आजको राशिफल, वि.सं. २०७८ साल कार्तिक २५ गते बिहीबार

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल, वि.सं. २०७८ साल कार्तिक २५ गते बिहीबार

ज्याे. गंगासागर उपाध्याय बुधबार, कात्तिक २४, २०७८

मेष : लामो समय पछि मित्र मिलन हुनेछ । ऐतिहासिक कार्यको आरम्भ हुनेछ । रोकिएका अपूरा कार्यलाई पहल गर्दा पूर्ण गर्न सकिनेछ । विशिष्ट व्यक्तिसँग सहकार्य गर्न पाउँदा हर्षित भइनेछ । काम गरेर देखाउने समय रहेको छ । जागरुकताका साथ अघि बढ्नु होला ।

वृष : आर्थिक पक्ष बलियो बन्नेछ । सकारात्मक सोच बिचारको विकास हुनेछ । भाग्यले साथ दिँदा थालेका अधिकांश कार्यले पूर्णता पाउने छन् । मांगलिक कार्यको निम्तो पाइनेछ । छरछिमेकमा नयाँ चहलपहल छाउनेछ । परोपकारी कार्यमा समय विताउन पाउँदा खुसी लाग्नेछ ।

मिथुन : सहयोगीहरुले साथ छाड्न सक्छन्, सजक रहनु होला । सोचे अनुरुप कार्य बन्ने छैन । कडा परिश्रम पछि मात्र लक्ष्यमा पुग्न सकिनेछ । नयाँ लगानीले तनाब मात्र थपिनेछ त्यसैले पहिलादेखि गर्दै आएका दैनिक कार्यमा नै व्यस्थ रहनु उचित हुनेछ ।

कर्कट : मान्यजनको सहयोग उचित रुपमा मिल्नेछ । पतिपत्नी बीचको सम्बन्ध सुमधुर रहनेछ । प्रेमीप्रेमीका बीचको सम्बन्ध समेत प्रगाढ बन्नेछ । मनोरञ्जनात्मक समारोहमा सहभागी भइनेछ । आकर्षण शक्ति बढेर जानेछ । दिन हर्षाेल्लास पूर्वक बित्ने देखिन्छ ।

सिंह : व्यवसायमा नयाँ लगानी गर्दा पछिसम्म लाभ लिन पाइनेछ । पूराना उठ्न बाँकी रकमलाई पहल गर्दा उठाउन सकिनेछ । शत्रू पक्ष कमजोर रहँदा कार्य गर्ने वातावरण बन्नेछ । आर्थिक पक्ष सबल रहनेछ । काम साँचेर नबसी अघि बढ्दा सफल भइनेछ ।

कन्या : मानसिक क्षमताको बृद्धि विकास हुनेछ । रमाइलो यात्राको संभावना प्रवल देखिन्छ । सन्तानको सहयोगले महत्वपूर्ण कार्य बन्नेछ । पढाइलेखाइमा मन जानेछ । स्वादिष्ट भोजनको आनन्द लिन पाइनेछ । पारिवारिक जमघटको योग समेत बनेको छ ।

तुला : नजिकका व्यक्तिसँग नै विवाद बढ्नेछ । गोपनीयता बाहिरीँदा समस्या सृजना हुन सक्छ, सजक रहनु होला । स्वास्थ्य अवस्था कमजोर नै रहनेछ । श्रमको सही मूल्यांकन नमिल्दा कार्य गर्न मन लाग्ने छैन । विवादको सामना गर्नु पर्नेछ । नियमति कृयाकलापमा नै व्यस्त रहनु उचित हुनेछ ।

बृश्चिक : साथीसंगीसँग रमाइलो पल बिताउन पाइनेछ । कृषि एवं पशुपालनमा लाग्नेहरुका लागि लाभकारी समय रहेको छ । आफ्नै प्रयासले कार्य बन्दा हौसला बढ्नेछ । अध्ययनमा रुची बढ्नेछ । हर्षको खबर सुन्न पाइनेछ । साझेदारी कार्यबाट पछिसम्म लाभ लिन सकिनेछ ।

धनु : पूर्व तयारीका साथ कार्यमा लाग्दा विशेष सफलता मिल्नेछ । दिगो फाइदा हुने खाले कार्यको आरम्भ हुनेछ । विपक्षीहरु पनि मेलमिलापमा आउन बाध्य हुनेछन् । खुसी बढ्नेछ । साना कार्यमा भुल्ने समय छैन नयाँ योजनालाई अघि बढाउँदा धेरै व्यक्तिको सहयोग जुट्नेछ ।

मकर : लामो समय पछि मित्र मिलन हुनेछ । मानसम्मान मिल्नेछ भने सामाजिक कार्यबाट जस समेत पाइनेछ । बोलीको कदर हुनेछ । थालेका कार्यबाट छोटो समयमा नै लाभ लिन सकिनेछ । आकस्मिक लाभ मिल्नेछ । ठूला व्यक्तिसँग सम्बन्ध विस्तार हुनेछ । समग्रमा समय शुभ रहने देखिन्छ ।

कुम्भ : हतारमा लिएको निर्णयले समस्यामा परिन सक्छ, मान्यजनको सल्लाहमा अघि बढ्नुहोला । सोचे अनुरुप कार्य नबन्दा दिक्क लाग्नेछ । शारीरिक आलस्यताले गर्दा कार्य गर्न मन लाग्ने छैन । अनावश्यक चिन्ताले सताउनेछ । नयाँ कार्यको आरम्भ नगर्नुहोला ।

मीन : आय मूलक कार्यमा ध्यान जानेछ । व्यवसायमा नयाँ संझौता हुनेछ । मिहिनेतको उचित कदर हुनेछ । सामाजिक पद प्रतिष्ठा मिल्नेछ । नाम, दाम मिल्ने समय रहेको छ । प्रेम प्रसंगले मूर्तरुप लिनेछ । श्रमको उचित मूल्यांकन मिल्नेछ । सही समयको उचित लाभ लिनुहोला ।

प्रकाशित मिति: बुधबार, कात्तिक २४, २०७८

प्रतिक्रिया दिनुहोस्