आजको राशिफल कस्तो छ त ? २०७८ साल कार्तिक २७ गते शनिबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल कस्तो छ त ? २०७८ साल कार्तिक २७ गते शनिबार

ज्याे. गंगासागर उपाध्याय शुक्रबार, कात्तिक २६, २०७८

मेष : आकस्मिक लाभले मन खुसी बन्नेछ । व्यापार व्यवसायमा गरेको लगानीले भविष्यसम्म लाभ लिन पाइनेछ । साथीभाईसँगको रमाइलो यात्रा हुनेछ । सहमती र सहकार्यको वातावरणले कार्य गर्न सहजताको अनुभव हुनेछ । सृजनात्मक कार्यमा मन रमाउनेछ ।

वृष : कार्य क्षेत्रमा नयाँ जिम्मेवारी मिल्नेछ । वक्तव्य कलाले समाजमा वेग्लै तरड्ड पैदा गर्नेछ । सामाजिक प्रतिष्ठा बढेर जानेछ । प्रशासनिक क्षेत्रका अपूरा कार्यलाई पहल गर्दा सफलता मिल्नेछ । मन खुसी रहनेछ । नयाँ प्रस्ताव समेत आउने छन् ।

मिथुन : भाग्यले साथ दिँदा सुरु गरेका अधिक कार्यले पूर्णता पाउने छन् । सामाजिक कार्यबाट जस पाइनेछ । पढाइलेखाइमा मन जानेछ । धर्मकर्ममा रुची बढ्नेछ । परोपकारी कार्यमा समय विताउन पाउँदा आनन्द लाग्नेछ ।समय शुभ रहेको छ ।

कर्कट : कठोर बोलीका कारण काम विग्रनेछ । नोकरीमा अपजस व्यहोर्नु पर्नेछ । स्वास्थ्य समस्या कायमै रहनेछ । हतारको निर्णयले समस्यामा पार्न सक्छ, पूर्व तयारीका साथ कार्यमा लाग्नुहोला । अरुको भर विश्वासमा पर्दा महत्वपूर्ण अवसर गुम्नेछ ।

सिंह : मनोरञ्जनात्मक कार्यमा सहभागी हुने मौका मिल्नेछ । आकर्षण शक्ति बढेर जानेछ । मानसिक क्षमतामा बृद्धि विकास हुनेछ । प्रेमीप्रेमीका बिचको सम्बन्ध प्रगाढ रहनेछ । अरुलाई विश्वास दिलाउन सक्दा महत्वपूर्ण कार्यको जिम्मेवारी मिल्ने देखिन्छ ।

कन्या : छैटौं भावको चन्द्रमाले सानातिना झमेला आइलागेता पनि बुद्धिमता ढंगले अघि बढ्दा जीत आफ्नै पोल्टामा पार्न सकिनेछ । विपक्षीलाई पछि पार्दै लक्ष्यमा पुग्न सकिनेछ । आर्थिक पक्ष बलियो रहनेछ । श्रमको सही रुपमा मूल्यांकन पाइनेछ ।

तुला : अध्ययन अध्यापन क्षेत्रमा मन जानेछ । नयाँ वस्तुको ज्ञान ग्रहण गर्न पाइनेछ । श्रमको सही मूल्यांकन मिल्दा कार्य गर्ने हौसला थपिनेछ । सामान्य मिहिनेतले नै सिप सिक्न र बुझ्न सकिनेछ । पारिवारिक सहयोगले महत्वपूर्ण कार्यको आरम्भ गरिनेछ ।

बृश्चिक : अवसर हुँदाहुँदै पनि विकल्प रोज्नाले समस्या सृजना हुन सक्छ, सजक रहनु होला । कठोर बोली व्यवहारका कारण आफन्तजनसँग नै विवाद पर्नेछ । काम गरेर चित्त बुझाउन नसक्दा हैरानी लाग्नेछ । नयाँ काम कार्यको आरम्भ नगर्नु नै उचित हुनेछ ।

धनु : पराक्रम बढेर जानेछ । लामो समय पछि मित्र मिलन हुनेछ । जोखिमयुक्त कार्यलाई पनि सहज ढंगले गर्न सक्दा प्रशंसकहरु थपिने छन् । खुसी बढ्नेछ । अध्ययनमा रुची जाग्नेछ । सोचे अनुरुप काम कार्य बन्दा खुसी लाग्नेछ । समय शुभ रहनेछ ।

मकर : अल्छि गर्नाले विशेष अवसर गुम्न सक्छ, जागरुक भएर कार्यमा लाग्नु होला । कुटुम्बको साथ सहयोगले अघि बढ्दा सफल भइनेछ । बोलीकै भरमा कार्य बन्नेछन् । व्यवसायबाट अपेक्षित लाभ मिल्नेछ । धन सञ्चय गर्ने वातावरण बन्नेछ ।

कुम्भ : मनमा शान्ति एवं शरीरमा कान्ति छाउने समय रहेको छ । नयाँ अवसर मिल्नेछ । ठूला व्यक्तिको संगत हुनेछ । अरु दिन विरोध गर्नेहरु पनि समर्थनमा आउन बाध्य हुनेछन् । प्रतिक्षित नतिजामा सफल भइनेछ । समग्रमा दिन शुभफलदायी रहने देखिन्छ ।

मीन : घरायसी समस्याले गर्दा काम गर्ने वातावरण बन्ने छैन । सञ्चित धन खर्च गर्नु पर्दा नैराश्यता छाउनेछ । बोलीको गलत अर्थ लगाउन सक्छन्, सजक रहनु होला । मान्यजनसँग सामान्य कुरामा विवाद पर्नेछ । पूर्व तयारी र टिपोट गरेर मात्र कार्य गर्नुहोला ।

प्रकाशित मिति: शुक्रबार, कात्तिक २६, २०७८

प्रतिक्रिया दिनुहोस्