गर्न मन लाग्ने छैन । अनावश्यक चिन्ताले सताउनेछ । हतारमा लिएको निर्णयले समस्यामा पार्नेछ । नयाँ कार्यको आरम्भ नगर्नुहोला ।

मीन : व्यवसायमा नयाँ संझौता हुनेछ । मिहिनेतको उचित कदर हुनेछ । सामाजिक पद प्रतिष्ठा मिल्नेछ । नाम, दाम मिल्ने समय रहेको छ । सही समयको उचित लाभ लिनुहोला । आय मूलक कार्यमा ध्यान जानेछ ।

प्रकाशित मिति: मंगलबार, फागुन १७, २०७८