आजको राशिफल, वि.सं. २०७८ साल मंसिर २७ गते सोमबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल मंसिर २७ गते सोमबार

ज्याे. गंगासागर उपाध्याय आइतबार, मंसिर २६, २०७८

वि.सं. २०७८ साल मंसिर २७ गते सोमबार, तदनुसार ई.सं. २०२१ डिसेम्बर १३ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार मार्गशीर्षशुक्लपक्षको दशमी तिथि रात्रि १२:३६ बजेसम्म, त्यसपछि एकादशी रहनेछ ।
नक्षत्र : रेवती मध्यरात्रि पछि ५:२७ बजेसम्म, त्यसपछि अश्विनी रहनेछ ।
विष्कुंभादी योग : व्याघात पूर्वान्ह १०:१६ बजेसम्म, त्यसपछि वरीयान् रहनेछ ।
आनन्दादी योग : मातङ्ग ।
करण : तैतिल दिवा १२:१८ बजेसम्म, त्यसपछि वणिक् रहनेछ ।
श्रीसूर्य : बृश्चिक राशिमा, चन्द्रमा : मीन राशिमा मध्यरात्रि पछि ५:२७ बजेसम्म रहनेछ ।
सूर्याेदय : ६:४७ बजे, सूर्यास्त : बेलुका ५:०८ बजे ।

(भोलि : मोक्षदा एकादशीव्रत, गीताजयन्ती)

मेष : गोपनीयता बाहिरिँदा समस्यामा परिनेछ । व्यर्थको कार्यमा समय वित्नेछ । अरुले गरेको कार्यको अपजस तपाईँलाई आउनेछ । संचित धन खर्च हुनेछ । हतारमा निर्णय नलिई अग्रजको सल्लाहमा कार्य गर्नुहोला ।

वृष : लामो समय देखि रोकिएका वित्तीय कारोवारलाई अघि बढाउन सकिनेछ । बन्दव्यापारबाट मनग्य नाफा कमाइनेछ । सहमतिद्वारा समस्यालाई सुल्झाइनेछ । समर्थकहरुको सर–सहयोग उचित रुपमा पाइनेछ ।

मिथुन : गरेका काम कार्यबाट सन्तोष मिल्नेछ । व्यापार एवं पशुपानबाट मनग्य नाफा कमाइनेछ । शारीरिक स्फूर्ति कायमै रहला । अवसरहरुले पछ्याउने छन् । दिन उन्नतिकारक रहनेछ । हर्षको खबर मिल्नेछ ।

कर्कट : कलात्मक कार्यमा मन रमाउनेछ । विशिष्ट व्यक्तिसँग सहकार्य गर्न पाइनेछ । कार्यशैली प्रभावकारी रहँदा नयाँ जिम्मेवारी मिल्नेछ । उत्साह उमंग छाउनेछ । सामाजिक कार्यमा विशेष चासो रहनेछ ।

सिंह : स्वास्थ्य कमजोर बन्नेछ । अवसर हुँदाहुँदै विकल्प रोज्दा समस्यामा परिनेछ । आकस्मिक निर्णय लिँदा पछि पछुताउनु पर्ला, पूर्व तयारी गरेर कार्य गर्नुहोला । बाध्यताका झन्झटिला काम कार्यमा जुट्नु पर्नेछ ।

कन्या : आँटेका कार्यहरु एकाएक पूरा हुँदा मन प्रफुल्लित बन्नेछ । उच्च ओहदाका व्यक्तिसँग मित्रता गाँसिनेछ । मन मिल्ने व्यक्तिसँगको आकस्मिक रमाइलो यात्रा हुनेछ । गरेका कार्यबाट आत्मसन्तोष मिल्ने मिल्नेछ ।

तुला : केही झन्झट आइलागेता पनि जीत पाईँकै हुनेछ, नआत्तिनु होला । प्रयत्न गर्दा अपूरा कार्यलाई पूर्णता दिन सकिनेछ । परिश्रम अनुसारको प्रतिफल पाइनेछ । जिम्मेवारीको उचित रुपमा वहन गर्न सकिनेछ ।

बृश्चिक : सन्तानको उन्नतिमा रमाइनेछ । आफन्तजनसँग रमाइलो यात्रा हुनेछ । कलात्मक कार्यमा मन जानेछ । प्रतिक्षित नतिजा राम्रो आउँदा प्रफुल्लित भइनेछ । शैक्षिक क्षेत्रमा विशेष उन्नति प्रगति हुने देखिन्छ ।

धनु : धेरै परिश्रम गर्दा पनि जस मिल्ने छैन । नजिकका व्यक्तिसँगनै वादविवाद हुनेछ । सरसामान हराउने वा चोरी हुने संभावना रहेको छ, सतर्क रहनुहोला । अरुको लहैलहैमा हचुवाको भरमा लगानि गर्दा रकम डुब्नेछ ।

मकर : व्यवसायमा सामान्य लगानिबाट नै अनपेक्षित लाभ मिल्नेछ । श्रममार्गमा लाग्ने व्यक्तिहरुका लागि नयाँ अवसर मिल्नेछ । व्यक्तित्व विकासको समय रहको छ । बन्धुवान्धवको सहयोगले कार्य बन्नेछन् ।

कुम्भ : दोधारमा निर्णय लिन नसकेता पनि पुन: अवसर प्राप्त हुनेछ । खुसीयालीपन छाउनेछ । आकस्मिक धन लाभको योग बनेको छ । सामान्य कार्यमा भुल्ने समय छैन, नयाँ योजना बनाएर अघि बढ्नुहोला ।

मीन : गरेको लगानीबाट दिगो रुपमा फाइदा मिल्नेछ । ठूला व्यक्तिको विश्वासको पात्र बनिनेछ । सकारात्मक सोच विचार रहनेछ । विशेष समारोहमा अतिथिको सत्कार मिल्नेछ । अलमलमा नपरी कार्यमा लाग्नुहोला ।

प्रकाशित मिति: आइतबार, मंसिर २६, २०७८