हिउँ खेल्न जाँदा चन्द्रागिरि जंगलमा हराएका पाँच जना मध्यरातमा यसरी भेटिए

समाचार

गृहपृष्ठ
समाचार

हिउँ खेल्न जाँदा चन्द्रागिरि जंगलमा हराएका पाँच जना मध्यरातमा यसरी भेटिए

नेपालीत्व समाचारदाता सोमबार, माघ २४, २०७८

चन्द्रागिरिको डाँडामा हिउँ खेल्न आइतबार दिउसो गएकाहरु जंगलमा रमाउँदारमाउँदै रात परेपछि हराउन पुगेको खुलेको छ । चार बालबालिका र एक महिाल घर नफर्किएपछि बेलुका साढे आठ बजे प्रहरीमा उजुरी परेको थियो ।

नेपाल प्रहरी र सशस्त्र प्रहरी परिचालन गरेर उनीहरुलाई सुरक्षाकर्मी परिचालन गरी राति सवा एक बजे जंगलबाट उद्धार गरिएको काठमाडौं प्रहरी परिसरले जनाएको छ । उनीहरु चन्द्रागिरिकै जंगलमा भेटिएका हुन् ।

फोटोहरु

चन्द्रागिरि नगरपालिका वडा नं.६ महादेवस्थान बस्ने एकै परिवारका ५ जना वनमा फेला परेका हुन् ।आफन्तद्वारा खबर प्राप्त हुनासाथ प्रहरी नायब उपरीक्षक डिल्लीनारायण पाण्डेय र महानगरीय नगर प्रहरी कार्यालय भृकुटीमण्डपबाट प्रहरी नायब उपरीक्षकको कमाण्डमा बिपद् ब्यबस्थापन गुल्म सामाखुसी समेतको प्रहरी टोली गरी ३७ जनाको टोली खोजीमा परिचालन गरिएको थियो ।

पाँच घण्टाको खोजी कार्य पश्चात हराइरहेकाहरु चन्द्रागिरि जंगलमा फेला परेका हुन् ।

वनबाट उद्धार गरिएका हरुमा चन्द्रागिरि नगरपालिका वडा नं. ६ महादेवस्थान बस्ने २३ वर्षीया रीता गुरुङ, १५ वर्षीया सौभाग्य गुरुङ, १३ वर्षीय सहज गुरुङ, ११ वर्षीया जेनिसा गुरुङ र ७ वर्षीय एरविन गुरुङ रहेका छन् ।

उद्धारपछि उनीहरुलाई थानकोट प्रहरी वृत्तमा पुर्‌याएर राति नै परिवारलाई जिम्मा लगाइएको थियो ।

जंगलमा हराएपछि रुवाबासी गरिरहेको अवस्थामा उनीहरुलाई फेला पारिएको खोजकर्ताहरुले बताएका छन् ।

प्रकाशित मिति: सोमबार, माघ २४, २०७८