आजको राशिफल, वि.सं. २०७८ साल माघ २८ गते शुक्रबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल माघ २८ गते शुक्रबार

ज्यो. गंगासागर उपाध्याय शुक्रबार, माघ २८, २०७८

वि.सं. २०७८ साल माघ २८ गते शुक्रबार, तदनुसार ई.सं. २०२२ फेब्रुवरी ११ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघशुक्लपक्षको दशमी तिथि दिवा २:१३ बजेसम्म, त्यसपछि एकादशी रहनेछ ।
नक्षत्र : मृगशिरा अहोरात्र व्याप्त रहनेछ ।
विष्कुंभादी योग : वैधृती वेलुका ८:३४ बजेसम्म, त्यसपछि विष्कुंभ रहनेछ ।
आनन्दादी योग : मानस ।
करण : वणिक् रात्रि ३:१८ बजेसम्म, त्यसपछि बव रहनेछ ।
श्रीसूर्य : मकर राशिमा, चन्द्रमा : वृष राशिमा वेलुका ५:४० बजेसम्म रहनेछ ।
सूर्याेदय : ६:४७ बजे, सूर्यास्त : बेलुका ५:५१ बजे हुनेछ ।

(आज : शल्यदशमी)
(भोलि : भीमाएकादशीव्रत, देवघाटमा मकरस्नानसमाप्ति)

मेष : सामान्य स्वास्थ्य समस्या देखापर्नेछ । तर आर्थिक पक्ष भने बलियो रहेको छ । श्रम मार्गमा लाग्ने व्यक्तिहरुका लागि विशेष लाभ मिल्नेछ । नयाँ ज्ञान सिक्न पाइनेछ । व्यवसायबाट सोचे अनुरुप लाभ मिल्दा हर्ष बढ्नेछ ।

वृष : पारिवारिक एवं स्वास्थ्य समस्यामा समेत सुधार हुनेछ । सृजनात्मक कार्यमा मन जानेछ । शैक्षिक क्षेत्रमा विशेष उन्नति हुनेछ । सन्तानको साथ सहयोग पाइनेछ । आफन्तजनसँग टाढिएको सम्बन्धमा सुधार आउनेछ ।

मिथुन : व्यर्थको कार्यमा भुल्दा विशेष अवसर गुम्नेछ । नजिकका व्यक्तिसँग नै विवाद बढ्न सक्छ, बोलि बचनमा सजकता अपनाउनु होला । अरु व्यक्तिको विश्वासमा कार्य छाड्दा काम व्यवारिसे बन्नेछ, सजक रहनुहोला ।

कर्कट : सहोदरका व्यक्तिको साथ सहयोगले महत्वपूर्ण कार्य बन्नेछ । मिहिनेती प्रवृत्तिको विकास हुनेछ । मित्र मिलन हुनेछ । आर्थिक पक्ष सबल रहनेछ । हर्षको खबर मिल्नेछ । मांगलिक कार्यमा सहभागी भइनेछ ।

सिंह : शारीरिक आलस्यताले कार्य गर्न सकिने छैन । कुटुम्बको साथ सहयोगले अघि बढ्दा काम बन्नेछ । अचल वस्तुमा गरेको लगानिले दिगो रुपमा फाइदा लिन पाइनेछ । धन–रकम सञ्चय गर्ने वातावरण बन्नेछ ।

कन्या : काम गरेर आत्मसन्तुष्टि मिल्नेछ । मित्रताको बन्धन कसिलो बन्नेछ । पढाइमा मन जानेछ । खुसीयाली वातावरण बन्नेछ । सभा समारोहमा अतिथिको सत्कार पाइनेछ । ठूला व्यक्तिको साथ मिल्ने देखिन्छ ।

तुला : विश्वास गरेका व्यक्तिले साथ छाड्ने छन् । आम्दानिको तुलनामा खर्चको मात्रा बढेर जानेछ । सामान्य काम कार्यलाई दोहोर्‍याएर गर्नुपर्दा हैरानि लाग्नेछ । शैक्षिक उपलब्धिमा ह्रास आउनेछ, जागरुक रहनु होला ।

बृश्चिक : आफन्तजनसँगको रमाइलो भेट हुनेछ । सकारात्मक विचार आउनेछ । हर्षको खबर मिल्नेछ । बन्दव्यापारबाट सोचे भन्दा ज्यादा लाभ मिल्दा खुसीयाली छाउनेछ । नयाँ लगानिले दिगो रुपमा लाभ लिन पाइनेछ ।

धनु : धार्मिक विश्वास बढ्नेछ । देशदेशान्तरसम्म आफ्नो प्रभुत्व जमाउन सकिनेछ । परिश्रमको सहि रुपमा मूल्यांकन मिल्दा काम गर्ने हौसला थपिनेछ । कलात्मक कार्यमा मन जानेछ । प्रेम प्रसंग चल्नेछ ।

मकर : मान्यजनको साथ सहयोगले कार्य बन्नेछन् । अरु व्यक्तिको समस्यामा सहयोगीको भूमिका निर्वाह गर्न पाइनेछ । आकस्मिक लाभले मन फुरुड्ड बन्नेछ । मिहिनेती प्रवृत्तिको विकास हुनेछ । शुभ खबर मिल्नेछ ।

कुम्भ : काम गरेर जस भन्दा अपजस व्यहोर्नु पर्नेछ । शारीरिक कमजोरी यथावत् नै रहनेछ । हतारको निर्णयले पछुताउनु पर्नेछ । मनमा शंका उपशंका उब्जनेछ । झमेलाको सामना गर्नुपर्ने समय रहेको छ ।

मीन : जोखिम युक्त कार्यलाई पनि सरल तरिकाले गर्न सक्दा धेरै व्यक्तिहरु मोहित हुनेछन् । अपरिचित व्यक्तिको सहयोगले कार्य बन्नेछ । आकर्षण शक्ति बढेर जानेछ । शेयर बजारमा गरेको लगानिले फाइदा हुनेछ ।

प्रकाशित मिति: शुक्रबार, माघ २८, २०७८