माओवादी नेताहरूको बैठक सकियो, गठबन्धन जोगाउन अन्तिम प्रयास गर्ने समझदारी

मुख्य समाचार

गृहपृष्ठ
मुख्य समाचार

माओवादी नेताहरूको बैठक सकियो, गठबन्धन जोगाउन अन्तिम प्रयास गर्ने समझदारी

समाचारदाता शुक्रबार, फागुन १३, २०७८

नेकपा माओवादी केन्द्रका नेताहरूको शुक्रबार बिहानदेखि बसेको बैठक सकिएको छ । अध्यक्ष पुष्पकमल दाहाल प्रचण्डको निवास खुमलटारमा बसेको बैठकले गठबन्धन बचाउन अन्तिम कोसिस गर्ने समझदारी गरेको प्रचण्डको निजी सचिवालयले जनाएको छ ।

बैठकमा केन्द्रीय कार्यालयका साथै पूर्वस्थायी समिति सदस्य तथा मन्त्रीहरूको पनि उपस्थिति थियो । बैठकमा एमसीसीबारे पार्टीको पूर्ववत् सैद्धान्तिक धारणामा रही गठबन्धन बचाउन अन्तिम प्रयास गर्ने समझदारी भएको प्रचण्डकी सहयोगी तथा उनकी पुत्री गङ्गा दाहालले जानकारी दिइन् ।

बैठकमा माओवादी नेताहरूले एमसीसी संसद्‌बाट स्वीकृत वा अस्वीकृत जे भए पनि गठबन्धन भने नटुटाउने पक्षमा धारणा राखेका थिए । केही नेताले माओवादी सरकारमै रहँदा छलफल गरी ल्याएको एमसीसीको विपक्षमा जाँदा विश्वसनीयताको प्रश्न उठ्नसक्ने धारणा पनि राखेका थिए ।

प्रधानमन्त्री शेरबहादुर देउवाले सरकारमा रहने वा नरहने भन्नेबारे आजै निर्णय गर्न दबाब दिए पनि माओवादी केन्द्रले यसबारेमा भने कुनै निर्णय गरेन । माओवादी केन्द्रले अन्तिम पटक गठबन्धन बैठक राखेर पार्टीको अडान राख्ने एक नेताले बताए ।

प्रकाशित मिति: शुक्रबार, फागुन १३, २०७८

प्रतिक्रिया दिनुहोस्