आजको राशिफल, वि.सं. २०७८ साल पौष २८ गते बुधबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल पौष २८ गते बुधबार

ज्यो. गंगासागर उपाध्याय मंगलबार, पुस २७, २०७८

वि.सं. २०७८ साल पौष २८ गते बुधबार, तदनुसार ई.सं. २०२२ जनवरी १२ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार पौषशुक्लपक्षको दशमी तिथि वेलुका ६:४५ बजेसम्म, त्यसपछि एकादशी रहनेछ ।
नक्षत्र : भरणी वेलुका ४:२१ बजेसम्म, त्यसपछि कृत्तिका रहनेछ ।
विष्कुंभादी योग : साध्य दिवा २:२० बजेसम्म, त्यसपछि शुभ रहनेछ ।
आनन्दादी योग : काण ।
करण : वणिक् अहोरात्र व्याप्त रहनेछ ।
श्रीसूर्य : धनु राशिमा, चन्द्रमा : मेष राशिमा वेलुका १०:५४ रहनेछ ।
सूर्याेदय : ६:५८ बजे, सूर्यास्त : बेलुका ५:२७ बजे हुनेछ ।

(भोलि : पुत्रदाएकादशी व्रत)

मेष : ठूला व्यक्तिको संगत गर्न पाइनेछ । आत्मबल आत्मविश्वास बढेर जानेछ । नयाँ योजनाका साथ अघि बढ्ने समय रहेको छ । व्यवसायबाट मनग्य नाफा कमाउन सकिनेछ । मनमा शान्ति एवं शरीरमा कान्ति छाउने समय रहेको छ । पढाइमा अभिरुचि बढ्नेछ । समय शुभ रहने देखिन्छ ।

वृष : शारीरिक आलस्यताले सताउनेछ । गोपनीयता बाहिरीँदा समस्यामा परिन सक्छ, सतर्क रहनु होला । आम्दानी भन्दा खर्चभार बढी हुँदा आर्थिक तालमेल मिलाउन गाह्रो पर्नेछ । व्यर्थको कार्यमा समय वित्नेछ । विपक्षीहरुले दु:ख दिनेछन्, संयमता पूर्वक अघि बढ्न आवश्यक देखिन्छ ।

मिथुन : मांगलिक कार्यको निम्तो पाइनेछ । अघिदेखि रोकिएका वित्तीय कारोवारलाई अघि बढाउन सकिनेछ । आय मूलक कार्यमा ध्यान जानेछ । थालेका अधिकांश कार्य सफल बन्दा हर्ष बढ्नेछ । नयाँ–नयाँ प्रस्तावहरु आउने छन् । सृजनात्मक शक्तिले गर्दा धेरैको मनमा बस्न सकिनेछ ।

कर्कट : नोकरीमा प्रशंसा एवं नयाँ जिम्मेवारी थपिनेछ । सरकारी कामकाज सरल तवरले बन्नेछन् । मान्यजनको सहयोगले असंभव कार्य पनि सहजता पूर्वक बन्नेछन् । प्रतिक्षित नतिजामा सफलता मिल्नेछ । सहज वातावरण बन्नेछ । पिताको सहयोगले थालेका कार्यबाट दिगो फाइदा हुनेछ ।

सिंह : सानातिना समस्यामा नआत्तिनु होला । बुद्धिमता ढंगले अघि बढ्दा सफल भइनेछ । आध्यात्मिक चिन्तन रहनेछ । परोपकारी कार्यमा सहभागी हुन पाउँदा खुसी लाग्नेछ । व्यवसायबाट अपेक्षित लाभ मिल्ने छ । नोकरीमा केही अपजस र स्वास्थ्य कमजोरी देखिन सक्छ, ख्याल गर्नुहोला ।

कन्या : पारिवारिक समस्याले गर्दा कार्य गर्ने वातावरण बन्नेछैन । क्षणिक फाइदालाई हेर्दा महत्वपूर्ण अवसर फुत्कनेछ । कडा परिश्रमका बापजुध पनि न्यून उपलब्धिमा नै चित्त बुझाउनु पर्नेछ । अनावश्यक चिन्ता बढ्नेछ । नयाँ कार्य भन्दा पहिला थालेका अपूरा कार्यमा लाग्नु उचित हुनेछ ।

तुला : काम गर्ने शैलीको प्रशंसा हुनेछ । मानसिक शान्तिको अनुभव हुनेछ । आकर्षण शक्ति बढेर जानेछ । माया–प्रेमको बन्धन कसिलो बन्नेछ । अरु व्यक्तिलाई विश्वास दिलाउन सक्दा महत्वपूर्ण जिम्मेवारी पाइनेछ । श्रृंगारिक कार्यमा मन जानेछ । दिन हर्षाेल्लास पूर्वक नै वित्ने देखिन्छ ।

बृश्चिक : दोधारेपनले गर्दा निर्णय लिन गाह्रो पर्न सक्छ, गुरुजन वा अग्रजको सहयोग लिनु होला । शत्रू पक्ष कमजोर रहँदा कार्य गर्न सहज हुनेछ । आर्थिक पक्षमा सुधारको संकेत देखिन्छ । नयाँ सिप सिकिनेछ । श्रमको सही मूल्यांकन मिल्दा काम गर्ने हौसला थपिनेछ । आकस्मिक लाभकारी समय रहेको छ ।

धनु : पारिवारिक सरसहयोगले कार्य गर्न सहज हुनेछ । नजिकका व्यक्तिसँग मिष्ठान्न भोजनको योग बनेको छ । सोच्न सक्ने क्षमताको कदर हुनेछ । शैक्षिक क्षेत्रमा मन जानेछ । टाढिएका आफन्तजनसँग मिलन हुनेछ । तर शारीरिक आलस्यताले ढीलासुस्ति हुन सक्छ, जागरुक रहनुहोला ।

मकर : घरायसी समस्या सृजना हुनेछ । सामान्य विवादले उग्ररुप लिनसक्छ, मेलमिलापबाट अघि बढ्नु लाभकारी हुनेछ । विना तयारी कार्यमा लाग्दा अन्यौलताको वातावरण बन्नेछ । आफ्नै निर्णयले आँफैलाई समस्यामा पार्न सक्छ, सोचेर निर्णय लिनु होला । स्थानान्तरणको समस्याले सताउनेछ ।

कुम्भ : सहयोगीहरुको उचित रुपमा साथ मिल्दा थालेका कार्यमा सफलता मिल्नेछ । सहनशिलता र कृयाशिलताको बृद्धि विकास हुनेछ । गरेका कार्यबाट दिगो रुपमा लाभ पाइनेछ । मन मिल्ने व्यक्तिसँगको आकस्मिक रमाइलो भेटघाट हुनेछ । आर्थिक लगानीको अवसर समेत मिल्नेछ ।

मीन : विशिष्ट समारोहमा मानसम्मान मिल्नेछ । बोलिकै भरमा ठूला कार्य बन्नेछन् । सान्दर्भिक कार्यको थालनीले गर्दा धेरै व्यक्तिको साथ सहयोग मिल्नेछ । घरमा नयाँ चहल पहल छाउनेछ । धन सञ्चय गर्न मन लाग्नेछ । तर नोकरीमा अपजस र स्वास्थ्य कमजोर बन्न सक्छ, ध्यान दिनुहोला ।

प्रकाशित मिति: मंगलबार, पुस २७, २०७८