आजको राशिफल, वि.सं. २०७८ साल फाल्गुन १६ गते सोमबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन १६ गते सोमबार

ज्यो.गंगासागर उपाध्याय सोमबार, फागुन १६, २०७८

वि.सं. २०७८ साल फाल्गुन १६ गते सोमबार, तदनुसार ई.सं. २०२२ फेब्रुवरी २८ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार फाल्गुनकृष्णपक्षको त्रयोदशी तिथि रात्रि २:२४ बजेसम्म, त्यसपछि चतुर्दशी रहनेछ ।
नक्षत्र : श्रवण रात्रि ४:४५ बजेसम्म, त्यसपछि धनिष्ठा रहनेछ ।
विष्कुंभादी योग : वरियान् दिवा १:४७ बजेसम्म, त्यसपछि परिघ रहनेछ ।
आनन्दादी योग : सिद्धि ।
करण : गर दिवा ३:२१ बजेसम्म, त्यसपछि भद्रा रहनेछ ।
श्रीसूर्य : कुम्भ राशिमा, चन्द्रमा : मकर राशिमा अहोरात्र व्याप्त रहनेछ ।
सूर्याेदय : ६:३२ बजे, सूर्यास्त : बेलुका ६:०३ बजे हुनेछ ।

(आज : सोमप्रदोषव्रत)
(भोलि : महाशिवरात्रिव्रत, माझी समुदायको लदीपूजा)

मेष : सृजनशिलता र क्रियाशिलताको बृद्धि विकास हुनेछ । कर्म भाव खुलेको छ । ठूला व्यक्तिसँग मित्रता गाँसिनेछ । महत्वपूर्ण कार्यको थालनीले उत्साह उमंग छाउनेछ । व्यवसायबाट राम्रै आम्दानी हुनेछ ।

वृष : समय सुधारोन्मुख रहनेछ । टाढिएका आफन्तजनसँगको सम्बन्धमा सुधार हुनेछ । धार्मिक कृत्यमा सहभागी हुने अवसर मिल्नेछ । वैदेशिक क्षेत्रका अपूरा कार्यले स्थान पाउनेछन् । स्वास्थ्यको भने ख्याल राख्नुहोला ।

मिथुन : अष्टम भावमा स्थित चन्द्रमा ग्रहका प्रभावले गरेका निर्णय त्यत्ति प्रभावशाली रहने देखिन्न । शारीरिक कमजोरीको महशुस हुनेछ । आर्थिक लेनदेनमा विवाद बढ्नेछ । असन्तोषी प्रवृत्तिले सताउनेछ ।

कर्कट : व्यक्तित्व विकासको समय रहेको छ । काम गरेर अरुव्यक्तिलाई मोहित पार्न सकिनेछ । मनमिल्ने व्यक्तिसँगको जम्काभेटले खुसी भइनेछ । हर्ष बढ्नेछ । आर्थिक लगानीले पछिसम्म लाभ लिन सकिनेछ ।

सिंह : सामान्य समस्या आइपरेता पनि दृढ भएर लाग्दा जीत हाँसिल गरिनेछ । व्यवसायबाट राम्रो आम्दानी हुनेछ । विपक्षीसँगको मेलमिलपले गर्दा काम कार्य गर्न सहज हुनेछ । नयाँ सम्झौताको अवसर मिल्नेछ ।

कन्या : अध्ययनमा चासो रहनेछ । नयाँ ठाउँको भ्रमणले नयाँ ज्ञान मिल्नेछ । प्रतिष्पर्धात्मक क्रियाकलापमा विजयी भइनेछ । बन्धुवान्धवसँगको भेटले मन प्रफुल्लित रहनेछ ।स्वास्थ्यमा सुधारको संकेत देखिन्छ ।

तुला : व्यवस्थापन पक्ष फितलो बन्नेछ । टाढाको यात्रा त्यत्ति शुभ देखिन्न । पारिवारिक समस्याले सताउनेछ । एक्कासी बाधा व्यवधान आउन सक्छ, संयम रहेर कार्य गर्नु होला । मान्यजनको साथ लिएर कार्य गर्नुहोला ।

बृश्चिक : साथीभाईसँगको रमाइलो जमघट हुनेछ । साझेदारी कार्यको सुरुवाति हुनेछ । लक्ष्यमा पुग्न सामान्य मिहिनेत नै पर्याप्त हुनेछ । धन लाभ हुनेछ । समझदारीताले गर्दा अप्ठ्यारा परिस्थितिको अन्त्य हुनेछ ।

धनु : अचल सम्पत्तिमा गरेको लगानीले दिगो रुपमा फाइदा लिन सकिनेछ । बोलिकै भरमा ठूला–ठूला कार्य बन्नेछन् । दोधारे मनले कार्य गर्न असहज हुन सक्छ, कुटुम्बको साथ सहयोगले अघि बढ्दा सफल भइनेछ ।

मकर : मनमा शन्तिको अनुभूति हुनेछ । सकारात्मक सोच विचारको उदय हुनेछ । अधुरा कार्यलाई पूर्ण गर्दै नयाँ कार्यको थालनि गर्ने समय रहेको छ । ठूला व्यक्तिसँग मित्रता गाँसिनेछ । व्यवसाय फस्टाउनेछ ।

कुम्भ : अनावश्यक स्थानमा समय र धन खर्चनु पर्दा दिक्क लाग्नेछ । विश्वास गरेका व्यक्तिले साथ छाड्ने छन् । झन्झटिला कार्यको नेतृत्व गर्नु पर्नेछ । दैनिक गर्दै आएका कार्यमा समेत अबरोध सृजना हुनेछ ।

मीन : लाभ स्थानमा चन्द्रमा ग्रहले भ्रमण गर्दैछ जस्का प्रभावले विविध लाभको योग बनेको छ । मन प्रफुल्लित बन्नेछ । अरु दिनको तुलनामा पढाइमा मन रहनेछ । सानो लगानीले नै धेरै लाभ लिन सकिनेछ ।

प्रकाशित मिति: सोमबार, फागुन १६, २०७८