आजको राशिफल, वि.सं. २०७८ साल फाल्गुन १ गते आइतबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल फाल्गुन १ गते आइतबार

ज्यो. गंगासागर उपाध्याय आइतबार, फागुन १, २०७८

वि.सं. २०७८ साल फाल्गुन १ गते आइतबार, तदनुसार ई.सं. २०२२ फेब्रुवरी १३ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघशुक्लपक्षको द्वादशी तिथि वेलुका ६:२६ बजेसम्म, त्यसपछि त्रयोदशी रहनेछ ।
नक्षत्र : आद्र्रा विहान ९:३३ बजेसम्म, त्यसपछि पुनर्वसू रहनेछ ।
विष्कुंभादी योग : प्रीति वेलुका ९:३३ बजेसम्म, त्यसपछि आयुष्मान् रहनेछ ।
आनन्दादी योग : ध्वांक्ष ।
करण : कौलव अहोरात्र व्याप्त रहनेछ ।
श्रीसूर्य : कुम्भ राशिमा, चन्द्रमा : मिथुन मध्यरात्रि पछि ५:२१ बजेसम्म रहनेछ ।
सूर्याेदय : ६:४५ बजे, सूर्यास्त : बेलुका ५:५२ बजे हुनेछ ।

(आज : भीष्मद्वादशी)
(भोलि : सोमप्रदोषव्रत, सौभाग्य शूर्पदान)

मेष : आत्मियजनसँगको रमाइलो जमघट होला । गरेका कार्यबाट उचित लाभांश मिल्दा हौसला बढ्नेछ । कृषि क्षेत्रमा लाग्नेहरुका लागि समय लाभकारी रहला ।सहोदरका व्यक्तिको सहयोगले कार्य बन्नेछन् ।

वृष : बोलिकै भरमा धेरै कार्यहरु बन्नेछन् । अघिदेखि रोकिएर रहेका कार्यले स्थान पाउनेछन् । पढाइलेखाइमा मन जानेछ । सुखसुविस्ताका साधनहरु उपभोग गर्न पाइनेछ । अल्छि गरेर बस्ने समय छैन ।

मिथुन : सामाजिक पदप्रतिष्ठा मिल्नेछ । ठूला व्यक्तिसँग सहकार्य गर्ने अवसर पाइनेछ । जोखिम युक्त कार्यलाई पनि सहज तबरले सम्पन्न गर्न सक्दा प्रशंसकहरु थपिनेछन् । आर्थिक लाभ समेत मिल्ने समय रहेको छ ।

कर्कट : टाढाको यात्रा त्यत्ति उपयुक्त देखिन्न । व्यर्थको कार्यमा समय विताउँदा गर्नैपर्ने कार्य अधुरै रहनेछन् । बोलिको गलत अर्थ लगाउन सक्छन्, संयम रहनु होला । श्रमको उचित मूल्यांकन मिल्ने छैन ।

सिंह : व्यवसायबाट अपेक्षित लाभांश उठाउन सक्दा खुसी भइनेछ । नयाँ–नयाँ अवसरहरुले पछ्याउने छन् । सृजनात्मक कार्यमा मन जानेछ । साथीभाईसँगको छोटो रमाइलो यात्राको संभावना बलियो देखिन्छ ।

कन्या : बौद्धिक क्षमता फराकिलो रहला । समस्याको पहिचान गर्न सकिनेछ । मान्यजनको साथले महत्वपूर्ण कार्य बन्नेछ । व्यापारव्यवसायबाट सन्तुष्टि मिल्नेछ । नयाँ लगानी गर्दा दिगो रुपमा फाइदा मिल्नेछ ।

तुला : स्वास्थ्य अवस्था ठीकठाक नै रहला । सान्दर्भिक कार्यको आरम्भ गरिनेछ । छरछिमेकमा बेग्लै पहिचान राख्न सफल भइनेछ । धार्मिक भ्रमणको योग बनेको छ । आर्थिक लाभ हुनेछ । मन प्रफुल्लित रहनेछ ।

बृश्चिक : लहैलहैमा लाग्दा अनावश्यक खर्चभार थपिनेछ । गोपनीयता बाहिरिँदा समस्यामा परिनेछ । गलत व्यक्तिको संगतले नकारात्मक कार्यमा संलग्न भइएला । अशान्तिपनले सताउनेछ । संयम रहनु पर्नेछ ।

धनु : नयाँ ठाउँको भ्रमण हुनेछ । व्यवसायबाट अपेक्षा अनुरुप लाभ मिल्नेछ । कला, कृति, आकृतिका कार्यमा मन रमाउनेछ । हर्षको खबर मिल्नेछ । उपहारादि मिल्नेछ । काम गर्ने कला बढ्नेछ । समय शुभ रहेको छ ।

मकर : छैटौं चन्द्रमाले सामान्य तनाब निम्त्याएता पनि आर्थिक पक्षमा भने उन्नति हुनेछ । नयाँ कार्यको थालनि हुनेछ । मांगलिक कार्यमा सहभागी भइनेछ । पूर्व तयारीका साथ लाग्नुहोस् विशेष लाभकारी समय रहेको छ ।

कुम्भ : सामान्य मिहिनेतले नै लक्ष्यमा पुग्न सफल भइनेछ । पढाइलेखाइ एवं प्रतिभाका कार्यमा अग्रस्थानमा आइनेछ । स्वास्थ्य समस्या हल भएर जानेछ । विशेष कार्यको नेतृत्व गर्न पाइनेछ । सद्विचारको उदय हुनेछ ।

मीन : कठोर बोलि व्यवहारका कारण बन्नै आँटे कार्यले समेत विराम लिनेछन् । पुख्र्यौली सम्पत्तिमा विवाद बढ्नेछ । शोकप्रद खबर सुन्नुपर्ला । नयाँ लगानी नगर्नु नै उचित हुनेछ । आमाको सहयोगले काम गर्नुहोला ।

प्रकाशित मिति: आइतबार, फागुन १, २०७८