आजको राशिफल, वि.सं. २०७८ साल मंसिर २८ गते मंगलबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल मंसिर २८ गते मंगलबार

ज्याे. गंगासागर उपाध्याय मंगलबार, मंसिर २८, २०७८

वि.सं. २०७८ साल मंसिर २८ गते मंगलबार, तदनुसार ई.सं. २०२१ डिसेम्बर १४ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार मार्गशीर्षशुक्लपक्षको एकादशी तिथि रात्रि १:३५ बजेसम्म, त्यसपछि द्वादशी रहनेछ ।
नक्षत्र : अश्विनी अहोरात्र व्याप्त रहनेछ ।
विष्कुंभादी योग : वरीयान् पूर्वान्ह ९:३६ बजेसम्म, त्यसपछि परिघ रहनेछ ।
आनन्दादी योग : अमृत ।
करण : वणिक् दिवा १:०१ बजेसम्म, त्यसपछि बव रहनेछ ।
श्रीसूर्य : बृश्चिक राशिमा, चन्द्रमा : मेष राशिमा अहोरात्र व्याप्त रहनेछ ।
सूर्याेदय : ६:४८ बजे, सूर्यास्त : बेलुका ५:०९ बजे ।

(आज : मोक्षदा एकादशीव्रत, गीताजयन्ती)

मेष : सकारात्मक सोच, विचारको उदय हुनेछ । व्यवसायमा समेत आयदर बढ्नाले खुसीयाली छाउनेछ । सम्मानजनक कार्य गरिनेछ । अध्ययनमा रुचि बढ्नेछ । स्वास्थ्यमा र नोकरी क्षेत्रमा भने प्रतिकुलता होला ।

वृष : परिश्रम अनुसारको प्रतिफल नमिल्दा काम गर्ने जोश जाँगर घट्नेछ । काम–काम भन्दा स्वास्थ कमजोर बन्नेछ, ध्यान दिनुहोला । व्यर्थको कार्यमा भुल्दा महत्वपूर्ण कार्य भने ओझेलमा पर्नेछ । विपक्षीहरुले दु:ख दिने छन् ।

मिथुन : अघिदेखि उठ्न बाँकी रकमलाई पहल गर्दा उठाउन सकिनेछ । शुभ समाचार सुन्न पाइनेछ । सहज वातावरण बन्नाले नयाँ कार्यको थालनि गरिनेछ । इमान्दारीताको प्रशंसा मिल्नेछ । व्यवसायबाट राम्रो आम्दानी हुनेछ ।

कर्कट : मान्यजनको साथ, सहयोग पाइनेछ । प्रभावकारी कार्यको आरम्भ हुनेछ । स्वास्थ्य ठीकठाक नै रहला । नोकरीमा प्रशंसा एवं जिम्मेवारी बढ्नेछ । सृजनात्मक कार्यमा मन जानेछ । वहान सुख मिल्नेछ ।

सिंह : टाढिएका आफन्तजनसँग मिलन हुनेछ । सोचेका कार्य एकाएक पूरा हुँदा हर्ष बढ्नेछ । अघिदेखिका समस्या हल भएर जानेछन् भने नयाँ कार्यको प्रस्ताव समेत आउने छन् । धन लाभ हुनेछ । धार्मिक आस्था जाग्नेछ ।

कन्या : नयाँ कार्यको आरम्भले तनाब मात्र थपिनेछ । अल्छि गर्नाले महत्वपूर्ण अवसर फुत्कनेछ । सामाजिक कार्यबाट जश मिल्ने छैन । स्वास्थ्य कमजोर बन्नेछ । दैनिक कार्यमा समेत समस्या सृजना हुनेछ ।

तुला : विपरीत लिंगिको सहयोग मिल्नेछ । सामान्य प्रयासले नै लक्ष्यमा पुग्न सकिनेछ । मन मिल्ने व्यक्तिसँगको रमाइलो जमघट हुनेछ । मनोरञ्जनात्मक कार्यमा सहभागी भइनेछ । मानसिक क्षमताको बृद्धिविकास हुनेछ ।

बृश्चिक : व्यवसायमा गरेको लगानिले दिगोरुपमा फाइदा लिन सकिनेछ । दु:खको फल मिलनेछ । घरायसी समस्या हल भएर जानेछ । तनाबदायी कार्यको नेतृत्व गर्नु परेता पनि अग्रजको साथ सहयोग मिल्दा सफलता मिल्नेछ ।

धनु : बौद्धिक कलाको प्रशंसा हुनेछ । स्वास्थ्य सामान्य बन्दै जानेछ । विवादित कार्यलाई मेलमिलापको वातावरणद्वारा सुल्झाउन सकिनेछ । पारिवारिक सहयोग मिल्नेछ । नोकरीमा भने अन्योलता छाउने देखिन्छ ।

मकर : शारीरिक कमजोरीले कार्य गर्न मन लाग्ने छैन । विपक्षीको प्रलोभनमा पर्दा समस्यामा परिनेछ । जिम्मा लिएका कार्यलाई समयमा पूर्ण गर्न नसक्दा भनाई खानु पर्नेछ । कम बोल्ने र दैनिकीमा व्यस्थ रहनु उचित हुनेछ ।

कुम्भ : मांगलिक कार्यको निम्तो पाइनेछ । मनमा शान्ति एवं शरीररमा कान्ति छाउने समय रहेको छ । साथीभाइसँगको रमाइलो भ्रमणको योग बनेको छ । कृषि क्षेत्रबाट अपेक्षित लाभांश मिल्दा हर्ष बढ्नेछ ।

मीन : अचल सम्पत्तिमा गरेको लगानिले दिगो रुपमा फाइदा लिन पाइनेछ । आकस्मिक लाभको योग बनेको छ । सानातिना समस्यामा नआत्तिनु होला । बोलिकै भरमा काम बन्नेछ । अल्छिपना त्यागेर अघि बढ्नुहोला ।

प्रकाशित मिति: मंगलबार, मंसिर २८, २०७८