मन्त्रिपरिषद् विस्तारअघि दर्जन सचिवको सरुवा

राजनीति

गृहपृष्ठ
राजनीति

मन्त्रिपरिषद् विस्तारअघि दर्जन सचिवको सरुवा

सोमबार, साउन २५, २०७८

सरकारले गृह मन्त्रालयका सचिव महेश्वर न्यौपानेलाई प्रधानमन्त्रीको कार्यालयमा सरुवा गरी भूमि सुधार मन्त्रालयका सचिव टेकनारायण पाण्डेलाई गृह सचिव बनाएको छ । भूमिसुधार सचिवमा गणेश पाण्डेलाई ल्याइएको छ ।

मन्त्रिपरिषदको सोमबारको बैठकले एक दर्जन सचिवको सरुवा गरेको मन्त्रिपरिषद स्रोतले बताएको हो ।

सञ्चार मन्त्रालयमा रिक्त सचिवमा प्रधानमन्त्रीको कार्यालयका डा. बैकुण्ठ अर्याललाई सरुवा गरिएको छ । प्राकृतिक स्रोत तथा वित्त आयोगका सचिव बेगेन्द्रराज शर्मा पौड्याललाई रक्षा सचिव बनाइएको छ । उर्जा आयोगका सचिव सागरकुमार राईलाई उर्जा मन्त्रालयमा सरुवा गरिएको छ ।

त्यसैगरी ४ वटा प्रदेशको प्रमुख सचिवमा पनि हेरफेर गरिएको छ । प्रदेश नं नं. १ मा रामप्रसाद घिमिरे, प्रदेश नं. २ मा हरिप्रसाद मैनाली, वागमतीमा किरणराज शर्मा र गण्डकीमा कृष्णहरि पुष्करलाई पठाइएको छ ।

प्राकृतिक स्रोत तथा वित्त आयोगमा गोकर्णमणि दुवाडी, महालेखा नियन्त्रकमा सुमनराज अर्याललाई सरुवा गरिएको छ । विगतमा ओली सरकारले कम महत्वपूर्ण ठाउँमा राखेकाहरुलाई बढी महत्वपूर्ण जिम्मेवारी दिएर सरुवा गरिएको हो । देशको ढुकुटीको प्रमुख (ट्रेजरी) मानिने अर्थ सचिवको केही दिनअघि नै फेरबदल भैसकेको छ ।

अर्थ, गृह, संचार र रक्षा लगायत महत्वपूर्ण मन्त्रालयका सचिव फेरिइसकेपनि भौतिक योजना लगायत प्रमुख विकासे मन्त्रालयमा हेरफेर हुन बाँकी रहेको एक मन्त्रीले जानकारी दिएका छन् ।

प्रकाशित मिति: सोमबार, साउन २५, २०७८

प्रतिक्रिया दिनुहोस्