नेपालसँग उज्वेकिस्तान पराजित, नेपाली महिला टिम बन्यो एभीसी सेन्ट्रल जोन च्याम्पियन

खेल

गृहपृष्ठ
खेल

नेपालसँग उज्वेकिस्तान पराजित, नेपाली महिला टिम बन्यो एभीसी सेन्ट्रल जोन च्याम्पियन

समाचारदाता मंगलबार, पुस १३, २०७८

नेपाली राष्ट्रिय महिला भलिबल टोलीले एभीसी सेन्ट्रल एसियन सिनियर पुरुष तथा महिला च्यालेन्ज कपको महिलातर्फको उपाधि जितेको छ ।

मङ्गलबार बंगलादेशको ढाकामा सम्पन्न फाइनल खेलमा नेपाली महिला टोलीले उज्वेकिस्तानलाई ३-२ को सेटमा हराएर उपाधि जितेको हो । योसँगै नेपाली महिला भलिबल टोली लगातार दोस्रो पटक सो उपाधि जित्न सफल भएको छ ।

प्रतियोगितामा बलियो मानिएको उज्वेकिस्तानलाई नेपालले समूह चरणमा नै सोझो सेटमा हराएको थियो । तर फाइनलमा सुरुवाती सेटबाटै आक्रामक देखिएको उज्वेकिस्तानले नेपालसामू कडा चुनौती प्रस्तुत गरेको थियो ।

रोमाञ्चक बनेको खेलमा नेपालले पहिलो सेट २६-२४ ले आफ्नो पारेपनि दोस्रो सेट उज्वेकिस्तानले २४-२६ ले जित्यो ।

साविक विजेतासमेत रहेको नेपालले तेस्रो सेट २५-१५ को फराकिलो अङ्कको अन्तरमा आफ्नो बनाए पनि चौथो सेट २२-२५ ले उज्वेकिस्तानले जित्यो ।

अन्तिम तथा निर्णायक सेट नेपालले १५-११ ले जित्यो ।

उज्वेकिस्तानविरुद्वको खेलमा प्रशिक्षक भट्टले पहिलो रोजाइमा सरस्वती चौधरी, प्रतिभा प्रतिभा माली, कप्तान अरुणा शाही, सलिना श्रेष्ठ, सुनिता खड्का र शान्ती थारूलाई कोर्टमा उतारेका थिए ।

यसअघि नेपालले समूह चरणमा उज्वेकिस्तानलाई २५-२०, २५-२३ र २५-१४ को सोझो सेटमा हराउँदै एक खेल अगावै फाइनलमा स्थान बनाइसकेको थियो ।

नेपाली महिला टोलीले दुई वर्षअघि बंगलादेशमा नै भएको एभीसी सेन्ट्रल जोनको पहिलो संस्करणको फाइनलमा माल्दिभ्समाथि ३-० को जित निकाल्दै कीर्तिमानी उपाधि हात पारेको थियो ।

प्रकाशित मिति: मंगलबार, पुस १३, २०७८

प्रतिक्रिया दिनुहोस्