आजको राशिफल, वि.सं. २०७८ साल फाल्गुन ६ गते शुक्रबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन ६ गते शुक्रबार

ज्यो. गंगासागर उपाध्याय शुक्रबार, फागुन ६, २०७८

वि.सं. २०७८ साल फाल्गुन ६ गते शुक्रबार, तदनुसार ई.सं. २०२२ फेब्रुवरी १८ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार फाल्गुनकृष्णपक्षको द्वितीया तिथि वेलुका १०:५१ बजेसम्म, त्यसपछि तृतीया रहनेछ ।
नक्षत्र : पूर्वफाल्गुनी वेलुका ५:१६ बजेसम्म, त्यसपछि उत्तरफाल्गुनी रहनेछ ।
विष्कुंभादी योग : सुकर्मा वेलुका ७:१६ बजेसम्म, त्यसपछि धृती रहनेछ ।
आनन्दादी योग : सिद्धि ।
करण : तैतिल पूर्वान्ह १०:५८ बजेसम्म, त्यसपछि वणिक् रहनेछ ।
श्रीसूर्य : कुम्भ राशिमा, चन्द्रमा : सिंह राशिमा वेलुका ११:२१ बजेसम्म रहनेछ ।
सूर्याेदय : ६:४१ बजे, सूर्यास्त : बेलुका ५:५६ बजे हुनेछ ।

मेष : अध्ययन–अध्यापन क्षेत्रमा सुधार हुनेछ । मानसिक क्षमताको विकास हुनेछ । आफन्तजनको सहयोगले कार्यलाई अघि बढाउँदा सफल भइनेछ । नोकरीमा प्रसंसा मिल्नेछ ।स्वास्थ्यमा समेत क्रमिक सुधारको संकेत देखिन्छ ।

वृष : आफन्तजनसँग नै विवाद पर्नेछ । विवादित कार्यको नेतृत्व गर्नुपर्दा दिक्क लाग्नेछ । गोपनीयता बाहिरीँदा विपक्षीले स्थान पाउने छन् । ढिला सुस्तिका कारण विशेष अवसर फुत्कनेछ । दैनिक कार्यमा नै व्यस्थ रहनुहोला ।

मिथुन : शुभ खबर सुन्न पाइनेछ । मित्रजनको साथ सहयोगले गर्दा नयाँ कार्यको आरम्भ हुनेछ । व्यापार व्यवसायमा आयदर बढ्नेछ । सुख सुविस्ताका साधनहरु जुट्ने छन् । कलात्मक कार्यमा मन रमाउनेछ ।

कर्कट : थालेका कार्यले दिगो रुपमा लाभ दिनेछन् । धार्मिक आस्था जागृत हुनेछ । आफन्तजनसँगको रमाइलो जमघट हुनेछ । बोलिकै भरमा काम बन्नेछन् । मांगलिक कार्यमा सहभागी भइनेछ ।

सिंह : मनमा शान्ति एवं शरीरमा कान्ति छाउने समय रहेको छ । मनोरञ्जनात्मक समारोहमा सहभागी हुने मौका मिल्नेछ । शत्रु पनि मेलमिलापमा आउँदा कार्य गर्न सहज हुनेछ । कला र गलाको प्रशंसा हुनेछ ।

कन्या : जिद्दि गर्ने बानिले विवादमा पर्नेछ । आयको तुलनामा व्ययभार बढ्नाले आर्थिक तालमेल मिलाउन गाह्रो पर्नेछ । सामान्य कार्यमा नै भुल्नाले महत्वपूर्ण कार्य ओझेलमा पर्नेछ । स्वास्थ्य समस्या यथावत् नै रहनेछ ।

तुला : पारिवारिक जमघटले मन फुरुंग बन्नेछ । आकस्मिक रमाइलो यात्राको अवसर जुट्नेछ । नयाँ ठाउँको भ्रमणले नयाँ ज्ञान मिल्नेछ । कृतिप्रदायक कार्य गरिनेछ । परिश्रमको सही मुल्यांकन मिल्दा हौसला बढ्नेछ ।

बृश्चिक : व्यक्तित्व विकासको समय रहेकोे छ । पिताको सहयोगले अघि बढ्दा कार्यहरु सहज तवरले बन्नेछन् । सामाजिक कार्यबाट प्रशंसा बटुलिनेछ । बोलिको कदर हुनेछ । नयाँ जिम्मेवारी बढ्नेछ । शुभ खबर मिल्नेछ ।

धनु : ठूला व्यक्तिसँग सहकार्य गर्ने अवसर मिल्नेछ । सद्विचारको उदय हुनेछ । सामूहिक गतिविधिमा लाग्दा नेतृत्व गर्न पाइनेछ । पढाइलेखाइमा मन जानेछ । सामाजिक एवं राजनैतिक क्षेत्रका अपूरा काम बन्नेछन् ।

मकर : शारीरिक आलस्यताले कार्य गर्न सकिने छैन । व्यवसायमा मन्दीपन रहनेछ । आफ्नै निर्णयले आँफैलाई समस्यामा पार्नेछ । दैनिक गर्दै आएका कार्यमा समेत विघ्नबाधा आउनेछ । अशुभ खबर सुन्नु पर्नेछ ।

कुम्भ : शैक्षिक, सामाजिक एवं राजनैतिक क्षेत्रमा अग्रस्थान मिल्नेछ । काम प्रतिको लगनशिलता बढेर जानेछ । सोचे अनुरुपका काम कार्य पूरा हुँदा हर्ष बढ्नेछ । विपरीत लिंगीको साथ सहयोग मिल्ने देखिन्छ ।

मीन : घरायसी सरसामान जोडिनेछ । रोकिएको वित्तीय कारोवार सुचारु हुनेछ ।अवसरहरुले पछ्याउने छन् । व्यापार व्यवसायबाट आयदर बढ्नेछ । नोकरीमा सामान्य विवाद भएता पनि जीत तपाईँकै हुनेछ ।

प्रकाशित मिति: शुक्रबार, फागुन ६, २०७८