आजको राशिफल, वि.सं. २०७८ साल पौष २६ गते सोमबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल पौष २६ गते सोमबार

ज्यो. गंगासागर उपाध्याय आइतबार, पुस २५, २०७८

वि.सं. २०७८ साल पौष २६ गते सोमबार, तदनुसार ई.सं. २०२२ जनवरी १० तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार पौषशुक्लपक्षको अष्टमी तिथि वेलुका ४:१४ बजेसम्म, त्यसपछि नवमी रहनेछ ।
नक्षत्र : रेवती दिवा १२:५६ बजेसम्म, त्यसपछि अश्विनी रहनेछ ।
विष्कुंभादी योग : शिव दिवा २:४९ बजेसम्म, त्यसपछि सिद्ध रहनेछ ।
आनन्दादी योग : मातड्ड ।
करण : बालव वेलुका ४:४१ बजेसम्म, त्यसपछि तैतिल रहनेछ ।
श्रीसूर्य : धनु राशिमा, चन्द्रमा : मीन राशिमा दिवा १२:५६ बजेसम्म रहनेछ ।
सूर्याेदय : ६:५८ बजे, सूर्यास्त : बेलुका ५:२५ बजे हुनेछ ।

(आज : अष्टमीव्रत, गोरखकालीपूजा)
(भोलि : पृथ्वी जयन्ती, राष्ट्रियएकता दिवस)

मेष : दिनको पूर्वार्धको समय केही झन्झटिलो रहनेछ । अनावश्यक कार्यमा अल्झनु पर्नेछ । मध्यान्ह पछिको समयमा आकस्मिक लाभ, स्वास्थ्यमा सुधार समेत हुनेछ । बोली, बचनमा मिठासता आउनेछ । हर्ष बढ्नेछ ।

वृष : आर्थिक पक्षमा उन्नति हुनेछ । ठूलो अवसर मिल्नेछ । तर मध्यान्ह पछि एक्कासी स्वास्थ्यमा समस्या सृजना हुनेछ । खर्चभार ज्यादा हुँदा आर्थिक तालमेल मिलाउन गाह्रो पर्नेछ । चिन्ता, पीरले सताउनेछ ।

मिथुन : ठूला व्यक्तिसँग सहकार्य गर्ने अवसर मिल्नेछ । शैक्षिक क्षेत्रमा उन्नति प्रगति हुनेछ । विश्वासको पात्र बनिनेछ । व्यापार व्यवसायबाट समेत छोटो समयमा धेरै लाभ लिन सकिने समय रहेको देखिन्छ ।

कर्कट : पूर्वार्धमा सामान्य समस्याको सामना गर्नुपरेता पनि उत्तरार्धमा नयाँ अवसर मिल्नेछ । स्वास्थ्यमा सुधार हुनेछ । कार्य क्षेत्रमा नयाँ सम्भावनाहरु देखापर्ने छन् । सोच्न सक्ने क्षमताको विकास हुनेछ ।

सिंह : विश्वास गरेका व्यक्तिहरुले धोका दिने छन् । आफन्तजनसँग टाढिनु पर्नेछ । शैक्षिक उपलब्धिमा ह्रास आउनेछ । उत्तरार्धको समयमा भने केही सुधारको संकेत देखिन्छ । नयाँ जिम्मेवारी मिल्नेछ ।

कन्या : आत्मियजनसँगको रमाइलो यात्रा हुनेछ । नेतृत्वदायी कार्यको जिम्मेवारी मिल्नेछ । प्रेम प्रस्ताव नआउला भन्न सकिन्न । तर मध्यान्ह पछि दैनिक कार्यमा समेत विघ्न बाधा आउने छन् । सतर्क रहनु होला ।

तुला : विपक्षीलाई पनि मिलाएर अघि बढ्न सकिनेछ । सहमति एवं सहकार्यको वातावरण बन्नेछ । सामान्य मिहिनेतले नै लक्ष्यमा पुग्न सकिनेछ । सामजिक प्रतिष्ठा थपिनेछ । अर्थाेपार्जनका कार्यमा समय वित्नेछ ।

बृश्चिक : पूर्वार्धमा अल्छि गर्ने बानिका कराण विशेष अवसर गुम्नेछ, अल्लि जागरुक हुनुपर्नेछ । दिनको पछिल्लो समय शुभ रहनेछ । मित्र मिलन हुनेछ । सामाजिक पद प्रतिष्ठा समेत पाइनेछ । शुभ खबर सुन्न पाइनेछ ।

धनु : वेकाममा समय वित्नेछ भने गर्नैपर्ने कार्यमा ध्यान पुग्ने छैन । शारीरिक आलस्यताले सताउनेछ । धेरै परिश्रम गरेता पनि न्यून उपलब्धिमा नै चित्त बुझाउनु पर्नेछ । बेलुकी पख स्वास्थ्यमा सुधार भएर जानेछ ।

मकर : अघिदेखिका समस्यालाई साथीभाईको सहयोगमा पहल गर्दा सुल्झने छन् । मनोरञ्जनात्मक समारोहमा सहभागी हुने अवसर समेत मिल्नेछ । तर मध्यान्ह पछि अनावश्यक विवादमा परिनेछ । नैराश्यता छाउनेछ ।

कुम्भ : नयाँ प्रस्तावहरु आउनेछन् । तपाईँको काम गर्ने कलाले समाजमा बेग्लै तरंग पैदा गर्नेछ । सकारात्मक सोच विचार रहनेछ । कृषि एवं बन्दव्यापारबाट सोचे अनुरुप लाभ उठाउन सक्दा काम गर्ने हौसला बढ्नेछ ।

मीन : पूर्वार्धको समय व्यर्थको कार्यमा नै वित्नेछ । गोपनीयता बाहिरीँदा समस्या आउनेछ । तर मध्यान्ह पछि अनुकूलको वातावरण बन्नेछ । पारिवरिक सहयोग पाइनेछ । आर्थिक पक्षमा समेत सुधार हुनेछ ।

प्रकाशित मिति: आइतबार, पुस २५, २०७८