आजको राशिफल, वि.सं. २०७८ साल पौष ३० गते शुक्रबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल पौष ३० गते शुक्रबार

ज्यो. गंगासागर उपाध्याय बिहीबार, पुस २९, २०७८

वि.सं. २०७८ साल पौष ३० गते शुक्रबार, तदनुसार ई.सं. २०२२ जनवरी १४ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार पौषशुक्लपक्षको द्वादशी तिथि वेलुका १०:४२ बजेसम्म, त्यसपछि त्रयोदशी रहनेछ ।
नक्षत्र : रोहिणी वेलुका ९:१० बजेसम्म, त्यसपछि मृगशिरा रहनेछ ।
विष्कुंभादी योग : शुक्ल दिवा २:५९ बजेसम्म, त्यसपछि ब्रह्मा रहनेछ ।
आनन्दादी योग : मित्र ।
करण : बव विहान ९:३८ बजेसम्म, त्यसपछि कौलव रहनेछ ।
श्रीसूर्य : धनु राशिमा, चन्द्रमा : वृष राशिमा अहोरात्र व्याप्त रहनेछ ।
सूर्याेदय : ६:५८ बजे, सूर्यास्त : बेलुका ५:२८ बजे हुनेछ ।

(भोलि : शनिप्रदोषव्रत, माघसंक्रान्ति, उत्तरायण सुरु, माघीपर्व, मकरस्नान)

मेष : अल्छि गर्नाले महत्वपूर्ण मौका फुत्कन सक्छ, जागरुक रहनुपर्नेछ । प्रभावकारी कार्यको शुरुवात गरिनेछ । बोलीको कदर हुनेछ । आफन्तजनसँगको रमाइलो जमघट हुनेछ । अचल वस्तुमा गरेको लगानीबाट पछिसम्म लाभ लिन पाइनेछ । धार्मिक कार्यमा रुची बढ्नेछ ।

वृष : अग्रज व्यक्तिसँग सहकार्य गर्ने मौका मिल्नेछ । काम गर्ने कलाले प्रशंसा बटुलिनेछ । आँटेताकेका काम पूरा हुनेछन् । बौद्धिक क्षमतामा अभिबृद्धि हुनेछ । नयाँ मित्रता गाँसिनेछ । महत्वपूर्ण कार्यको जिम्मेवारी पाइनेछ । आत्मिय व्यक्तिसँगको रमाइलो भेट हुनेछ । बोलिको कदर हुने समय रहेको छ ।

मिथुन : गलत व्यक्तिको परिबन्दमा परिन सक्छ, अरुको लहैलहैमा नलाग्नुहोला । आज ठूलो लगानी एवं टाढाको यात्रा त्यत्ति शुभ देखिन्न । व्यर्थको झन्झट मात्र व्यहोर्नु पर्नेछ । अनावश्यक कार्यमा चासो राख्दा आफ्ना समयको बरवादिमात्र हुनेछ । नयाँ सम्झौताले मूर्तरुप पाउने छैन ।

कर्कट : लाभस्थानमा स्थित चन्द्रमा ग्रहका प्रभावले आकस्मिक धन लाभ एवं मानसम्मान मिल्नेछ । खुसीको खबर सुन्न पाइनेछ । थोरै मिहिनेतले नै लक्ष्यमा पुग्न सकिनेछ । कार्यप्रतिको लगनशिलता र क्रियाशिलता बढ्नेछ । आत्मियजनसँगको भेट हुनेछ । नयाँ तौर–तरिकाको प्रयोगले आर्थिक उन्नति हुनेछ ।

सिंह : नेतृत्वगणको प्रीयपात्र भइनेछ । सकारात्मक चिन्तन रहनेछ । स्वास्थ्यमा सुधार हुनेछ भने नयाँ संझौता गरेर अघि बढ्न सकिनेछ । गरेका कार्य प्रभावशाली बन्नेछन् । समर्थकहरु बढ्नेछन् । कार्यक्षेत्रप्रति समर्पित भइनेछ । अध्ययन अध्यानपन क्षेत्रमा विशेष चासो रहनेछ ।

कन्या : आजको दिन मिश्रीत फलदायी रहनेछ । अरु व्यक्तिको दु:ख, कष्टमा सहयोगीको भूमिका निर्वाह गर्न पाइनेछ । पढाइमा अघिल्ला दिनमा भन्दा केही प्रगति हुनेछ । अवसर हुँदाहुँदै पनि ढिला सुस्तिका कारण महत्वपूर्ण मौका फुत्कनेछ । तर धार्मिक कार्यमा भने आस्था जाग्नेछ ।

तुला : आज नयाँ संझौता एवं टाढाको यात्रा त्यत्ति शुभ देखिँदैन । विश्वास गरेका व्यक्तिले विश्वास घात गर्नेछन् । गोपनियता बताउँदा बन्नै आँटेका कार्यमा समेत बाधा अड्चन आउनेछन्, गोपनियतामा ध्यान दिनुहोला । अरु व्यक्तिको नियम आचरणमा रहन गाह्रो पर्नेछ । स्वास्थ्य कमजोर बन्नेछ । नियमित कार्यमा नै ध्यान दिनुहोला ।

बृश्चिक : प्रेम प्रसंग चल्नेछ । आत्मियजनसँगको रमाइलो जमघट एवं यात्रा होला । स्वास्थ्य अवस्था ठीकठाक नै रहला । सामान्य प्रयासबाट नै कार्य बन्दा अघि बढ्नका लागि हौसला थपिनेछ । दाम्पत्य सहयोगले काम–कार्य बन्नेछन् । पारिवारिक समस्या हल भएर जानेछ । नयाँ उमंग छाउने समय रहेको छ ।

धनु : सामान्य झमेला आइलागेता पनि मिहिनेतको भने कदर हुनेछ । श्रमको सही मूल्यांकन मिल्नाले लक्ष्यमा पुग्न सफल भइनेछ । मन, बचन र कर्मको तालमेल मिल्नेछ । परिश्रमको सही प्रतिफल पाइनेछ । मिहिनेती प्रबृत्तिको विकास हुनेछ । शत्रूहरु कमजोर बन्नेछन् । स्वास्थ्यको भने ख्याल राख्नुहोला ।

मकर : शारीरिक आलस्यता एवं समान्य पारिवारिक असमझदारीता हुनसक्छ, परिवारजनलाई खुसी पार्ने प्रयास गर्नुहोला । पूर्व तयारी र योजना बनाएर कार्यमा निस्नु उचित हुनेछ । विद्यार्थी वर्गका लागि भने समय अनुकूलको रहेको छ । सिकेका कुरालाई कार्य क्षेत्रमा प्रयोग गर्न सकिनेछ ।

कुम्भ : शारीरिक कमजोरीको अनुभूति हुनेछ । अघिदेखि सहज तवरले बन्दै आएका कार्यमा समेत बाधा व्यवधान आउन सक्छ, संयम रहनुहोला । मानसिक अशान्तिपनले छाड्ने छैन । वैदेशिक क्षेत्रका काम भने बन्नेछन्, घर परिवारबाट टाढा हुनेका लागि नयाँ अवसर समेत मिल्ने समय रहेको छ ।

मीन : साथीभाइसँग नयाँ ठाउँ घुमफिर गर्ने अवसर मिल्नेछ । प्रीयजनको साथ, सहयोगले गर्दा समस्याको समाधान गर्न सकिनेछ भने नयाँ कार्यको आरम्भ समेत गरिनेछ । सांगीतिक क्षेत्रमा मन रमाउनेछ । खुसीको खबर सुन्न पाइनेछ । व्यवसायिक क्षेत्रमा लाग्ने व्यक्तिहरुका लागि समेत समय अनुकूलको रहने देखिन्छ ।

प्रकाशित मिति: बिहीबार, पुस २९, २०७८