राजकुमार एउटा थाङ्का चार हजारदेखि रु पाँच लाखसम्म बिक्री गर्छन्

कला-साहित्य

गृहपृष्ठ
कला-साहित्य

राजकुमार एउटा थाङ्का चार हजारदेखि रु पाँच लाखसम्म बिक्री गर्छन्

समाचारदाता बिहीबार, मंसिर १३, २०८१

बौद्ध दर्शनमा आधारित परम्परागत चित्रकला थाङ्का बनाएर सुनसरीको बराहक्षेत्र नगरपालिका–५ कालाबन्जरका राजकुमार विष्टले वार्षिक रु १५ लाख आर्जन गर्दै आएका छन।

विगत २० वर्षदेखि थाङ्का बनाउँदै आएका उनले थाङ्कालाई नै आम्दानीको मुख्य स्रोत बनाएका छन । उनी भन्छन् , “बौद्ध दर्शनमा आधारित एउटा विशिष्ट शास्त्रीय चित्रकलाजस्तै हो र यो नेवार जातिको परम्परागत चित्रकला पौभासँग मिल्दोजुल्दो हुन्छ । घर खर्च यसैबाट जुटाउने गरेको छु । धेरै चित्र गुम्बाहरुमा बिक्री हुने गरेको छ तर यहाँ प्रशस्त गुम्बा नहुँदा काठमाडौँका साथै चीनको तिब्बत, हङकङ, सिङ्गापुर,अमेरिकालगायत देशमा बिक्री हुने गरेको छ । थाङ्का चित्र अहिले धेरैजसो नेपाल भ्रमणमा आउने विदेशी पर्यटकले किन्ने गरेका छन् । "

थाङ्काले चित्रमार्फत नेपालको ऐतिहासिक तथा धार्मिक परम्परालाई झल्काउने उनले बताए । उनले १० जनालाई रोजगारी दिएका छन् साथै थाङ्का चित्र कोर्न सिक्नेको लागि पनि व्यवस्था गरेका छन् ।उनले सिकाएका मानिसहरु वैदेशिक रोजगारीमा गएका छन् जहाँ उनीहरुले यो कला पनि प्रस्तुत गर्नेगरेको उनले सुनाए ।

एउटा थाङ्का चित्र बनाएर पहिलोपटक रु ५० हजारमा बिक्री गरे पछि व्यावसायिक रुपमा काम थालेका उनले रु चार हजारदेखि रु पाँच लाखसम्मका थाङ्का बिक्री गर्दै आएका छन ।

प्रकाशित मिति: बिहीबार, मंसिर १३, २०८१

प्रतिक्रिया दिनुहोस्