खोप लगाउनु पर्ने प्रावधानको विरोधमा फ्रान्समा व्यापक प्रदर्शन

विश्वजगत्

गृहपृष्ठ
विश्वजगत्

खोप लगाउनु पर्ने प्रावधानको विरोधमा फ्रान्समा व्यापक प्रदर्शन

एजेन्सी आइतबार, पुस २५, २०७८

पश्चिम युरोपेली देशहरूमा कोभिड विरुद्धको खोप लगाउनु पर्ने सरकारी निर्णयको विरोधमा मानिसहरू सडकमा उत्रिएर प्रदर्शन गरिरहेका छन् ।

त्यसमध्ये फ्रान्समा शनिबार करिव १ लाख मानिसले सडकमा प्रदर्शन गरेका छन् । उनीहरूले सरकारको कदमबाट खोप नलगाउने मानिसहरूको अधिकार हनन भएको दावी गरिरहेका छन् ।

खोप लगाइसकेको प्रमाणबिना रेष्टुरेन्टहरूमा गएर खान, सहरका रेलहरूमा यात्रा गर्न तथा सांस्कृतिक कार्यक्रमहरूमा सम्लग्न हुन नपाइने प्रावधान सहितको विधेयक सरकाले अघि बढाएपछि त्यसको विरोध भएको हो । सो विधेयकलाई संसदको तल्लो सदनले गत बिहीबार पारित गरेको थियो ।

फ्रेन्च सरकारले सो विधेयक दुवै सदनबाट पारित गरी यही जनबरी १५ तारिखसम्ममा कानुनको रूपमा लागु गर्ने तयारी गरेको छ । तर माथिल्लो सदन सिनेटले यसमा विलम्ब गर्न सक्ने अवस्था पनि छ ।

यसैगरी खोप नलगाउनेहरूका लागि यस्ता प्रतिबन्धहरू लागाइने छ कि उनीहरू बााध्य भएर खोप लगाउन आउने छन् भन्ने राष्ट्रपति इमानुअल माक्रोँको भनाइप्रति प्रदर्शनकारीहरूले कडा रोष व्यक्त गरेका थिए ।

प्रदर्शनकारीहरू धेरैले मास्कसम्म पनि लगाएका थिएनन् । उनीहरू वर्षा र हिमपातको समेत परवाह नगरी "सत्य" "स्वतन्त्रता" जास्ता नरा लेखिएका प्ले-कार्ड बोकेर प्रदर्शनमा जुटेका थिए ।

शनिबारको प्रदर्शनमा देशभरमा गरी १ लाख ५ हजार २०० मानिस सम्लग्न भएको फ्रान्सको आन्तरिक मामिला मन्त्रालयले जनाएको छ । जसमध्ये राजधनी पेरिसमा प्रदर्शन गर्नेहरूको संख्या करिव १८ हजार थियो ।

फ्रान्समा शुक्रबार एकै दिन ३ लाख जनामा कोभिडको नयाँ सङ्क्रमण पुष्टि भएको थियो ।

प्रकाशित मिति: आइतबार, पुस २५, २०७८

प्रतिक्रिया दिनुहोस्