आजको राशिफल, वि.सं. २०७८ साल फाल्गुन ५ गते बिहीबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन ५ गते बिहीबार

ज्यो. गंगासागर उपाध्याय बिहीबार, फागुन ५, २०७८

वि.सं. २०७८ साल फाल्गुन ५ गते बिहीबार, तदनुसार ई.सं. २०२२ फेब्रुवरी १७ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार फाल्गुनकृष्णपक्षको प्रतिपदा तिथि वेलुका १०:५७ बजेसम्म, त्यसपछि द्वितीया रहनेछ ।
नक्षत्र : मघा वेलुका १६:३९ बजेसम्म, त्यसपछि पूर्वफाल्गुनी रहनेछ ।
विष्कुंभादी योग : अतिगण्ड वेलुका ८:२८ बजेसम्म, त्यसपछि सुकर्मा रहनेछ ।
आनन्दादी योग : मुसल ।
करण : बालव पूर्वान्ह १०:४९ बजेसम्म, त्यसपछि तैतिल रहनेछ ।
श्रीसूर्य : कुम्भ राशिमा, चन्द्रमा : सिंह राशिमा अहोरात्र व्याप्त रहनेछ ।
सूर्याेदय : ६:४२ बजे, सूर्यास्त : बेलुका ५:५५ बजे हुनेछ ।

मेष : पारिवारिक सरसहयोगले कार्य गर्न सहज हुनेछ । आकस्मिक लाभ हुनेछ । सकारात्मक सोच विचार रहनेछ । नयाँ अवसरहरु जुट्ने छन् । शैक्षिक गतिविधिमा उत्कृष्ट नतिजा आउँदा मन खुसी रहनेछ ।

वृष : जिम्मा लिएका कार्यलाई समयमै पूर्ण गर्न नसक्दा भनाइ खानु पर्नेछ । आर्थिक पक्ष कमजोर बन्नेछ । बन्धुवान्धवसँग बोलिकै कराण सम्बन्धमा तिक्तता उत्पन्न हुनेछ । मानसिक चिन्ता, पीरले सताउनेछ ।

मिथुन : मिहिनेत अनुसारको प्रतिफल मिल्दा खुसी लाग्नेछ । काम गर्ने जोश जाँगर थपिनेछ । सहमति र सहकार्यको वातावरणले गर्दा सहज तवरले कार्य बन्नेछन् । मनमिल्ने व्यक्तिसँगको रमाइलो भ्रमण हुनेछ ।

कर्कट : अचल वस्तुमा गरेको लगानीले पछि ठूलो फाइदा दिलाउने छ । अल्छि गर्ने वानीले पछि परिनेछ, जागरुक रहनु होला । धार्मिक एवं सामाजिक कार्यबाट उच्च सम्मान मिल्नेछ । आर्थिक पक्ष बलियो नै रहनेछ ।

सिंह : इमान्दारीताको कदर हुनेछ । श्रृंगारिक कार्यमा मन जानेछ । ठूला व्यक्तिसँग संगत रहनेछ । छोटो रमाइलो यात्राको अवसर मिल्नेछ । बोलि विक्ने समय रहेको छ । सान्दर्भिक कार्यको शुरुवाति गरिनेछ ।

कन्या : हिनताबोधले गर्दा कार्य गर्न मन लाग्ने छैन । स्वास्थ्य कमजोर बन्नेछ । अनावश्यक कार्यमा खर्चभार बढ्नेछ । पढाइलेखाइमा भन्दा बाहिरी कुरामा मन जानेछ । दैनिक कामकाजमा पनि समस्या सृजना हुनेछ ।

तुला : गुमेको धन हात पर्दा प्रसन्नता बढ्नेछ । नयाँ कार्य योजनाहरु रचिने छन् । मया–प्रेमको बन्धन झन् कसिलो बन्नेछ । नयाँ नयाँ वस्तुको उपयोग गर्न पाइनेछ । आर्थिक आम्दानीमा बढोत्तरी हुनेछ ।

बृश्चिक : कार्य क्षेत्रमा नेतृत्वदायी भूमिका निर्वाह गर्न पाइनेछ । घरायसी समस्या हल हुनेछ । नयाँ सिप सिक्ने अवसर मिल्नेछ । विशिष्ट व्यक्तिसँग सहकार्य गर्न पाइनेछ । काम अनुसारको नाम, दाम मिल्नेछ ।

धनु : सहयोगीहरुको साथले अपूरा कार्यलाई अघि बढाउन सकिनेछ । बल, विद्या, नाम, दाम मिल्ने समय रहेको छ । अध्ययनमा चासो बढ्नेछ । धार्मिक कार्यमा रुचि जाग्नेछ ।समग्रमा समय सुधारोन्मुख रहनेछ ।

मकर : अरुले गरेको गल्तिको आरोप तपाईँलाई आउन सक्छ, सतर्क रहनु होला । अरुको नियम, नियन्त्रणमा बस्न सकिने छैन । नयाँ कार्यको थालनि गर्दा बाधा अड्चनहरु देखा पर्ने छन् । दैनिक कार्यमा नै व्यस्थ रहनुहोला ।

कुम्भ : मानसिक शान्तिको अनुभूति हुनेछ । हर्षको खबर मिल्नेछ । प्रेम प्रसंग चल्नेछ । नेतृत्व गणसँग निकटता रहनेछ । लामो समय पछि मित्र मिलन हुनेछ । थालेका अधिकांश कार्य पूरा हुँदा मन हर्षित बन्नेछ ।

मीन : वैदेशिक क्षेत्रका अपूरा कार्यलाई पहल गर्दा पूर्ण गर्न सकिनेछ । व्यवसायबाट सोचे अनुरुप लाभ मिल्दा खुसीयाली छाउनेछ । स्थान, मान प्रप्तिको योग बनेको छ । पूर्व तयारीका साथ लाग्दा धेरै कार्यहरु बन्नेछन् ।

प्रकाशित मिति: बिहीबार, फागुन ५, २०७८