आजको राशिफल, वि.सं. २०७८ साल माघ २९ गते शनिबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल माघ २९ गते शनिबार

ज्यो. गंगासागर उपाध्याय शनिबार, माघ २९, २०७८

वि.सं. २०७८ साल माघ २९ गते शनिबार, तदनुसार ई.सं. २०२२ फेब्रुवरी १२ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघशुक्लपक्षको एकादशी तिथि वेलुका ४:२३ बजेसम्म, त्यसपछि द्वादशी रहनेछ ।
नक्षत्र : मृगशिरा विहान ६:५९ बजेसम्म, त्यसपछि आद्र्रा रहनेछ ।
विष्कुंभादी योग : विष्कुंभ वेलुका ९:०७ बजेसम्म, त्यसपछि प्रीति रहनेछ ।
आनन्दादी योग : वज्र ।
करण : बव मध्यरात्रि पछि ५:२६ बजेसम्म, त्यसपछि कौलव रहनेछ ।
श्रीसूर्य : मकर राशिमा, चन्द्रमा : मिथुन राशिमा अहोरात्र व्याप्त रहनेछ ।
सूर्याेदय : ६:४६ बजे, सूर्यास्त : बेलुका ५:५२ बजे हुनेछ ।

(आज : भीमाएकादशीव्रत, देवघाटमा मकरस्नानसमाप्ति)
(भोलि : भीष्मद्वादशी)

मेष : सहयोगीको उचित साथ मिल्दा नयाँ कार्यको आरम्भ गर्न सकिनेछ । श्रमको सही मूल्यांकन पाइनेछ । लामो समय पछि पुराना साथिभाइसँग मिलन हुनेछ । गरेका काम कार्यबाट सुख सन्तोष मिल्ने समय रहेको छ ।

वृष : खुसीयाली वातावरण बन्नेछ । सानो प्रयासले नै कार्यहरु बन्नेछन् । इच्छा आकङ्क्षाहरु थपिने छन् । शैक्षिक क्षेत्रमा प्रगतिको संकेत देखिन्छ । व्यापार व्यवसायमा अरु दिनको तुलनामा लाभांश बढ्दा हौसला थपिनेछ ।

मिथुन : कृति प्रदायक कार्य गरिनेछ । घरायसी समस्या हल भएर जानेछ । ठूलाठूला कार्य पनि बोलिकै भरमा बन्नेछन् । सामाजिक पदप्रतिष्ठा प्राप्त हुनेछ । शुभ समाचार सुन्न पाइनेछ । हर्षको खबर मिल्ने देखिन्छ ।

कर्कट : झन्झटिला कार्यको नेतृत्व गर्नु पर्नेछ । आफ्नै निर्णयले आँफैलाई समस्यामा पार्न सक्छ, सोचेर निर्णय लिनुहोला । लहैलहैमा लाग्दा अनावश्यक खर्चभार बढ्नेछ । अध्ययनमा भन्दा बाहिरी कुरामा ध्यान जानेछ ।

सिंह : कलात्मक कार्यमा मन जानेछ । थालेका अधिक कार्य बन्नेछन् । आम्दानीका बाटाहरु फेला पर्नेछन् । अघिदेखि उठ्न बाँकी रकमलाई पहल गर्दा उठाउन सकिनेछ । छोटो रमाइलो यात्राको संभावना देखिन्छ ।

कन्या : दैनिक गर्दै आएका काम–कार्यमा समेत नयाँ तरिकाको प्रयोगले सहजता हुनेछ । नोकरीमा प्रशंसा एवं नयाँ जिम्मेवारी थपिनेछ । विशिष्ट व्यक्तिसँग मित्रता गाँसिनेछ । पारिवारिक समस्या हल भएर जानेछ ।

तुला : अरु व्यक्तिको समस्यामा सहयोगीको भूमिका निर्वाह गर्न पाउँदा आनन्द लाग्नेछ । कल्याणकारी कार्यमा सरीक भइनेछ । भाग्यले साथ दिँदा छोटो समयमा नै गरेका कार्यबाट प्रतिफल मिल्नेछ । आर्थिक लाभ हुनेछ ।

बृश्चिक : विश्वास गरेका व्यक्तिले साथ छाड्ने छन् । अवसर हुँदाहुँदै पनि विकल्प रोज्नाले विशेष कार्यमा पछि परिनेछ । गोपनीयता बाहिरीँदा विपक्षीले फाइदा उठाउने छन् । दैनिक कार्यमा नै व्यस्थ रहनु उचित हुनेछ ।

धनु : अरु दिन विरोध गर्नेहरु पनि समर्थनमा आउँदा कार्य गर्न सहज हुनेछ । विपरीत लिंगिको सहयोगले कार्य बन्नेछ । मनोरञ्जनात्मक समारोहमा सहभागी हुने अवसर मिल्नेछ । आर्थिक पक्ष बलियो नै रहनेछ ।

मकर : सामाजिक कार्यमा चासो रहनेछ । सानातिना समस्यामा नआत्तिनु होला, निरन्तर लाग्दा प्रतिफल तपाईँकै पक्षमा आउनेछ । रोकिएका वित्तीय कारोवारले गति लिनेछन् । व्यापार–व्यवसायबाट सन्तोष मिल्नेछ ।

कुम्भ : पारिवारिक सहयोग सद्भाव कायम रहनेछ । पढाइलेखाइमा सामान्य प्रयासले नै सिप सिक्न र बुझ्न सकिनेछ । प्रतिभाका कार्यमा विजयी भइनेछ । बौद्धिक कलाको प्रशंसा मिल्नेछ । सुखसुविस्ता उपभोग गर्न पाइनेछ ।

मीन : लक्ष्यमा पुग्न कडा परिश्रमको आवश्यकता पर्नेछ । बोलिकै कारण बन्नै आँटेका कार्यमा समेत विराम लाग्नेछ । सोचे अनुरुप कार्य नबन्दा दिक्क लाग्नेछ । पूर्व तयारीका साथ मातृ पक्षको सहयोगले कार्य गर्नुहोला ।

प्रकाशित मिति: शनिबार, माघ २९, २०७८