प्रचण्डले सबै मन्त्रालय आफैँसँग राखेर ३ जनालाई मन्त्री बनाए, पूर्णता दिन नयाँ सहयात्रीसँग छलफल जारी

राजनीति

गृहपृष्ठ
राजनीति

प्रचण्डले सबै मन्त्रालय आफैँसँग राखेर ३ जनालाई मन्त्री बनाए, पूर्णता दिन नयाँ सहयात्रीसँग छलफल जारी

समाचारदाता सोमबार, फागुन २१, २०८०

प्रचण्डले मन्त्रिपरिषद पुनर्गठन गरेको भन्दै अप्रत्याशित रुपमा कांग्रेसका मन्त्रीहरूलाई हटाए । एमालेसहितको पुनर्गठन पनि भने । तर सबै मन्त्रालय प्रचण्डले आफैँमा राखेका छन् । नयाँ सत्तायात्राका तीन जनालाई मन्त्री बनाएका छन् तर मन्त्रालय पछि तोक्ने गरी ।

ती तीन जना नवनियुक्त मन्त्रीलाई राष्ट्रपति रामचन्द्र पौडेलले पद तथा गोपनीयताको शपथ गराए । राष्ट्रपतिले नेपालको संविधानका धारा, ७६ को उपधारा ९ बमोजिम प्रधानमन्त्री पुष्पकमल दाहाल ‘प्रचण्ड’को सिफारिसमा मन्त्रीमा नियुक्त हुनुभएका तीनजनालाई राष्ट्रपति कार्यालय शीलत निवासमा आज आयोजित विशेष समारोहमा सोही संविधानको धारा, ८० अनुसार पद तथा गोपनीयताको शपथ गराएका हुन् ।

नेपाल कम्युनिष्ट पार्टी (एमाले)का तर्फबाट पदम गिरी, नेपाल कम्युनिष्ट पार्टी (माओवादी केन्द्र)का तर्फबाट हितबहादुर तामाङ र राष्ट्रिय स्वतन्त्र पार्टीका तर्फबाट डोलप्रसाद अर्यालले शपथ लिएका हुन् । मन्त्रिपरिषदलाई पूर्णता दिन एमाले, रास्वपा लगायत नयाँ सत्ता सहयात्री दलसँग छलफल जारी रहेको छ ।

प्रधानमन्त्रीको सिफारिसमा आज गठन भएको मन्त्रिपरिषद् र त्यसको कार्यविभाजनअनुसार प्रधानमन्त्री दाहालले नै अर्थ, उद्योग, वाणिज्य तथा आपूर्ति, ऊर्जा, जलस्रोत तथा सिँचाइ, कानुन न्याय तथा संसदीय मामिला, कृषि तथा पशुपन्छी विकास, खानेपानी, गृह, परराष्ट्र, भूमि व्यवस्था, सहकारी तथा गरिबी निवारण, भौतिक पूर्वाधार तथा यातायातलगायत नेपाल सरकार सबै मन्त्रालयको कार्यभार सम्हालेका छन् । समारोहमा उपराष्ट्रपति रामसहायप्रसाद यादव, सभामुख देवराज घिमिरे, प्रधानन्यायाधीश विश्वम्भर श्रेष्ठलगायत विशिष्ट व्यक्तिहरूको उपस्थिति थियो ।

प्रकाशित मिति: सोमबार, फागुन २१, २०८०

प्रतिक्रिया दिनुहोस्