आजको राशिफल, वि.सं. २०७८ साल फाल्गुन २ गते सोमबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन २ गते सोमबार

ज्यो. गंगासागर उपाध्याय सोमबार, फागुन २, २०७८

वि.सं. २०७८ साल फाल्गुन २ गते सोमबार, तदनुसार ई.सं. २०२२ फेब्रुवरी १४ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघशुक्लपक्षको त्रयोदशी तिथि वेलुका ८:१३ बजेसम्म, त्यसपछि चतुर्दशी रहनेछ ।
नक्षत्र : पुनर्वसू पूर्वान्ह ११:५५ बजेसम्म, त्यसपछि तिष्य रहनेछ ।
विष्कुंभादी योग : आयुष्मान् वेलुका ९:४७ बजेसम्म, त्यसपछि सौभाग्य रहनेछ ।
आनन्दादी योग : धुम्र ।
करण : कौलव विहान ७:२२ बजेसम्म, त्यसपछि गर रहनेछ ।
श्रीसूर्य : कुम्भ राशिमा, चन्द्रमा : कर्कट राशिमा अहोरात्र व्याप्त रहनेछ ।
सूर्याेदय : ६:४४ बजे, सूर्यास्त : बेलुका ५:५३ बजे हुनेछ ।

(आज : सोमप्रदोषव्रत, सौभाग्य शूर्पदान)
(भोलि : श्रीपशुपतिनाथको छाँयादर्शन)

मेष : आर्थिक अवस्था झन् कमजोर बन्नेछ । स्वास्थ्य समस्याले सताउनेछ । विपक्षीले कमजोरीको फाइदा उठाउने छन् । काम गरेर जस नमिल्दा जोश जाँगर घट्नेछ । नयाँ कार्य थाल्दा मान्यजनको साथले थाल्नु होला ।

वृष : हर्षको खबर मिल्नेछ । जोखिमयुक्त कार्यलाई पनि सरल तवरले गर्न सक्दा प्रशंसकहरु बढ्नेछन् । सान्दर्भिक कार्यको आरम्भले गर्दा धेरै व्यक्तिको साथ सहयोग पाइनेछ । साथीभाइसँगको रमाइलो जमघट हुनेछ ।

मिथुन : द्वितीयेश चन्द्रमाले सामान्य अन्योलको अवस्था सृजना गर्न सक्छ, अग्रजको सहयोगले कार्य गर्दा सफल भइनेछ । आर्थिक अवस्था बलियो रहँदा लगानि गर्न सकिनेछ । अचल सम्पत्ति जोड्ने योग बनेको छ ।

कर्कट : देशदेशान्तरसम्म प्रभुत्व जमाउन सकिनेछ । स्वास्थ्यमा सुधार हुनेछ । बोलिको कदर हुनेछ । अघिदेखिका समस्यालाई हल गर्न सकिनेछ । विशिष्ट व्यक्तिसँग मित्रता गाँसिनेछ । पढाइमा मन जानेछ ।

सिंह : विश्वास गरेका व्यक्तिले साथ छाड्दा दैनिक कार्यमा समेत समस्या सृजना हुनेछ । खर्चको मात्रा बढेर जानेछ । असन्तोषी प्रबृत्ति रहनेछ । सामान्य कार्यमा भुल्दा गर्नैपर्ने महत्वपूर्ण कार्य अन्योलमा पर्नेछ ।

कन्या : सानो लगानिले नै धेरै लाभ मिल्दा काम गर्ने हौसला थपिनेछ । व्यवसायबाट आत्मसन्तोष मिल्नेछ । शैक्षिक क्षेत्रमा समेत उन्नतिको होला । आम्दानिका नयाँ स्रोतहरु फेला पर्नेछन् । आर्थिक पक्ष बलियो रहनेछ ।

तुला : कार्य क्षेत्रमा नयाँ परिवर्तन आउनेछ । इमान्दारीताको कदर हुनेछ भने विशेष कार्यको जिम्मेवारी समेत मिल्नेछ । सृजनात्मक कार्यमा अग्रसर भइनेछ । मायाप्रेमको गाँठो कसिलो बन्नेछ । वहान सुख मिल्नेछ ।

बृश्चिक : भाग्यले साथ दिँदा थालेका अधिकांश कार्यले उचित स्थान पाउनेछन् । सहनशिलता र कृयाशिलताको बृद्धि विकास हुनेछ । सकारात्मक सोच विचार रहनेछ । आर्थिक पक्षमा सुधार हुँदा, सहजताको अनुभव हुनेछ ।

धनु : आर्थिक आम्दानि भएता पनि सही स्थानमा लगानि गर्न सकिने छैन । प्रतिक्षित नतिजामा गिरावट आउँदा, चिन्ता बढ्नेछ । अष्टमेश चन्द्रमा ग्रहले गर्दा असन्तोषी प्रबृत्ति रहनेछ । आफन्तजनसँग टाढिनु पर्नेछ ।

मकर : अरु दिन विरोध गर्नेहरु पनि समर्थनमा आउन बाध्य हुनेछन् । नोकरीमा प्रशंसा एवं नयाँ अवसर मिल्नेछ । आत्मकारक ग्रहको पूर्ण दृष्टि परेको छ । छोटो रमाइलो यात्राको अवसर मिल्नेछ । हर्षको खबर मिल्नेछ ।

कुम्भ : उत्तारचढावका बिच दिन शुभ रहनेछ । व्यवसायबाट आत्मसन्तुष्टि मिल्नेछ । सनातिना समस्या आएता पनि अडिक भएर कार्यमा लाग्दा सफल भइनेछ । श्रमको सही मूल्यांकन मिल्दा काम गर्ने हौसला थपिनेछ ।

मीन : असहज परिस्थितिको अन्त्य हुनेछ । बौद्धिक क्षमताको बृद्धि विकास हुनेछ । पारिवारिक सहयोगले कार्य बन्नेछन् । विद्यार्थी वर्गका लागि आजको दिन उन्नतिकारक रहेको छ । स्वास्थ्यमा समेत सुधार हुनेछ ।

प्रकाशित मिति: सोमबार, फागुन २, २०७८