ढोकाको ताल्चा फोडी सुन चोर्ने र चोरीको सुन किन्ने २ जना पक्राउ

अपराध

गृहपृष्ठ
अपराध

ढोकाको ताल्चा फोडी सुन चोर्ने र चोरीको सुन किन्ने २ जना पक्राउ

समाचारदाता शुक्रबार, माघ २८, २०७८

प्रहरीले सुन चोरी गर्ने र चोरीको सुन किन्ने २ जनालाई पक्राउ गरेको छ । ढुङ्गेधारास्थित माया शेरचनको घरको डेरामा बस्ने महिलाको डेराकोठाबाट ढोकाको ताल्चा फोडी करिव ८ तोलाको सुनको गरगहना लगायतका सामानहरु चोरी गरेको अभियोगमा महानगरीय प्रहरी बृत्त बालाजुबाट खटिएको टोलीले बालाजु खरिबोट बस्ने बर्ष २२ की अमिता नेपालीलाई पक्राउ गरेको हो ।

महानगरीय प्रहरी परिसर काठमाडौंका प्रवक्ता प्रहरी उपरीक्षक दिनेशराज मैनालीका अनुसार चोरीको सुन किन्ने अभियोगमा खरिबोटस्थित राजश्री ज्वलेर्सका सञ्चनलक राजु सुनार पक्राउ परेका हुन् ।

बरामद भएको सामानहरु:-

१.सुनको लकेट सहितको १.५ तोलाको सिक्री थान-१ ।

२.सुनको आधा तोलाको बेरुवा रिङ जोर-१ ।

३.सुनको आधा तोलाको औठी थान-१ ।

४.सुनको आधा तोलाको झुम्का जोर-१ ।

५.सुनको आधा तोलाको तिलहरी थान-१ ।

६.सुनको मंगलसुत्र गालेर तयार गरेको १.५ तोलाको ढिक्का थान-१ ।

७.मोबाइल थान-२ ।

८.घडी थान-२ ।

९.अन्य धातुको औठी थान-२ ।

१०. पीडितको एनटिसिको सिम थान-१ ।

प्रकाशित मिति: शुक्रबार, माघ २८, २०७८