आजको राशिफल, वि.सं. २०७८ साल फाल्गुन ११ गते बुधबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन ११ गते बुधबार

ज्यो.गंगासागर उपाध्याय बुधबार, फागुन ११, २०७८

वि.सं. २०७८ साल फाल्गुन ११ गते बुधबार, तदनुसार ई.सं. २०२२ फेब्रुवरी २३ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार फाल्गुनकृष्णपक्षको सप्तमी तिथि दिवा ३:५४ बजेसम्म, त्यसपछि अष्टमी रहनेछ ।
नक्षत्र : विशाखा दिवा १:५७ बजेसम्म, त्यसपछि अनुराधा रहनेछ ।
विष्कुंभादी योग : धुम्र विहान ८:०३ बजेसम्म, त्यसपछि व्याघात रहनेछ ।
आनन्दादी योग : धाता ।
करण : बालव मध्यरात्रिपछि २:४८ बजेसम्म, त्यसपछि तैतिल रहनेछ ।
श्रीसूर्य : कुम्भ राशिमा, चन्द्रमा : तुला राशिमा विहान ८:१८ बजेसम्म, त्यसपछि बृश्चिक रहनेछ ।
सूर्याेदय : ६:३७ बजे, सूर्यास्त : बेलुका ५:५९ बजे हुनेछ ।

(आज : अष्टमीव्रत)
(भोलि : गोरखकालीपूजा)

मेष : शारीरिक आलस्यताका कराण काम गर्न मन लाग्ने छैन । आम्दानी घट्नेछ । गर्नैपर्ने कार्यमा समेत ढिला सुस्तीले गर्दा पछि परिनेछ । आफन्तजनसँग नै बैरभाव उत्पन्न हुनेछ । लक्ष्यमा पुग्न कडा परिश्रम गर्नुपर्ला ।

वृष : व्यवसायबाट उचित लाभ उठाउन सक्दा हौसला थपिनेछ । माया प्रेमको बन्धन कसिलो बन्नेछ । मनोरञ्जनात्मक कृयाकलापमा सहभागी हुने मौका मिल्नेछ । भविष्यका लागि नयाँ कार्ययोजना रचिनेछ ।

मिथुन : नयाँ तौर तरिकाको प्रयोगले गर्दा नाफा दर बढाउन सकिने छ । व्यवसायबाट मनग्य नाफा कमाइनेछ । काम गरेर सन्तुष्टि मिल्नेछ । व्यवहारिक पक्ष सबल रहनेछ । लामो समयदेखि रोकिएका कार्यले स्थान पाउने छन् ।

कर्कट : अध्ययन अध्यापन क्षेत्रमा प्रगतिको संकेत देखिन्छ । पारिवारिक जमघटले मन रमाइलो वातावरण बन्नेछ । सुख, शान्तिको अनुभूति हुनेछ । सामाजिक पद प्रतिष्ठा मिल्नेछ । सन्तानको साथ सहयोगले कार्य बन्नेछ ।

सिंह : प्रतिक्षित नतिजामा गिरावट आउला । नयाँ कार्यको थालनिले समस्या ल्याउनेछ । झन्झटिला परिस्थितिको सामना गर्नुपर्नेछ । गोपनियता बाहिरिँदा विपक्षीको विजय हुनेछ । अध्ययनमा अल्लि जोड दिनु पर्नेछ ।

कन्या : दाजुभाइको सहयोगले महत्वपूर्ण काम बन्नेछ । श्रमको सहीरुपमा मूल्याङ्कन मिल्नेछ । साझेदारी काम कार्यको सुरुवाती हुनेछ । व्यवसायबाट अपेक्षित लाभ मिल्दा खुसी लाग्नेछ । उदारपन रहनेछ ।

तुला : घरायसी समस्या हल भएर जानेछ । बोलिकै भरमा काम बन्नेछन् । अध्ययनमा रुचि बढ्नेछ । धन सञ्चय गर्न मन लाग्नेछ । लगनशिल भएर लाग्दा प्रशंसकहरु बढ्नेछन् । देशदेशान्तरसम्म आफ्नो प्रभुत्व रहनेछ ।

बृश्चिक : श्रृंगारिक कार्यमा ध्यान जानेछ । स्वास्थ्य ठीकठाक नै रहनेछ । प्रेम प्रसंग चल्नेछ । बल, बुद्धिको सही ठाउँमा प्रयोग गर्नाले सफल भइनेछ । मनमा शान्ति एवं शरीरमा कान्ति छाउनेछ । दिन शुभ रहने देखिन्छ ।

धनु : अनावश्यक कार्यमा ध्यान दिँदा गर्नैपर्ने कार्य भने अलमलमा पर्नेछ । हतारको निर्णयले समस्या मात्र सृजना हुनेछ । सञ्चित धन रकम खर्च हुनेछ । विपक्षीले दु:ख दिने छन् । गरिरहेको कार्य छाड्नु पर्दा चिन्ता छाउनेछ ।

मकर : इच्छा, आकङ्क्षाहरु थपिने छन् । व्यवस्थापन पक्ष सवल रहनेछ । सामान्य मिहिनेतले नै लक्ष्यमा पुग्न सकिनेछ । राजैतिक एवं शैक्षिक क्षेत्रमा उन्नति एवं चासो रहनेछ । लामो समयदेखि रोकिएका कार्यले गति लिनेछ ।

कुम्भ : नेतृत्वगणको विश्वासको पात्र भइनेछ । शुभ खबर मिल्नेछ । काम गर्ने वातावरण बन्नेछ । बन्धुवान्धवसँगको रमाइलो जमघट हुनेछ । इमान्दारीताको कदर हुनेछ । शत्रू पक्ष कमजोर रहँदा कार्य गर्न सहज हुनेछ ।

मीन : गुरुजनको सरसल्लाह लिएर अघि बढ्दा विजयी भइनेछ । धर्मकर्ममा रुचि बढ्नेछ । भाग्यभाव बलियो रहेको छ । सामान्य मिहिनेतले नै ठूलाकाम बन्नेछन् । सामाजिक उत्तरदायित्व बढेर जानेछ ।

प्रकाशित मिति: बुधबार, फागुन ११, २०७८