वकिलहरुसँग ओलीको गुनासो : 'म प्रधानमन्त्री हुँदा प्रतिवादी भएर ५६ हजार सिग्नेचर गरेँ'

मुख्य समाचार

गृहपृष्ठ
मुख्य समाचार

वकिलहरुसँग ओलीको गुनासो : 'म प्रधानमन्त्री हुँदा प्रतिवादी भएर ५६ हजार सिग्नेचर गरेँ'

समाचारदाता मंगलबार, मंसिर २१, २०७८

नेकपा एमालेका अध्यक्ष केपी शर्मा ओलीले आफू प्रधानमन्त्री हुँदा अदालतमा मुद्दा हालेर काम गर्न नदिएको गुनासो गरेका छन् ।

आफ्नै निवास बालकोटमा कानुन व्यवसायीसँगको छलफलमा भूतपूर्व प्रधानमन्त्री ओलीले अदालतमा मुद्दा परिरहँदा आफ्नो कार्यकालमा प्रतिवादी बनेर ५६ हजार हस्ताक्षर गरेको सुनाए ।

'हरेक माइन्युट अदालत लिएर जान पर्ने, मुद्दा कस्तो भयो भने म प्रधानमन्त्री हुँदा ५६ हजार सिग्नेचर गरेँ । फिरादपत्र, प्रतिवादी, लिखित जवाफ दिँदाखेरी अदालतलाई ५६ हजार सिग्नेचर गरेँ । एउटा प्रधानमन्त्रीले ५६ हजार सिग्नेचर गर्नुपर्छ त्यो देशको समयको बर्बादी होइन ? एउटा कसैलाई लाग्छ, उसले प्रधानमन्त्रीलाई पनि विपक्षी बनाएर मुद्दा हालिदिने ?' उनले कानुन व्यवसायीलाई प्रश्न गरे ।

सुर्खेतमा खरदारले बदमासी गर्दा नेपाल सरकारविरुद्ध मुद्दा पर्ने यसमा पनि प्रधानमन्त्री पनि पर्छ भनेर सिग्नेचर गर्नुपर्ने अवस्था रहेको भन्दै ओलीले कानुनी प्रक्रियागत कुरा पनि सच्याउनुपर्ने अवस्था रहेको बताए । अदालत कसैप्रति जवाफदेही हुन नपर्ने ? भन्दै उनले प्रश्न गरे ।

'न मैले कुनै लेनदेन गरेको छु न कसैलाई बनाएको छु । मैले पनि सक्थें होला नि । कानुनले बनाउन पाउने मात्रै बनाएको कुरालाई पनि लगेर अदालतले रोकिदिने ?' उनले आक्रोश पोखे ।

उनले न्यायलय सुधारको कुरामा एमाले प्रतिबद्ध रहेको बताए । तर सबैले कमजोरीहरु सुधार्दै लानुपर्नेमा उनले जोड दिए । प्रधानन्यायाधीशलाई महाभियोग लगाउन अरु दल तयार भए एमाले बाधक नबन्ने ओलीले बताए ।

प्रकाशित मिति: मंगलबार, मंसिर २१, २०७८

प्रतिक्रिया दिनुहोस्