नेटवर्किङ व्यवसायबाट ठगिनेहरुको संख्या बढ्यो, दाङमा तीन जना होटल व्यवसायी पक्राउ

अपराध

गृहपृष्ठ
अपराध

नेटवर्किङ व्यवसायबाट ठगिनेहरुको संख्या बढ्यो, दाङमा तीन जना होटल व्यवसायी पक्राउ उपभोक्ता हित समितिका सांसदहरुको संरक्षणले सर्वसाधारण निरीह

--नेपालीत्व समाचारदाता-- बिहीबार, माघ २०, २०७८

प्रतिनिधिसभाका कानून निर्माता सांसदहरुले नेटवर्किङ व्यवसायीका पक्षमा निर्णय गर्ने गराउने गर्नाले त्यस व्यवसायबाट सर्वसाधारण ठगिने क्रम देशव्षापी बन्दै गएको छ । यस क्रममा दाङमा पनि ठगिएको भन्दै प्रहरीमा उजुरी परेको छ । उजुरीको आधारमा प्रहरीले नेटवर्किङ व्यवसायमा संलग्न तीन जनालाई पक्राउ गरेको छ ।

जिल्ला प्रहरी कार्यालय दाङका अनुसार पैसा दोब्बर हुने भन्दै अनलाइन नेटवर्किङबाट ठगी गरेको आरोपमा तीन जनालाई प्रक्राउ गरिएको हो ।

जिल्ला प्रहरी कार्यालयका प्रहरी उपरीक्षक सुरेश काफ्लेका अनुसार रु १७ हजार ठगी गरेको भन्दै उजुरी परेपछि रोल्पा घर भई घोराही बस्ने तीन जनालाई पक्राउ गरिएको हो । तीनै जना होटेल सञ्चालक हुन् । तर प्रहरीले उनीहरुको नाम भने गोप्य राखेको छ ।

उनीहरुले दुई महिनामा पैसा दोब्बर हुने भन्दै प्रतिव्यक्ति रु १५ देखि १८ हजारसम्म हाइफर र साफिरलगायत नेटवर्किङको ठग कम्पनीहरुमा लगानी गर्न भनेर अनलाइन नेटिवर्किङबाट अवैध कारोवार गर्दै आएको प्रारम्भिक अनुसन्धानका क्रममा खुलेको दाङ प्रहरीले जनाएको छ ।

यसअघि ललितपुर खोकनाका करीब दुई दर्जन युवाले नेटवर्कीङ गिरोहबाट ठगिएको भन्दै उजुरी दिएका थिए । तर ठगहरु विदेशमा बसेर अनलाइनबाट ठगेकोले उनीहरु पक्राउ पर्न सकेर्का छैनन् ।

नेटवर्किङ व्यवसाय बिना मिहिनेत सीमित व्यक्तिले रकम कमाउने ठगीधन्दा हो भन्ने विगतमा पुष्टि भै प्रतिबन्ध लागेको ठगीको काम हो । तर प्रतिनिधिसभाको उद्योग, वाणिज्य र श्रम तथा उपभोक्ता हित समितिका सांसदहरुले नेटवर्किङ व्यवसायीहरुको प्रभावमा परेर उनीहरुको हितमा काम गर्न सरकारी अधिकारीहरुलाई दवाव दिँदै आएका छन् ।

नेटवर्किङबाट ठगिएको भन्दै परेका उजुरी र ठग कम्पनीहरुमाथि कार्बाही गर्नेतर्फ ती सांसद मौन रहँदै आएका छन् । उपभोक्ता हित समिति नै उपभोक्ता ठगहरुका पक्षमा उभिएपछि नेटवर्किङको नाममा ठगीधन्दा देशव्यापी बनेको पछिल्लो नमूना दाङमा भएको ठगी हो ।

प्रकाशित मिति: बिहीबार, माघ २०, २०७८