माघ १२ गते चौथो संस्करणको राइट टु प्रोटिन रन हाफ म्याराथन प्रतियोगिता हुने

खेल

गृहपृष्ठ
खेल

माघ १२ गते चौथो संस्करणको राइट टु प्रोटिन रन हाफ म्याराथन प्रतियोगिता हुने

समाचारदाता सोमबार, पुस २२, २०८१

नेपाल भेटेरिनरी एसोसिएसनको आयोजनामा चौथो संस्करणको राइट टु प्रोटिन रन हाफ म्याराथन प्रतियोगिता यहि माघ १२ गने काठमाडौंमा आयोजना हुने भएको छ ।

एसोसिएसनले सोमबार काठमाडौंमा पत्रकार सम्मेलन गर्दै माघ १२ गते काठमाडौंको दशरथ रंगशालाबाट सुरु भइ बिभिन्न स्थान हुँदै सोहि स्थानमा पुगेर हाफ म्याराथन प्रतियोगिता समापन हुने जनाएको हो । उक्त दौड प्रतियोगितामा ८ हजार जनाले भाग लिने हाफ म्याराथन संयोजक डा शीतलकाजी श्रेष्ठले जानकारी दिए।

संयोजक श्रेष्ठका अनुसार प्रतियोगितामा खुला हाफ म्याराथन, पुरुष १० किमी, महिला ५ किमी, १२ कक्षासम्मका विद्यार्थीलाई ५ किमी (पुरुष) र ३ किमी (महिला), फरक क्षमता भएका व्यक्तिहरुका लागि ह्विलचेयर र बालबालिकाका लागि रन फर फन दौड समावेश गरिएको छ ।

प्रतियोगिताअन्तर्गत हाफ म्याराथनको उपाधि जित्ने महिला तथा पुरुष खेलाडीले जनही एकलाख पचास हजार रुपैया प्राप्त गर्ने संयोजक श्रेष्ठले जानकारी दिए । दोस्रो, तेस्रो, चौथो र पाँचौँ हुने महिला तथा पुरुष खेलाडीले क्रमशः १ लाख, ७० हजार, ५० हजार र ३० हजार रुपैयाँ पुरस्कार पाउनेछन् । पुरुष १० किमी दौडमा प्रथम स्थान हासिल गर्ने खेलाडीले ५० हजार रुपैयाँ पाउनेछन् भने दोस्रो हुने खेलाडीले ४० हजार रुपैयाँ पाउनेछन् ।

त्यस्तै अन्य विधामा प्रथमदेखि पाँचौ स्थान हासिल गर्ने खेलाडीलाई पनि पुरस्कारको व्यवस्था गरिएको आयोजकले जनाएको छ । प्रोटिनजन्य पदार्थमा पहुँच बढाउनका लागि जनचेतना फैलाउने उदेश्यका साथ एसोसिएसनले हरेक बर्ष हाफ म्याराथन प्रतियोगिता आयोजना गर्दै आएको छ ।

प्रकाशित मिति: सोमबार, पुस २२, २०८१

प्रतिक्रिया दिनुहोस्