बराहक्षेत्रमा उदयपुर र सुनसरीका २ हजार घरपरिवार सप्तकाेशी कटानकाे उच्च जाेखिममा

घटना/दुर्घटना

गृहपृष्ठ
घटना/दुर्घटना

पूर्वमा बाढी पहिरो बराहक्षेत्रमा उदयपुर र सुनसरीका २ हजार घरपरिवार सप्तकाेशी कटानकाे उच्च जाेखिममा

समाचारदाता शनिबार, असोज १२, २०८१

अबिरलको वर्षासँगै आएको बाढीका कारण सप्तकोशी नदी उदयपुरको बेलाका नगरपालिका क्षेत्र तर्फ डुबानमा परेको छ । बेलाका नगरपालिकाको वडा नम्बर १, २, ३, ८ र ९ सुनसरी जिल्लाको बराहाक्षेत्र नगरपालिकाको वडा नम्बर ६ र ८ का झन्डै २ हजार घर परिवार उच्च जोखिममा परेका छन।

उदयपुरको बेलका नगरपालिकाको वडा नं. १, २, ३, ८ र ९ तेसै गरी बराहाक्षेत्र नगरपालिकाको वडा नं. ६ सहित स्थानीय सोमबारे, डुम्रीबोटे, मसान घाट, धौरी टप्पु, चिलिमे, एबीसी, श्रीलंका टापु, रामनगर र सप्तरी जिल्लाका समेत गरी अन्दजी २ हजार गर परिवार र उक्त क्षेत्रमा रहेका बिधालय, बिभिन्न सरकारी कार्यालयहरु सप्तकोशी नदीमा आएको बाढीको उच्च जोखिममा परेका छन् । सप्तकोशी नदीमा बहाव बढेर बाढी आउँदा स्थानीयलाई डुबाउला कि भन्ने चिन्ताले सताएको छ भने बाढी घट्दा जमिन कटान गरेर झन् छिटो नदी गाउँ पस्ला कि भन्ने त्रासले सताएको छ।

पछिल्लो समय सप्तकोशी नदीले जलसतह पार गर्दै नदीको बहाव पश्चिमतर्फ पस्दा उदयपुरको बेलका नगरपालिका र बराहक्षेत्र नगरपालिकाको वडा नं. ६ वडाको केही भाग बाढीको उच्च जोखिममा परेपछि स्थानीय सरकार रोकथामकको उपाय खोजिरहेको बेलका नगरपालिकाका नगर प्रमुख अशोक कार्कीले बताए ।

नेपाल सरकारले तत्काल भारत सरकार संग कुटनैतिक पहल गरेर कोशी समझौता अनुसार सप्तकोशी नियन्त्रणको उपाय नखोज्ने हो भने कुनै पनि समय उक्त क्षेत्रमा भयावह अवस्था आउन सक्ने देखिएको छ।

प्रकाशित मिति: शनिबार, असोज १२, २०८१

प्रतिक्रिया दिनुहोस्