आजको राशिफल, वि.सं. २०७८ साल मंसिर ३ गते शुक्रबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल मंसिर ३ गते शुक्रबार

ज्याे. गंगासागर उपाध्याय बिहीबार, मंसिर २, २०७८

आजको पञ्चाङ्ग

वि.सं. २०७८ साल मंसिर ३ गते शुक्रबार, तदनुसार ई.सं. २०२१ नोभेम्बर १९ तारिख, राक्षसनाम संवत्सर, श्रीसूर्यदक्षिणायन, हेमन्तऋतु, चान्द्रमान अनुसार कार्तिकशुक्लपक्षको पूर्णिमा तिथि दिवा १:२५ बजेसम्म, त्यसपछि मार्गशीर्षकृष्णपक्षको प्रतिपदा तिथि रहनेछ । नक्षत्र : कृत्तिका मध्यरात्रिपछि विहान ४:१३ बजेसम्म, त्यसपछि रोहिणी रहनेछ । विष्कुंभादी योग : परिघ मध्यरात्रिपछि विहान ४:३० बजेसम्म, त्यसपछि शिव रहनेछ । आनन्दादी योग : छत्र । करण : बालव रात्रि २:२५ बजेसम्म, त्यसपछि तैतिल रहनेछ । श्रीसूर्य : बृश्चिक राशिमा, चन्द्रमा : मेष राशिमा विहान ८:२२ बजेसम्म रहनेछ । सूर्याेदय : ६:२९ बजे, सूर्यास्त : बेलुका ५:०८ बजे हुनेछ ।

(भोलि : त्रिजटालाई अर्घ दिने, थानकोटमा महालक्ष्मीयात्रा)

मेष : मान्यजनको सहयोग पाइनेछ । सभा समारोहमा अतिथिको सत्कार मिल्नेछ । टाढिएका आफन्तजनसँगको सम्बन्धमा सुमधुरता छाउनेछ । बोली वचनमा मिठासपन आउनेछ । वेलुकी पख स्वास्थ्य कमजोर बन्नेछ ।

वृष : पूर्वार्द्धको समयमा समस्या तथा चुनौतिको सामना गर्नुपर्नेछ । झन्झटको सामना गर्नुपर्नेछ । काम गरेर जस मिल्ने छैन । उत्तरार्ध्दको समयमा स्वास्थ्यमा सुधार हुनेछ । आम्दानिका नयाँ संभावनाहरु जुट्ने छन् ।

मिथुन : मित्रताको बन्धन कसिलो रहनेछ । थोरै लगानीबाट नै धेरै लाभ मिल्दा खुसीयाली छाउने छ । उत्तरार्ध्दको समयमा भने एक्कासी स्वास्थ्य समस्याले सताउनेछ । दोधारेपनले गर्दा निर्णय लिन गाह्रो पर्नेछ । खर्चभार बढ्नेछ ।

कर्कट : विपक्षीहरु पनि मेलमिलापमा आउन बाध्य हुनेछन् । नयाँ ठाउँको भ्रमणले मन हर्षित बन्नेछ । नयाँ कार्यको आरम्भ गर्ने समय रहेको छ । तपाईको काम गर्ने शैलीले समाजमा बेग्लै तरंग पैदा गर्नेछ । खुसीयाली छाउनेछ ।

सिंह : शत्रू पक्ष कमजोर बन्दा कार्य गर्न सहज हुनेछ । भविष्यका लागि कार्य योजनाहरु रचिने छन् । धर्म कर्ममा रुचि बढ्नेछ । गुरुजनको उपद्देशले कार्य गर्दा लक्ष्यमा पुग्न सकिनेछ । सामान्य कार्यमा नअल्झनु होला ।

कन्या : मनमा डर, त्रास उब्जनेछ । तनाबदायी कार्य मात्र आइलाग्ने छन् । समय अनुसार चल्न नसक्दा प्राप्त अवसर पनि गुम्नेछ । बेलुकी पख समस्या समाधानको उपाय रचिनेछ । काम गर्ने वातावरण बन्नेछ । धन लाभ हुनेछ ।

तुला : नयाँ कार्य आरम्भ गर्दै हुनुहुन्छ भने पूर्वार्ध्दको समय शुभ रहेको छ । अपरिचित व्यक्तिको सहयोगले कार्यहरु बन्नेछन् । उत्तरार्ध्दमा एक्कासी झमेला झेल्नु पर्नेछ । बोलिकै कारण विवादमा परिनेछ । चिन्ता बढ्नेछ ।

बृश्चिक : प्रतिष्पर्धात्मक काम व्यवहारमा विजयी भइनेछ । घरायसी समस्या हल हुनेछ । आर्थिक आगमनमा बृद्धि हुनेछ । समस्याको पहिचान गर्न सक्दा जिम्मा लिएका कार्य समयमै पूर्ण गर्न सकिनेछ । प्रशंसा मिल्नेछ ।

धनु : सन्तानको साथ सहयोग मिल्नेछ । पूर्व तयारीका साथ कार्यमा लाग्दा सफल भइनेछ । सामान्य समस्यामा नआत्तिनु होला । वेलुकीपख व्यवसायबाट आकस्मिक लाभ हुनेछ । काम प्रतिको लगनशिलता बढेर जानेछ ।

मकर : व्यवसायबाट न्यून प्रतिफल मिल्नेछ । शैक्षिक उपलब्धिमा ह्रास आउनेछ । हतारको निर्णयले समस्यामा परिनेछ । उत्तरार्ध्दको समय भने केही अनुकूलको बन्नेछ । नयाँ सिप सिक्ने अवसर पाइनेछ । अध्ययनमा रुचि जाग्नेछ ।

कुम्भ : इच्छा आकंक्षाहरु बढ्ने छन् । व्यवसायको शिलसिलामा रमाइलो भ्रमण हुनेछ । उत्तरार्ध्दको समय झन्झटिलो बन्नेछ । परिस्थिति अनुसार काम कार्य गर्न सकिने छैन । विश्वास गरेका व्यक्तिले धोका दिनेछन् ।

मीन : व्यापार व्यवसायबाट अपेक्षित लाभ मिल्नेछ । धन सञ्चय गर्ने वातावरण बन्नेछ । बोलिको प्रभाव रहला । प्रीयजनसँगको भेटले मन फुरु· बन्नेछ । नयाँ योजनालाई अघि बढाउने समय रहेको छ, अल्छिपना त्याग्नुहोला ।

प्रकाशित मिति: बिहीबार, मंसिर २, २०७८