आजको राशिफल, वि.सं. २०७८ साल पौष २७ गते मंगलबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल पौष २७ गते मंगलबार

ज्यो. गंगासागर उपाध्याय सोमबार, पुस २६, २०७८

वि.सं. २०७८ साल पौष २७ गते मंगलबार, तदनुसार ई.सं. २०२२ जनवरी ११ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार पौषशुक्लपक्षको नवमी तिथि वेलुका ५:१५ बजेसम्म, त्यसपछि दशमी रहनेछ ।
नक्षत्र : अश्विनी दिवा २:२५ बजेसम्म, त्यसपछि भरणी रहनेछ ।
विष्कुंभादी योग : सिद्ध दिवा २:२४ बजेसम्म, त्यसपछि साध्य रहनेछ ।
आनन्दादी योग : अमृत ।
करण : तैतिल मध्यरात्रि पछि ५:५७ बजेसम्म, त्यसपछि वणिक् रहनेछ ।
श्रीसूर्य : धनु राशिमा, चन्द्रमा : मेष राशिमा अहोरात्र व्याप्त रहनेछ ।
सूर्याेदय : ६:५८ बजे, सूर्यास्त : बेलुका ५:२६ बजे हुनेछ ।

(आज : पृथ्वी जयन्ती, राष्ट्रियएकता दिवस)

मेष :सम्मानजनक कार्य गरिनेछ । स्वास्थ्यमा सुधार एवं नयाँ जिम्मेवारी मिल्नेछ । अध्ययनमा रुचि बढ्नेछ । सकारात्मक सोच, विचारको उदय हुनेछ । व्यवसायमा समेत आयदर बढ्नाले खुसीयाली छाउनेछ । विशेष कार्यको निम्तो पाइनेछ । समग्रतामा आजको दिन सुधारोन्मुख रहनेछ ।

वृष : विपक्षीहरुले दु:ख दिने छन् । काम–काम भन्दा स्वास्थ कमजोर बन्नेछ, ध्यान दिनुहोला । खर्च भावको चन्द्रमा ग्रहका प्रभावले व्यर्थको कार्यमा भुल्दा महत्वपूर्ण कार्य भने ओझेलमा पर्नेछ । परिश्रम अनुसारको प्रतिफल नमिल्दा काम गर्ने जोश जाँगर घट्नेछ । संयम रहनुहोला ।

मिथुन : प्रीयजनसँगको रमाइलो यात्राको संभावना बलियो देखिन्छ । अघिदेखि उठ्न बाँकी रकमलाई पहल गर्दा उठाउन सकिनेछ । शुभ समाचार सुन्न पाइनेछ । इमान्दारीताको प्रशंसा मिल्नेछ ।सहज वातावरण बन्नाले नयाँ कार्यको थालनि गरिनेछ । व्यवसायबाट राम्रो आम्दानी हुनेछ ।

कर्कट : स्वास्थ्य अवस्था ठीकठाक नै रहला । नोकरीमा प्रशंसा एवं जिम्मेवारी बढ्नेछ । प्रशासनिक क्षेत्रका अपूरा कार्यले गति लिनेछन् । सृजनात्मक कार्यमा मन जानेछ । मान्यजनको साथ, सहयोग पाइनेछ । प्रभावकारी कार्यको आरम्भ हुनेछ । वहान सुख मिल्नेछ । खुसीयाली छाउनेछ ।

सिंह : धार्मिक सभा समारोहमा जुट्ने समय रहेको छ । टाढिएका आफन्तजनसँग मिलन हुनेछ । सोचेका कार्य एकाएक पूरा हुँदा हर्ष बढ्नेछ । अघिदेखिका समस्या हल भएर जानेछन् भने नयाँ कार्यको प्रस्ताव समेत आउने छन् । धन लाभ हुनेछ । समग्रमा समय शुभ नै रहने देखिन्छ ।

कन्या : आजको समय कमजोर रहेको छ । अल्छि गर्नाले महत्वपूर्ण अवसर फुत्कनेछ । सामाजिक कार्यबाट जश मिल्ने छैन । नयाँ कार्यको आरम्भले तनाब मात्र थपिनेछ । स्वास्थ्य कमजोर बन्नेछ । दैनिक कार्यमा समेत समस्या सृजना हुनेछ । कम बोल्ने र नियमित कृयाकलापमा नै व्यस्थ रहनु उचित हुनेछ ।

तुला : विपरीत लिंगिको सहयोगले काम बन्नेछ । मानसिक क्षमताको बृद्धिविकास हुनेछ ।सामान्य प्रयासले नै लक्ष्यमा पुग्न सकिनेछ । मन मिल्ने व्यक्तिसँगको रमाइलो जमघट हुनेछ । मनोरञ्जनात्मक कार्यमा सहभागी भइनेछ । समग्रमा दिन हर्षाेल्लास पूर्वक वित्ने देखिन्छ ।

बृश्चिक : पहिला गरेको दु:खको फल मिल्नेछ । तनाबदायी कार्यको नेतृत्व गर्नु परेता पनि अग्रजको साथ सहयोग मिल्दा सफलता मिल्नेछ । व्यवसायमा गरेको लगानीले दिगोरुपमा फाइदा लिन सकिनेछ । घरायसी समस्या हल भएर जानेछ । शत्रूपक्ष कमजोर बन्दा काम गर्ने वातावरण बन्नेछ ।

धनु : बौद्धिक कलाको प्रशंसा हुनेछ । पारिवारिक सहयोग मिल्नेछ ।स्वास्थ्य सामान्य बन्दै जानेछ । विवादित कार्यलाई मेलमिलापको वातावरणद्वारा सुल्झाउन सकिनेछ । नोकरीमा भने अन्योलता छाउने देखिन्छ । अरुको लहैलहैमा नलागि इमान्दारीता पूर्वक जिम्मेवारी पूर्ण गर्नुहोला ।

मकर : शारीरिक कमजोरीले कार्य गर्न मन लाग्ने छैन । जिम्मा लिएका कार्यलाई समयमा पूर्ण गर्न नसक्दा भनाई खानु पर्नेछ । विपक्षीको प्रलोभनमा पर्दा समस्यामा परिनेछ । नयाँ कार्यको आरम्भ गर्दा अन्योलता छाउनेछ । अशान्तिपनको अनुभूति हुनेछ । मातृपक्षको सहयोगले अघि बढ्नुहोला ।

कुम्भ : साथीभाइसँगको रमाइलो भ्रमणको योग बनेको छ । कृषि एवं पशुपालन क्षेत्रबाट अपेक्षित लाभांश मिल्दा हर्ष बढ्नेछ । मांगलिक कार्यको निम्तो पाइनेछ । मनमा शान्ति एवं शरीररमा कान्ति छाउने समय रहेको छ । साझेदारी कार्यबाट आफ्नो पक्षमा बढी लाभांश मिल्ने देखिन्छ ।

मीन : बोलिकै भरमा काम बन्नेछ । अचल सम्पत्तिमा गरेको लगानीले दिगो रुपमा फाइदा लिन पाइनेछ । आकस्मिक लाभको योग बनेको छ । सानातिना समस्यामा नआत्तिनु होला । कामको सिलसिलामा छोटो रमाइलो यात्राको अवसर जुट्नेछ । धेरैको मनमा बस्न सकिनेछ ।

प्रकाशित मिति: सोमबार, पुस २६, २०७८