आजको राशिफल, वि.सं. २०७८ साल मंसिर १२ गते आइतबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल मंसिर १२ गते आइतबार

ज्याे. गंगासागर उपाध्याय आइतबार, मंसिर १२, २०७८

वि.सं. २०७८ साल मंसिर १२ गते आइतबार, तदनुसार ई.सं. २०२१ नोभेम्बर २८ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार मार्गशीर्षकृष्णपक्षको नवमी तिथि रात्रि १२:१८ बजेसम्म, त्यसपछि दशमी रहनेछ ।
नक्षत्र : पूर्वफाल्गुनी वेलुका ६:०३ बजेसम्म, त्यसपछि उत्तरफाल्गुनी रहनेछ ।
विष्कुंभादी योग : विष्कुंभ रात्रि २:०३ बजेसम्म, त्यसपछि प्रीति रहनेछ ।
आनन्दादी योग : छत्र ।
करण : तैतिल दिवा १२:३६ बजेसम्म, त्यसपछि वणिक् रहनेछ ।
श्रीसूर्य : बृश्चिक राशिमा, चन्द्रमा : सिंह राशिमा रात्रि १२:०३ बजेसम्म रहनेछ ।
सूर्याेदय : ६:३६ बजे, सूर्यास्त : बेलुका ५:०६ बजे ।

(भोलि : गुह्येश्वरीयात्रा)

मेष : आफन्तजनको सहयोगले कार्यलाई अघि बढाउँदा सफल भइनेछ । नोकरीमा प्रसंसा मिल्नेछ । अध्ययन–अध्यापन क्षेत्रमा सुधार हुनेछ । मानसिक क्षमताको विकास हुनेछ । स्वास्थ्यमा समेत क्रमिक सुधारको संकेत देखिन्छ ।

वृष : विवादित कार्यको नेतृत्व गर्नुपर्दा दिक्क लाग्नेछ । गोपनीयता बाहिरीँदा विपक्षीले स्थान पाउने छन् । ढिला सुस्तिका कारण विशेष अवसर फुत्कनेछ । आफन्तजनसँग नै विवाद पर्नेछ । दैनिक कार्यमा नै व्यस्थ रहनुहोला ।

मिथुन : मित्रजनको साथ सहयोगले गर्दा नयाँ कार्यको आरम्भ हुनेछ । शुभ खबर सुन्न पाइनेछ । व्यापार व्यवसायमा आयदर बढ्नेछ ।सुख सुविस्ताका साधनहरु जुट्ने छन् । कलात्मक कार्यमा मन रमाउनेछ ।

कर्कट : धार्मिक आस्था जागृत हुनेछ । थालेका कार्यले दिगो रुपमा लाभ दिनेछन् । आफन्तजनसँगको रमाइलो जमघट हुनेछ । बोलिकै भरमा काम बन्नेछन् । मांगलिक कार्यमा सहभागी भइनेछ ।

सिंह : मनोरञ्जनात्मक समारोहमा सहभागी हुने मौका मिल्नेछ । मनमा शान्ति एवं शरीरमा कान्ति छाउने समय रहेको छ । शत्रु पनि मेलमिलापमा आउँदा कार्य गर्न सहज हुनेछ । कला र गलाको प्रशंसा हुनेछ ।

कन्या : आयको तुलनामा व्ययभार बढ्नाले आर्थिक तालमेल मिलाउन गाह्रो पर्नेछ । सामान्य कार्यमा नै भुल्नाले महत्वपूर्ण कार्य ओझेलमा पर्नेछ । स्वास्थ्य समस्या यथावत् नै रहनेछ । जिद्दि गर्ने बानिले विवाद पर्नेछ ।

तुला : आकस्मिक रमाइलो यात्राको अवसर जुट्नेछ । नयाँ ठाउँको भ्रमणले नयाँ ज्ञान मिल्नेछ । कृतिप्रदायक कार्य गरिनेछ । परिश्रमको सही मुल्यांकन मिल्दा हौसला बढ्नेछ । पारिवारिक जमघटले मन फुरुंग बन्नेछ ।

बृश्चिक : पिताको सहयोगले अघि बढ्दा कार्यहरु सहज तवरले बन्नेछन् । सामाजिक कार्यबाट प्रशंसा बटुलिनेछ । बोलिको कदर हुनेछ । नयाँ जिम्मेवारी बढ्नेछ । व्यक्तित्व विकासको समय रहेकोे छ । शुभ खबर मिल्नेछ ।

धनु : सद्विचारको उदय हुनेछ । सामूहिक गतिविधिमा लाग्दा नेतृत्व गर्न पाइनेछ । पढाइलेखाइमा मन जानेछ । सामाजिक एवं राजनैतिक क्षेत्रका अपूरा काम बन्नेछन् । ठूला व्यक्तिसँग सहकार्य गर्ने अवसर मिल्नेछ ।

मकर : व्यवसायमा मन्दीपन रहनेछ । आफ्नै निर्णयले आँफैलाई समस्यामा पार्नेछ । दैनिक गर्दै आएका कार्यमा समेत विघ्नबाधा आउनेछ । शारीरिक आलस्यताले कार्य गर्न सकिने छैन । अशुभ खबर सुन्नु पर्नेछ ।

कुम्भ : काम प्रतिको लगनशिलता बढेर जानेछ । सोचे अनुरुपका काम कार्य पूरा हुँदा हर्ष बढ्नेछ । विपरीत लिंगीको साथ सहयोग मिल्ने देखिन्छ । शैक्षिक, सामाजिक एवं राजनैतिक क्षेत्रमा समेत अग्रस्थान मिल्नेछ ।

मीन : रोकिएको वित्तीय कारोवार सुचारु हुनेछ ।अवसरहरुले पछ्याउने छन् । व्यापार व्यवसायबाट आयदर बढ्नेछ । नोकरीमा सामान्य विवाद भएता पनि जीत तपाईँकै हुनेछ । घरायसी सरसामान जोडिनेछ ।

प्रकाशित मिति: आइतबार, मंसिर १२, २०७८