आजको राशिफल, वि.सं. २०७८ साल मंसिर २६ गते आइतबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल मंसिर २६ गते आइतबार

ज्याे. गंगासागर उपाध्याय शनिबार, मंसिर २५, २०७८

वि.सं. २०७८ साल मंसिर २६ गते आइतबार, तदनुसार ई.सं. २०२१ डिसेम्बर १२ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार मार्गशीर्षशुक्लपक्षको नवमी तिथि रात्रि १२:०८ बजेसम्म, त्यसपछि दशमी रहनेछ ।
नक्षत्र : उत्तरभाद्रपदा मध्यरात्रि पछि ४:२१ बजेसम्म, त्यसपछि रेवती रहनेछ ।
विष्कुंभादी योग : सिद्ध पूर्वान्ह ११:२० बजेसम्म, त्यसपछि व्याघात रहनेछ ।
आनन्दादी योग : स्थिर ।
करण : बालव दिवा १२:०५ बजेसम्म, त्यसपछि तैतिल रहनेछ ।
श्रीसूर्य : बृश्चिक राशिमा, चन्द्रमा : मीन राशिमा अहोरात्र व्याप्त रहनेछ ।
सूर्याेदय : ६:४६ बजे, सूर्यास्त : बेलुका ५:०८ बजे ।

मेष : खर्चभार बढ्दा आर्थिक तालमेल मिलाउन गाह्रो पर्नेछ । स्वास्थ्यमा एक्कासी समस्या देखिन सक्छ, खानपानमा विचार पुर्‍याउनु होला । अनावश्यक कार्यमा भुल्दा महत्वपूर्ण अवसर गुम्नेछ ।संयम रहनु होला ।

वृष : धेरै व्यक्तिको प्रशंसाको पात्र बनिनेछ । पढाइमा चासो रहनेछ । व्यापार व्यवसायमा नयाँ ज्ञान तथा सिपको प्रयोगले गर्दा आयदर बढाउन सकिनेछ । पारिवारिक सहयोगले गर्दा महत्वपूर्ण कार्यमा सफल भइनेछ ।

मिथुन : मान्यजनसँग सहकार्य गर्ने अवसर मिल्दा खुसी लाग्नेछ । कर्म क्षेत्रमा नयाँ अवसर मिल्नेछ । सानो प्रयासले नै ठूला कार्य बन्नेछन् । मायाप्रेमको बन्धन कसिलो बन्नेछ । सकारात्मक सोच विचारको उदय हुनेछ ।

कर्कट : सकारात्मक सोच विचार आउनेछ । ढिलै भए पनि परिश्रमको मूल्यांकन पाइनेछ । धार्मिक यात्राको संभावना देखिन्छ । स्वास्थ्य सामान्य बन्दै जानेछ ।समग्रमा दिन सुधारोन्मुख रहने देखिन्छ ।

सिंह : मनमा शंका उपशंका उब्जनाले कार्य गर्न गाह्रो पर्नेछ । आफ्ना लागि भन्दा अरुका काम व्यवहारमा खट्नु पर्नेछ । अरुको विश्वासमा पर्दा महत्वपूर्ण अवसरमा पछि परिनेछ । नयाँ संझौताले झन् तनाब थपिनेछ ।

कन्या : महत्वपूर्ण कार्यको जिम्मेवारी मिल्नेछ । आर्थिक पक्ष मजबुत बन्नेछ । काम गरेर धैरै व्यक्तिलाई आकर्षित गर्न सकिनेछ । प्रीयजनसँगको रमाइलो पल बित्नेछ । सहमति र सहकार्यको भावना जागृत हुनेछ ।

तुला : आर्थिक पक्ष मजबुत रहँदा नयाँ लगानि गरिनेछ । आश मारेको धनरकम हात पर्नेछ । छैटौं भावको चन्द्रमा ग्रहले सामान्य अन्योलको वातावरण बनाउन सक्छ, मान्यजनको सल्लाहमा अघि बढ्नु होला ।

बृश्चिक : काम गर्ने वातावरण बन्नेछ । सोचे अनुरुप काम कार्य बन्दा आनन्द लाग्नेछ । इमान्दारीताको पात्र बनिनेछ । स्वास्थ्यमा सुधार हुनेछ भने टाढिएका बन्धुवान्धवसँगको सम्बन्धमा सुधार आउनेछ ।

धनु : धन भएर पनि सही स्थानमा लगानि गर्न सकिने छैन । कठोर बोलि व्यवहारका कारण बन्नै आँटेका कार्य समेत विग्रने छन् । असहज वातावरण बन्नाले दैनिक कामकाजमा समेत बाधा अड्चन आउने छन् ।

मकर : खुसीको खबर मिल्नेछ । दाजुभाइको सहयोगले महत्वपूर्ण कार्य बन्नेछ । मेलमिलापको भावना जागृत हुनेछ । पराक्रम भावको चन्द्रमा ग्रहका प्रभावले यश, कृति बढ्नेछ । परिश्रमको उचित मूल्यांकन पाइनेछ ।

कुम्भ : परिश्रम बढी गर्नु परेता पनि उचित मूल्यांकन मिल्दा जोश जाँगर थपिनेछ । सामाजिक कार्यमा जागृत भइनेछ । व्यवसायबाट आर्जित रकमले सन्तुष्टि मिल्नेछ । शारीरिक स्फुर्ति कायम रहनेछ । समय शुभ रहने देखिन्छ ।

मीन : ठूला व्यक्तिसँग नजिकिने अवसर मिल्नेछ । पूराना समस्यालाई हल गर्दै नयाँ संझौता गर्ने समय रहेको छ । विशिष्ट कार्यमा अतिथिको सत्कार पाइनेछ । घरायसी समस्या हल भएर जानेछ । प्रशंसकहरु थपिने छन् ।

प्रकाशित मिति: शनिबार, मंसिर २५, २०७८