आजको राशिफल, वि.सं. २०७८ साल माघ १० गते सोमबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल माघ १० गते सोमबार

ज्यो. गंगासागर उपाध्याय सोमबार, माघ १०, २०७८

वि.सं. २०७८ साल माघ १० गते सोमबार, तदनुसार ई.सं. २०२२ जनवरी २४ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघकृष्णपक्षको सप्तमी तिथि रात्रि ४:४४ बजेसम्म, त्यसपछि अष्टमी रहनेछ ।
नक्षत्र : हस्ता विहान ९:०९ बजेसम्म, त्यसपछि चित्रा रहनेछ ।
विष्कुंभादी योग : सुकर्मा पूर्वान्ह ९:३४ बजेसम्म, त्यसपछि धृती रहनेछ ।
आनन्दादी योग : वज्र ।
करण : भद्रा वेलुका ५:२९ बजेसम्म, त्यसपछि बालव रहनेछ ।
श्रीसूर्य : मकर राशिमा, चन्द्रमा : कन्या राशिमा वेलुका ८:४८ बजेसम्म रहनेछ ।
सूर्याेदय : ६:५६ बजे, सूर्यास्त : बेलुका ५:३७ बजे हुनेछ ।

(भोलि : भौमाष्टमीव्रत, गोरखकालीपूजा)

मेष : सुखसन्तोष मिल्नेछ । धनसम्पत्ति जोड्ने योग बनेको छ । कलात्मक कार्यमा मन जानेछ । कामको सिलसिलामा आकस्मिक यात्रा हुनेछ । शत्रू परास्त हुनेछन् । मानसिक क्षमतामा निखारता आउनेछ ।

वृष : छरछिमेकमा आफ्नो छुट्टै सम्मान मिल्नेछ । विशेष कार्यक्रममा अतिथिको सत्कार पाइनेछ । मानसम्मान मिल्नेछ । सन्तानको प्रगतिमा रमाइनेछ । आर्थिक पक्ष बलियो नै रहनेछ । असहज परिस्थिति हट्नेछ ।

मिथुन : शारीरिक आलस्यता कायमै रहनेछ । अनावश्यक कार्यमा समय विताउँदा महत्वपूर्ण कार्य छुट्नेछ । दोधारेपनले निर्णय लिन गाह्रो पर्नेछ । काम गरेर चित्त बुझाउन सकिने छैन । ठूलो लगानी नगर्नुहोला ।

कर्कट : आकस्मिक धन लाभ हुनेछ । ठूला व्यक्तिको संगतले उच्चस्तरीय कार्यमा सहभागी भइनेछ । साथीभाइको सहयोग लिँदा समस्यालाई हटाउन सकिनेछ । इच्छा शक्ति बढ्नेछ । आत्मबल आत्मविश्वास बढेर जानेछ ।

सिंह : कुटुम्बको सहयोगले कार्य बन्नेछन् । शैक्षिक क्षेत्रमा रुचि रहनेछ । अचल वस्तुमा गरेको लगानिले दिगो रुपमा लाभ पाइनेछ । मिहिनेतको उचित रुपमा कदर हुनेछ । नयाँ कार्य योजनाहरु रचिने छन् ।

कन्या : धेरैको विश्वासको पात्र बनिनेछ । सानो प्रयासबाट नै कार्य बन्दा काम प्रतिको मोह बढ्नेछ । काम अनुसारको नाम, दाम मिल्नेछ । ठूला व्यक्तिको सहयोग पाइनेछ ।सृजनशिलताको विकास हुनेछ ।

तुला : बोलि अनुसार कार्य हुनेछैन । मनमा शंका उपशंका उब्जनेछ । बाह्रौं भावमा स्थित चन्द्रमा ग्रहले खर्च भार Þवात्तै बढ्नेछ । आर्थिक अभावले कार्यहरु अड्कने छन् । हतारमा निर्णय लिँदा समस्यामा परिनेछ ।

बृश्चिक : आश मारेर बसेका कार्यले समेत स्थान पाउने छन् । बन्दव्यापारबाट लगानि अनुसारको लाभ मिल्नेछ । सोच्दै नसोचेका कार्यमा एक्कासी सफलता मिल्नेछ । प्रीयजनसँगको रमाइलोपल वित्नेछ ।

धनु : व्यापार भन्दा नोकरीबाट जस मिल्नेछ भने नयाँ जिम्मेवारी समेत पाइनेछ । सहमतिबाट कार्यहरु बन्नेछन् । मिहिनेत अनुरुपको प्रतिफल मिल्दा काम गर्ने हौसला थपिनेछ । सामाजिक कार्यमा समय वित्नेछ ।

मकर : आदरसत्कार मिल्नेछ । काम गरेर सुख, सन्तोष मिल्नेछ । पूराना मित्रसँगको मिलनले मन खुसी रहनेछ । भाग्यले साथ दिँदा थालेका अधिक कार्यहरु सफल बन्नेछन् । मिहिनेती प्रबृत्तिको विकास हुनेछ ।

कुम्भ : सञ्चित धन खर्च गर्नुपर्दा, नैराश्यता छाउनेछ । अवसरलाई चिन्न नसक्दा महत्वपूर्ण मौका फुत्कनेछ । तपाईँले विश्वास गरेका व्यक्ति नै विरोधमा उत्रनेछन् । अरुको लहैलहैमा नलागि स्वविवेकले कार्य गर्नुहोला ।

मीन : सकारात्मक सोचाई आउनेछ । मन प्रसन्न बन्नेछ । विपरीत लिंगीको सहयोग पाइनेछ । बोलिको प्रभाव रहनेछ । अध्ययनमा रुचि जाग्नेछ । प्रेम प्रसड्ड चल्नेछ । छोटो रमाइलो यात्राको अवसर मिल्नेछ ।

प्रकाशित मिति: सोमबार, माघ १०, २०७८