आजको राशिफल, वि.सं. २०७८ साल माघ ९ गते आइतबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल माघ ९ गते आइतबार

ज्यो. गंगासागर उपाध्याय शनिबार, माघ ८, २०७८

वि.सं. २०७८ साल माघ ९ गते आइतबार, तदनुसार ई.सं. २०२२ जनवरी २३ तारिख, राक्षसनाम संवत्सर, श्रीसूर्यउत्तरायण, शिशिरऋतु, चान्द्रमान अनुसार माघकृष्णपक्षको पञ्चमी तिथि विहान ७:०८ बजेसम्म, त्यसपछि षष्ठी रहनेछ ।
नक्षत्र : उत्तरफाल्गुनी विहान ९:३४ बजेसम्म, त्यसपछि हस्ता रहनेछ ।
विष्कुंभादी योग : अतिगण्ड पूर्वान्ह ११:४० बजेसम्म, त्यसपछि सुकर्मा रहनेछ ।
आनन्दादी योग : मित्र ।
करण : गर वेलुका ६:४१ बजेसम्म, त्यसपछि भद्रा रहनेछ ।
श्रीसूर्य : मकर राशिमा, चन्द्रमा : कन्या राशिमा अहोरात्र व्याप्त रहनेछ ।
सूर्याेदय : ६:५६ बजे, सूर्यास्त : बेलुका ५:३६ बजे हुनेछ ।

मेष : शैक्षिक गतिविधिमा उन्नति हुनेछ । आर्थिक पक्ष मजबुत बन्नेछ । स्वदेश तथा विदेशबाट खुसीको खबर सुन्न पाइनेछ । पुराना मित्रसँगको मिलनले प्रफुल्लित भइनेछ । आफन्तजनसँगको रमाइलो पल वित्नेछ ।

वृष : खुसी बढ्नेछ । मिहिनेत अनुसारको प्रतिफल मिल्दा काम गर्ने हौसला थपिनेछ । सामान्य मिहिनेतले नै लक्ष्यमा पुग्न सफल भइनेछ । पारिवारिक समस्या हल हुनेछ । असहज परिस्थितिको अन्त्य हुनेछ ।

मिथुन : आफ्ना लागि भन्दा अरुका काम व्यवहारमा समय खर्चनु पर्नेछ । शोकप्रद खबरले चिन्तित बनाउनेछ । नयाँ कार्यको थालनिले तनाब मात्र थपिनेछ, सतर्क रहनु होला । सान्दर्भिक कार्यमा ध्यान पुग्ने छैन ।

कर्कट : हर्षको खबर मिल्नेछ । आकस्मिक धन लाभको योग समेत बनेको छ । पराक्रम बढेर जानेछ । धेरै क्षेत्रमा आफ्नो प्रभुत्व जमाउन सकिनेछ । परिश्रमको सही मूल्यांकन मिल्दा काम गर्ने जाँगर थपिनेछ ।

सिंह : सामजिक पद प्रतिष्ठा मिल्नेछ । बोलिको कदर हुनेछ । धन संचय गर्न मन लाग्नेछ । अरु दिन भन्दा अध्ययनमा रुचि बढ्नेछ । सामान्य चुनौतिको सामना गर्नु परेता पनि अडिक भएर लागि पर्दा सफल भइनेछ ।

कन्या : सहमतिबाट समस्याको निराकरण गर्न सकिनेछ । विशिष्ट व्यक्तिसँग सहकार्य गर्ने अवसर मिल्नेछ । टाढिएका आफन्तजनसँग मिलन हुनेछ । पूराना समस्याको समाधान रचिने छ भने नयाँ कार्य योजनाहरु बन्ने छन् ।

तुला : वैचारिक वेमेलका कारण विवादमा परिन सक्छ, बोली बचनमा सजक रहनु होला । खर्च एवं परेशानीले छाड्ने छैन । टाढाको यात्रा त्यत्ति उपयुक्त देखिन्न । अनावश्यक कार्यमा समय वित्ने देखिन्छ ।

बृश्चिक : व्यवसायबाट उचित रुपमा लाभ मिल्दा हर्ष बढ्नेछ । विद्यार्थी वर्गका लागि अवसर मिल्नेछ भने, शैक्षिक गतिविधिमा समेत उन्नति हुनेछ । सुख सन्तोष मिल्नेछ । आम्दानीका नयाँ स्रोतहरु जुट्ने छन् ।

धनु : सुख सुविस्ताका साधनहरु जुट्ने छन् । साझेदारी कार्यबाट उचित प्रकारको लाभ मिल्नेछ । कलात्मक कार्यमा विशेष चासो रहनेछ । कर्म क्षेत्रमा नयाँ अवसर मिल्नेछ । माया प्रेमको बन्धन कसिलो बन्नेछ ।

मकर : धार्मिक कृत्यमा सहभागी हुने मौका मिल्नेछ । व्यापार व्यवसायमा सुधार हुनेछ । सोचेका कार्यहरु एकाएक पूरा हुँदा खुसी लाग्नेछ । परोपकारी कार्यमा समय विताउन पाइनेछ ।सद्विचार आउनेछ ।

कुम्भ : अनावश्यक कार्यमा भुल्दा गर्नैपर्ने कार्य भने अधुरै रहने छन् । गोपनियता बाहिरीँदा समस्यामा परिन सक्छ, संयम रहनु होला । अध्ययमा ह्रास आउनेछ । जिद्दिपनले गर्दा काम कार्य विग्रन सक्छ, मैत्री भाव राख्नुहोला ।

मीन : नेतृत्वदायी कार्यको जिम्मेवारी मिल्नेछ । अपरिचित व्यक्तिको सहयोगले कार्य बन्नेछन् । काम गर्ने कलाको प्रसंसाले उत्साह थपिनेछ । आकर्षण शक्ति बढेर जानेछ । पतिपत्नि बिचको सम्बन्ध सुमधुर रहनेछ ।

प्रकाशित मिति: शनिबार, माघ ८, २०७८