आजको राशिफल, वि.सं. २०७८ साल माघ २४ गते सोमबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल माघ २४ गते सोमबार

ज्यो. गंगासागर उपाध्याय सोमबार, माघ २४, २०७८

वि.सं. २०७८ साल माघ २४ गते सोमबार, तदनुसार ई.सं. २०२२ फेब्रुवरी ७ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघशुक्लपक्षको षष्ठी तिथि पूर्वान्ह ७:४२ बजेसम्म, त्यसपछि सप्तमी रहनेछ ।
नक्षत्र : अश्विनी वेलुका ९:५० बजेसम्म, त्यसपछि भरणी रहनेछ ।
विष्कुंभादी योग : शुभ वेलुका ७:४१ बजेसम्म, त्यसपछि शुक्ल रहनेछ ।
आनन्दादी योग : राक्षस ।
करण : गर वेलुका ८:१० बजेसम्म, त्यसपछि भद्रा रहनेछ ।
श्रीसूर्य : मकर राशिमा, चन्द्रमा : मेष राशिमा अहोरात्र व्याप्त रहनेछ ।
सूर्याेदय : ६:४९ बजे, सूर्यास्त : बेलुका ५:४८ बजे हुनेछ ।

(आज : स्कन्दषष्ठी)
(भोलि : अचलासप्तमी, रथसप्तमी)

मेष : सकारात्मक सोच, विचारको उदय हुनेछ । व्यवसायमा समेत आयदर बढ्नाले खुसीयाली छाउनेछ । सम्मानजनक कार्य गरिनेछ । अध्ययनमा रुचि बढ्नेछ । स्वास्थ्यमा र नोकरी क्षेत्रमा भने प्रतिकुलता होला ।

वृष : काम–काम भन्दा स्वास्थ कमजोर बन्नेछ, ध्यान दिनुहोला । परिश्रम अनुसारको प्रतिफल नमिल्दा काम गर्ने जोश जाँगर घट्नेछ । व्यर्थको कार्यमा भुल्दा महत्वपूर्ण कार्य भने ओझेलमा पर्नेछ । विपक्षीहरुले दु:ख दिने छन् ।

मिथुन : अघिदेखि उठ्न बाँकी रकमलाई पहल गर्दा उठाउन सकिनेछ । शुभ समाचार सुन्न पाइनेछ । सहज वातावरण बन्नाले नयाँ कार्यको थालनि गरिनेछ । इमान्दारीताको प्रशंसा मिल्नेछ । व्यवसायबाट राम्रो आम्दानी हुनेछ ।

कर्कट : मान्यजनको साथ, सहयोग पाइनेछ । प्रभावकारी कार्यको आरम्भ हुनेछ । स्वास्थ्य ठीकठाक नै रहला । नोकरीमा प्रशंसा एवं जिम्मेवारी बढ्नेछ । सृजनात्मक कार्यमा मन जानेछ । वहान सुख मिल्नेछ ।

सिंह : टाढिएका आफन्तजनसँग मिलन हुनेछ । सोचेका कार्य एकाएक पूरा हुँदा हर्ष बढ्नेछ । अघिदेखिका समस्या हल भएर जानेछन् भने नयाँ कार्यको प्रस्ताव समेत आउने छन् । धन लाभ हुनेछ । धार्मिक आस्था जाग्नेछ ।

कन्या : नयाँ कार्यको आरम्भले तनाब मात्र थपिनेछ । अल्छि गर्नाले महत्वपूर्ण अवसर फुत्कनेछ । सामाजिक कार्यबाट जश मिल्ने छैन । स्वास्थ्य कमजोर बन्नेछ । दैनिक कार्यमा समेत समस्या सृजना हुनेछ ।

तुला : विपरीत लिंगिको सहयोग मिल्नेछ । सामान्य प्रयासले नै लक्ष्यमा पुग्न सकिनेछ । मन मिल्ने व्यक्तिसँगको रमाइलो जमघट हुनेछ । मनोरञ्जनात्मक कार्यमा सहभागी भइनेछ । मानसिक क्षमताको बृद्धिविकास हुनेछ ।

बृश्चिक : व्यवसायमा गरेको लगानिले दिगोरुपमा फाइदा लिन सकिनेछ । दु:खको फल मिलनेछ । घरायसी समस्या हल भएर जानेछ । तनाबदायी कार्यको नेतृत्व गर्नु परेता पनि अग्रजको साथ सहयोग मिल्दा सफलता मिल्नेछ ।

धनु : बौद्धिक कलाको प्रशंसा हुनेछ । स्वास्थ्य सामान्य बन्दै जानेछ । विवादित कार्यलाई मेलमिलापको वातावरणद्वारा सुल्झाउन सकिनेछ । पारिवारिक सहयोग मिल्नेछ । नोकरीमा भने अन्योलता छाउने देखिन्छ ।

मकर : शारीरिक कमजोरीले कार्य गर्न मन लाग्ने छैन । विपक्षीको प्रलोभनमा पर्दा समस्यामा परिनेछ । जिम्मा लिएका कार्यलाई समयमा पूर्ण गर्न नसक्दा भनाई खानु पर्नेछ । कम बोल्ने र दैनिकीमा व्यस्थ रहनु उचित हुनेछ ।

कुम्भ : मांगलिक कार्यको निम्तो पाइनेछ । मनमा शान्ति एवं शरीररमा कान्ति छाउने समय रहेको छ । साथीभाइसँगको रमाइलो भ्रमणको योग बनेको छ । कृषि क्षेत्रबाट अपेक्षित लाभांश मिल्दा हर्ष बढ्नेछ ।

मीन : अचल सम्पत्तिमा गरेको लगानिले दिगो रुपमा फाइदा लिन पाइनेछ । आकस्मिक लाभको योग बनेको छ । सानातिना समस्यामा नआत्तिनु होला । बोलिकै भरमा काम बन्नेछ । अल्छिपना त्यागेर अघि बढ्नुहोला ।

प्रकाशित मिति: सोमबार, माघ २४, २०७८