आजको राशिफल, वि.सं. २०७८ साल मंसिर १५ गते बुधबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल मंसिर १५ गते बुधबार

ज्याे. गंगासागर उपाध्याय मंगलबार, मंसिर १४, २०७८

वि.सं. २०७८ साल मंसिर १५ गते बुधबार, तदनुसार ई.सं. २०२१ डिसेम्बर १ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार मार्गशीर्षकृष्णपक्षको द्वादशी तिथि बेलुका ८:२० बजेसम्म, त्यसपछि त्रयोदशी रहनेछ ।
नक्षत्र : चित्रा वेलुका ४:१७ बजेसम्म, त्यसपछि स्वाती रहनेछ ।
विष्कुंभादी योग : सौभाग्य वेलुका ७:११ बजेसम्म, त्यसपछि शोभन रहनेछ ।
आनन्दादी योग : काल ।
करण : कौलव पूर्वान्ह ९:१३ बजेसम्म, त्यसपछि गर रहनेछ ।
श्रीसूर्य : बृश्चिक राशिमा, चन्द्रमा : तुला राशिमा अहोरात्र व्याप्त रहनेछ ।
सूर्याेदय : ६:३८ बजे, सूर्यास्त : बेलुका ५:०६ बजे ।

(भोलि : प्रदोषव्रत )

मेष : माया–प्रेमको गाँठो कसिलो बन्नेछ । मनोरञ्जनात्मक कार्यमा सहभागी भइनेछ । आर्थिक पक्षमा सुधार हुनेछ । सांगीतिक क्षेत्रमा रुचि बढ्नेछ । श्रृंगारिक कार्यमा ध्यान जानेछ । विशेष कार्यको नेतृत्व गर्न पाइनेछ ।

वृष : अघिदेखि उठ्न बाँकी रकमलाई पहल गर्दा उठाउन सकिनेछ । सानातिना समस्या आइलागेता पनि दृढ भएर अघि बढ्दा सफल नै भइनेछ । व्यवसायबाट अपेक्षित लाभ मिल्नेछ । नयाँ अवसर प्राप्त हुनेछ ।

मिथुन : पारिवारिक मेलमिलापको वातावरण बन्नेछ । सुखसुविस्ता उपभोग गर्न पाइनेछ । मनमा शान्तिको अनुभूति हुनेछ । सकारात्मक सोचाइ रहनेछ । स्वास्थ्यमा सुधार हुनेछ । धार्मिक कृत्यमा सहभागी भइनेछ ।

कर्कट : बोलिकै कारण बन्नै आँटेका कार्यले समेत विराम लिनेछन् । स्वास्थ्य कमजोर बन्नेछ । नजिकका व्यक्तिसँग नै विवादको स्थिति सृजना हुनेछ । चतुर्थ भावमा रहने चन्द्रमा ग्रहका प्रभावले कष्टको सामना गर्नु पर्नेछ ।

सिंह : सामाजिक कार्यबाट प्रशंसा मिल्नेछ । कृषि एवं श्रममार्गबाट उचित लाभ मिल्दा काम गर्ने हौसला थपिनेछ । व्यवस्थापन पक्ष सबल रहनेछ । दाजुभाईको सहयोगले कार्य बन्नेछन् । नयाँ मित्र बनाइनेछ ।

कन्या : घरमा नयाँ चहलपहल छाउनेछ । सामान्य कुरामा भुल्ने समय छैन । आफन्तजनसँगको भ्रमण होला । अचल सम्पत्तिमा गरेको लगानीले भविष्यसम्म लाभ लिन पाइनेछ । धन सञ्चयको वातावरण बन्नेछ ।

तुला : अध्ययनमा रुचि बढ्नेछ । पूराना समस्यालाई हल गर्दै अघि बढ्न सकिनेछ । नयाँ कार्य योजनाहरु रचिने छन् । विशिष्ट समारोहमा अतिथिको सत्कार पाइनेछ । मानसिक क्षमताको बृद्धि विकास हुनेछ ।

बृश्चिक : झमेला युक्त कार्यको नेतृत्व गर्नु पर्नेछ । मन हुँदाहुँदै पनि गरिरहेको कार्य छाड्नु पर्दा, नैराश्यता छाउनेछ । चिन्ता, पीरले सताउनेछ । आर्थिक लेनदेनमा विवाद बढ्नेछ । असन्तोषी प्रवृत्तिले सताउनेछ ।

धनु : आय मूलक कार्यमा चासो रहनेछ । नयाँ व्यवसायको सुरुवाति गर्ने समय रहेको छ । आस मारेको धन हात लाग्नेछ । विद्यार्थी वर्गका लागि समेत उन्नतिकारक समय रहेको छ । नयाँ प्रस्तावहरु आउने छन् ।

मकर : न्यायिक कार्यमा चासो रहनेछ । सहनशिलता र कृयाशिलताको बृद्धि विकास हुनेछ । मान्यजनसँग सहकार्य गर्ने अवसर मिल्नेछ । वहान सुख मिल्नेछ । आर्थिक उपलब्धि हुनेछ । कर्मभाव खुलेको छ ।

कुम्भ : दिन सुधारोन्मुख रहनेछ । आर्थिक पक्षमा सुधार हुनेछ । समस्याको निराकरणको उपाय रचिनेछ । सामान्य कार्यले नै लक्ष्यमा पुग्न सकिनेछ । हर्ष बढ्नेछ । शैक्षिक क्षेत्रमा उन्नतिको संकेत देखिन्छ ।

मीन : हचुवाको भरमा निर्णय लिँदा समस्यामा परिन सक्छ, सजक रहनु होला । व्यर्थको कार्यमा भुल्दा महत्वपूर्ण कार्यमा पछि परिनेछ । कठोर बोली व्यवहारका कारण मान्यजनसँग विवाद पर्नेछ । चिन्ता बढ्नेछ ।

प्रकाशित मिति: मंगलबार, मंसिर १४, २०७८