आजको राशिफल, वि.सं. २०७८ साल माघ २६ गते बुधबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल माघ २६ गते बुधबार

ज्यो. गंगासागर उपाध्याय बुधबार, माघ २६, २०७८

वि.सं. २०७८ साल माघ २६ गते बुधबार, तदनुसार ई.सं. २०२२ फेब्रुवरी ९ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघशुक्लपक्षको अष्टमी तिथि पूर्वान्ह १०:१५ बजेसम्म, त्यसपछि नवमी रहनेछ ।
नक्षत्र : कृत्तिका रात्रि १:५२ बजेसम्म, त्यसपछि रोहिणी रहनेछ ।
विष्कुंभादी योग : ब्रह्मा वेलुका ७:४० बजेसम्म, त्यसपछि ऐन्द्र रहनेछ ।
आनन्दादी योग : सिद्धि ।
करण : बालव वेलुका ११:०९ बजेसम्म, त्यसपछि तैतिल रहनेछ ।
श्रीसूर्य : मकर राशिमा, चन्द्रमा : वृष राशिमा अहोरात्र व्याप्त रहनेछ ।
सूर्याेदय : ६:४८ बजे, सूर्यास्त : बेलुका ५:४९ बजे हुनेछ ।

(आज : बुधाष्टमीव्रत, गोरखकालीपूजा, भीष्माष्टमी)
(भोलि : द्रोणनवमी)

मेष : धन सञ्चय गर्न मन लाग्नेछ । सानातिना बाधा व्यवधान आएता पनि समस्यालाई छिचोल्दै लक्ष्यमा पुग्न सकिनेछ । सृजनात्मक कार्यमा मन रमाउनेछ । व्यवसायबाट अपेक्षित लाभ मिल्दा खुसीयाली छाउने देखिन्छ ।

वृष : विशेष कार्यमा सफलता मिल्नेछ । अघिदेखिका समस्या हल भएर जानेछन् । समय अनुकूलको रहेको छ । मान्यजनको साथ समर्थनले काम बन्नेछन् । बन्दव्यापारबाट आयआर्जन बढ्नेछ । स्वास्थ्यमा समेत सुधार हुनेछ ।

मिथुन : स्वास्थ्य अवस्था कमजोर बन्नेछ । हचुवाको भरमा निर्णय लिँदा पछि पछुताउनु पर्नेछ । आफ्नै भन्नेले समेत धोका दिनेछन् । सजक रहनु होला । अध्ययनमा भन्दा बाहिरी कुरामा मन जानेछ । चिन्ता, पिर थपिनेछ ।

कर्कट : पढाइलेखाइमा चासो रहनेछ । भौतिक सुखसुविस्ता उपभोग गर्न पाइनेछ । नयाँ–नयाँ अवसरहरुले पछ्याउने छन् । कलात्मक कार्यमा मन जानेछ । व्यवसायमा नयाँ तौर–तरिकाको प्रयोगले आयदर बढ्नेछ ।

सिंह : कार्य क्षेत्रका अपूरा काम कार्यले स्थान पाउनेछन् । कार्य क्षेत्र प्रति समर्पित भइनेछ । विशिष्ट व्यक्तिसँग मित्रता गाँसिनेछ । मानसिक क्षमताको बृद्धिविकास हुनेछ । सामाजिक, राजनैतिक कार्यबाट प्रशंसा मिल्नेछ ।

कन्या : बोलिकै भरमा धेरै कार्यहरु सरल तबरले बन्नेछन् । सहज परिस्थिति बन्नेछ ।सामान्य मिहिनेतले नै लक्ष्यमा पुग्न सफल भइनेछ । धार्मिक कार्यमा सरीक भइनेछ । परोपकारी कार्यमा समय विताउन पाइनेछ ।

तुला : एक्कासी स्वास्थ्य समस्याले सताउनेछ । विपक्षीको विश्वासमा पर्दा नोक्सानी व्यहोर्नु पर्नेछ । अरुका काम कार्यमा भूल्दा आफ्ना महत्वपूर्ण कार्य भने पछि पर्नेछन् । आर्थिक पक्ष कजोर बन्दै बन्नेछ, सजक रहनु होला ।

बृश्चिक : मनोरञ्जनात्मक समारोहमा सहभागी भइनेछ । अपरिचित व्यक्तिको सहयोगले महत्वपूर्ण कार्य बन्नेछ । विश्वास दिलाउन सक्दा महत्वपूर्ण कार्यको नेतृत्व गर्न पाइनेछ । नोकरीमा प्रशंसा एवं जिम्मेवारी थपिनेछ ।

धनु : सामान्य झन्झटको मुकाविला गर्नु परेता पनि धनसंग्रह गर्ने खाले समय रहेको छ । व्यवसायमा गरेको लगानिले दिगो रुपमा फाइदा लिन सकिनेछ । साझेदारी काम कार्यबाट समेत उचित लाभ मिल्दा खुसी भइनेछ ।

मकर : पुराना समस्या हल भएर जानेछन् भने नयाँ जिम्मेवारी थपिनेछ । बौद्धिक क्षमता फराकिलो बन्नेछ । विद्या, बुद्धि स्थानमा स्थित चन्द्रमाले शैक्षिक क्षेत्रमा अग्रस्थानमा आइनेछ । सन्तानको साथ सहयोग मिल्नेछ ।

कुम्भ : अधिक व्यस्थताका कारण स्वास्थ्यमा समस्या आउने छ । नविन क्षेत्रको प्रतिनिधित्व गर्नु पर्दा शंका र डरले सताउनेछ । विवाद पर्नेछ । मान्यजनको साथ समर्थनले कार्यको आरम्भ गर्दा केही मात्रामा सफल भइनेछ ।

मीन : काम गर्ने जोश जाँगर थपिनेछ । साथीभाइको साथले गर्दा उच्च स्थान मिल्नेछ । कृषि क्षेत्रबाट मनग्य नाफा कमाइनेछ । हर्षको खबर सुन्न पाइनेछ । मनमा शान्ति एवं शरीरमा कान्ति छाउने खाले समय रहेको छ ।

प्रकाशित मिति: बुधबार, माघ २६, २०७८